व्हेज कबाब

Submitted by अंजली on 7 June, 2010 - 10:04
प्रत्यक्षात लागणारा वेळ: 
१ तास
लागणारे जिन्नस: 

२ कच्ची केळी (plantains) उकडून आणि खिसून
२ मोठे बटाटे उकडून आणि खिसून
२ गाजर खिसून आणि वाफवून
२ मोठे कॉलीफ्लावरचे तुरे खिसून आणि वाफवून
१/२ वाटी मटार वाफवून
१/२ वाटी मक्याचे दाणे वाफवून
१ मध्यम लाल कांदा बारिक चिरून (असल्यास कांद्याची पात बारिक चिरून)
१ वाटी पनीर खिसून
१ मोठा चमचा आलंलसूण पेस्ट
मूठभर कोथिंबीर बारिक चिरून
मूठभर पुदिना बारिक चिरून
१ मोठा चमचा भरून हि. मिरची बारिक चिरून
१ टि. स्पून धने पावडर
१ टि. स्पून जीरे पावडर
१-२ टि. स्पून चाट मसाला
१ टि. स्पून बडिशेप भरड कुटून
१ टे. शानचा शीख कबाब मसाला (नसला तर गरम मसाला)
१/२ वाटी काजू तुकडे
लागतील तसे ब्रेडक्रम्स
चवीपुरते मीठ

क्रमवार पाककृती: 

वरील सर्व जिन्नस एकत्र करुन १/२ तास ठेवावे.
हवा तसा आकार देऊन (गोल चपटे किंवा शीख कबाब सारखे लांब) तळून घ्यावेत किंवा शॅलो फ्राय करावेत. कोळशाच्या ग्रीलवर ग्रील केले तर सुंदर चव येते. सर्व्ह करण्याआधी थोडा चाटमसाला भूरभूरावा.
कोथिंबीर, हिरव्या मिरच्या, जीरे वाटून दह्यात कालवलेल्या चटणीबरोबर सर्व्ह करावेत. सोबत कांदा, लिंबाच्या चकत्या द्याव्यात.

वाढणी/प्रमाण: 
भरपूर होतात :)
माहितीचा स्रोत: 
वाह रे वाह डॉट कॉमचे संजय थुम्मा, पाककृतीची पुस्तकं, स्वप्रयोग
आहार: 
शाकाहारी
पाककृती प्रकार: 
इतर प्रकार
शब्दखुणा: 
कबाब
भाज्या
व्हेज
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

मस्त! Happy

Submitted by अरुंधती कुलकर्णी on 7 June, 2010 - 12:44

धन्यवाद अंजली. छान झाले. सर्वांना खूप आवडले. फोटो टाकते आहे.
काजू आणि पात सोडल्यास मी बाकी सगळे घातले. फोटोतल्या आकाराचे २८-३० कबाब झाले.

हे भाजण्यापूर्वी
kobob3.jpg

नंतर. काही ग्रिलवर भाजले काही शॅलो फ्राय केले पॅनमध्ये. ग्रिलवरचे छान कुरकुरीत होतात.
kabob2.jpg

आज त्याचे रॅप केले. कांदा, टोमॅटो, चिरलेली ताजी मेथी आणि चटणी घालून fajita ..
wrap1.jpg

Submitted by लालू on 13 June, 2010 - 22:09

छान

Submitted by जागोमोहनप्यारे on 18 May, 2011 - 03:44

धन्यवाद अंजली. कालच हे कबाब केले होते.छान झाले. सर्वांना खूप आवडले. मी ओव्हन मधे ग्रिल केले. खूप छान कुरकुरित झाले होते.

Submitted by प्रिया७ on 16 June, 2011 - 17:06

आश ३७५ degree F वर ग्रिल केले. ४५ मिनिट लागले. मी सारखे चेक करत होते आणि उलटवले १-२ दा. फॉईल वर ऑईल स्प्रे मारुन ठेवले होते. ग्रिल करायचि जाळि असेल तर लवकर होतिल आणि अजुन छान होतिल.

Submitted by प्रिया७ on 16 June, 2011 - 22:23

Pages