मभागौदि २०२५ शशक - रिपुदम-न - मामी

Submitted by मामी on 22 February, 2025 - 21:18

"मी, डॉ. जमदग्नी म्हणजे कोण आहे हे दुनियेला माहित आहे कामिनी. माझ्या कर्तृत्वावरच तर तू भाळलीस ना?"
"हो आणि तुम्ही माझ्या सौंदर्यावर! "
"अलबत! आणि अजूनही तुझ्या सौंदर्याचा लोभ सुटलेला नाही हे ही तुला माहित आहे. "
"इश्श्य! ते मी जाणते की पण तुमच्या आजूबाजूला इतक्या ललना वावरत असतात की कधी कधी माझा मत्सराग्नी जागृत होतो. "
"साहजिकच आहे गं. जिथे प्रेम तिथे मत्सर असणारच. "
"आणि जिथे कर्तृत्व तिथे क्रोधही आहे म्हटलं. "
"हा! हा! हा! मान्य!!!"
"खरं सांगू, मनुष्यस्वभावात षड्रिपु असणारच. फक्त त्यांवर मात करता यायला हवी. अगबाई, बेल वाजली. आपले लव-कुश आले वाटतं. थांबा दरवाजा उघडते."
.
दरवाज्यात उभे होते - मद-न आणि मोह-न !!!

विषय: 
उपक्रम
शब्दखुणा: 
#मभागौदि२०२५
शशक
Groups audience: 
मराठी भाषा गौरव दिवस २०२५
Group content visibility: 
Public - accessible to all site users
शेअर करा

मस्त मस्त मामी.
अगदी सगळ्या रिपुंना मस्त गुंफलय.
आवडली शशक.

Submitted by ऋतुराज. on 22 February, 2025 - 21:32

आवडली!
बाकी ठीक आहेत पण मद-न आणि मोह-न यांना काबूत ठेवणं का कठीण असतं ते ही बरोबर समजलं. Happy

Submitted by अमितव on 23 February, 2025 - 07:51

कल्पकरित्या गुंफलीय
फक्त जमदग्नी आणि कामिनी हा संदर्भ लक्षात येत नाहीये.
मी जमदग्नी हे परशुराम ह्यांचे वडील असे वाटून विचार करतोय.

Submitted by झकासराव on 24 February, 2025 - 03:10

अभिप्राय दिल्याबद्दल धन्यवाद मंडळी.

@झकासराव
जमदग्नी ऋषी कोपिष्ट होते म्हणून ते नाव वापरलं आहे. कामिनी म्हणजे सौंदर्यवती $**¥ स्त्री म्हणून ते नाव वापरलं आहे.

Submitted by मामी on 24 February, 2025 - 05:25

मामी ok
तो ही अंदाज होताच पण काही पौराणिक संदर्भ निसटू नये म्हणून विचारले

Submitted by झकासराव on 25 February, 2025 - 06:10