अंबाडीची भाजी

अमृता आंबाडीची भाजी आमच्याकडे येते विकायला पण मी कधी केली नाही आता तुझ्या रेसिपीने करेन.

अमृता, मी पण गूळ घालून अंबाडीची भाजी करूच शकत नाही. पण तुरीची डाळ शिजवून घोटून घालते आणि तांदूळाच्या कण्याही.. त्यामुळे वरण भातात घातलेली पालेभाजी असं आईला आम्ही चिडवायचो. पण ती लसूण सुक्या मिरच्यांच्या फोडणीची लज्जत आणि खुमारी भाजी करायला लागल्यावरच कळली.
मस्त हिरवी पिवळी भाजी दिसते. आणि कच्चं तेल घालून स्वर्ग वगैरे डिट्टो

अम्रुता,
ही भाजी खासच लागते, पण त्यात शेंगदाणे आणि डाळ असल्याशिवाय खरी चव नाही येणार ...
ही भाजी खाण्यामागे काहीतरी शास्त्रीय कारण आहे का किंवा यामुळे नेमका काय फायदा होतो ?
हे कुणीतरी सांगा ...

ह्म्म, मलाही आवडते अंबाडी पण अमृताची (भाताची) रेसिपी नव्हती माहित
पण ही भाजी गरम, ताजीच छान लागते, डब्यात नेलेली गारढोण झालेली भाजी नाही लागत चांगली

सही.

हो ग अगो...अंबाडी म्हणजे घोंगुरा लीव्हज च.. ईथे आंध्रात याचे लोणचे मस्त करतात...

माझी आवडती भाजी. आईपण तांदूळकण्या घालुनच बनवते. मला नीट पाकृ. माहिती नाही. पण अशीच असेल.

लसूण, तेल, लाल मिरच्या, तांदूळ शिवाय खरी चव नाही>>> अगदी अगदी.
बघते इकडे मिळाली तर...

अहाहा... काय काय पण बाफ काढता राव तुम्ही... आधी शेपू झाला आता अंबाडी... वा वा...

माझी अत्यंत आवडती भाजी..
अर्थात त्यात डाळ, दाणे आणि तळलेली सांडगी मिरची हवीच...

अंबाडी, तांदूळाच्या कण्या, डाळ, दाणे एकत्र करुन कुकर मध्ये शिजवून घ्यायचं. मग त्यातलं पाणी काढून टाकायचं.. नाहीतर हे मिश्रण अ‍ॅसिड सारखं आंबट लागतं... नंतर नेहमीसारखी फोडणी करायची.. योग्य प्रमाणात गूळ घालायचा... सांडगी मिरची तळून घ्यायची आणि त्याच तेलात लसूण मस्त करपूस करुन घ्यायचा.. आणि मिरची आणि लसणाची एकत्र वरून फोडणी द्यायची... आणि भाकरी बरोबर मस्त हाणायची...

देशावर ही भाजी ज्वारीच्या कण्या घालून पण करतात ( Just FYI )

मिनोती, हो मीपण ज्वारीच्या(च) कण्या घालून केलेली खाल्ली आहे. पण अंबाडीपेक्षा चुक्याची डाळ घालून, भरपूर लसणाची फोडणी दिलेली मला जास्त आवडते. बरोबर ज्वारीची भाकरी आणि दाण्याची चटणी, घरचं घट्ट दही

http://vadanikavalgheta.blogspot.com/2008/09/maharashtrian-style-gongura...
ही पण रेसिपी छान आहे.