सोशल मीडिया ट्रोलिंग: दुर्लक्ष हाच यशाचा मार्ग

लेखकाच्या कथेवर जेव्हां नकारात्मक प्रतिक्रिया येत असतील तेव्हां त्याने त्या मुळे अस्वस्थ व्हायला नको यात दुमत नाही.
पण च्रप्स स्वतः एक ट्रोल आहे. या ट्रोल ने माझ्या कथेवर कथेच्या अनुषंगाने एकही प्रतिसाद दिलेला नाही. याचे बरेच प्रतिसाद दोन वर्षांनी उडालेले आहेत. झंपु दामले, फिल्मी आणि च्रप्स जे ट्रोलिंग करत होते ते ही सतत दोन वर्षे त्याबद्दल या लेखात अवाक्षरही नाही.

एखाद्या नवीन लेखकाला जर त्याच्या कथेवरचे नकारात्मक प्रतिसाद आवडत नसतील आणि तो दुरूत्तरे करत असेल तर मायबोलीकरांनी यापूर्वी त्याच्याकडे दुर्लक्ष केलेले आहे. कंटाळून तो कथा लिहीणे बंद करतो किंवा आपल्या कडून काय चुका झाल्या याचा विचार करत राहतो. त्याची चूक दाखवणे यात काहीच गैर नाही. पण लेखक चिडून दुरूत्तरे देत असेल तर मजा घेणे हे पण ट्रोलिंगच आहे. दुर्लक्ष करणे हा उपाय दोन्हीकडून अंमलात आणता येऊ शकतो. एकाला जमत नसेल तर दुसर्‍याने दुर्लक्ष करावं. एकतर्फी चर्चा घातकच.

हा ट्रोल स्वतः दुर्लक्ष करू शकत नाही हे शिकण्यासारखे आहे

दुर्लक्ष करायला शिका ओ च्रप्स. आपण दिलेला सल्ला अंमलात आणणे ही जगातली सर्वात मोठी गोष्ट आहे.
लोक तुम्हाला लीडर म्हणतील. डोक्यावर बर्फ ठेवा. धागा काढलाय ना ? मग प्रतिसाद येणारच.

उलट तुम्ही सिद्ध करताय कि लेखक स्वत:च चवताळून अंगावर धावून येतो हे बरोबरच आहे. तुमची मर्जी.
सुधारणा करणं हे कंपल्सरी नाही. पुन्हा एकदा वाढदिवसाच्या शुभेच्छा !

धाग्याचा विषय ड्यू आयडी नाही आहे >> स्वतःच ट्रोलिंग करत आहात.
वाढदिवसाच्या शुभेच्छा याचा अर्थ आता तुमचा धागा तुम्ही चालवा. कसाही चालवा. कंपू बोलवा नाही तर काहीही करा.

पंक्चर झाला म्हणा.
बोले तैसा चाले या म्हणीवर जग विश्वास ठेवते.

ट्रोलिंग ही बटबटीत आणि भ्याड विकृती आहेच.
प्रत्येकाला सोशल अ‍ॅक्सेप्टेबिलिटी लागते. भले करोडो अपराध केलेले असोत, अशी जागा लागते जिथे उजळ माथ्याने, कोर्‍या स्लेटने वावरता येइल. एक जजमेन्ट फ्री वातावरण असेल. पण नाही ना हे ट्रोल्स जिकडे तिकडे गढे मुर्दे उकरत फिरताना दिसतात. छळ मांडतात.
दुसरं बुलिंग, कंपूगिरी. एकमेकांची स्तुती करण्याच्या, एकमेकांना आधार देण्याचया कंपूगिरीबद्दल हा आक्षेप नाही. आक्षेप आहे तो ड्यु आय डीज किंवा कंपूने आक्रमक होण्याचा. एकमेकांचे धागे, अवांतराने हॅक करणे.
सळो की पळो करुन सोडतात हे लोक. विकृती अजुन काय.

मी काय म्हणते की या ट्रोल्सकडे दुर्लक्ष करता येत नाही का? आपल्यावर टीका झालेली सहन होत नाही हे मान्य, संतापुन काहीतरी खरमरीत लिहावेसे वाटणे, लिहिले जाणे होते हेही मान्य. पण हे करुन ट्रोल अजुन मजा घेतोय, त्याचा हेतु साध्य होतोय हे लक्षात घेऊन त्याला अजुन उत्तेजन का बरे द्यायचे? निदान माबोवर तरी प्रतिसाद वाचायला सुरवात केली की कोणी दिला असावा हे लक्षत येते, मी सरळ स्क्रोल करुन पुढे जाते, पुर्ण वाचत नाही. तसेच ट्रोलचे करता येते.

न दिसणार्‍या लोकांचा, कारण नसताना वाईट लिहिणार्‍यांचा, उगीच टीका करणार्‍यांचा आपण आपल्याला त्रास का करुन घ्यावा?

आणि बहुतेक वेळा एखाद्या धाग्यावर १० चांगले प्रतिसाद असतात आणि एक वाईट ट्रोल असतो. कधीकधी मुळ धागाच बेक्कार असतो, सगळेच हात धुवुन घेतात. पण १०:१ असे प्रमाण असेल तर धागाकर्त्याने त्या एकालाच इतके महत्व देऊन ट्रोलिन्ग झाले/होतेय्/सतत टपुन बसुन करताहेत हा आक्रोश का करावा? ते उरलेले १० चांगले प्रतिसाद वाचुन स्वतःला बरे वाटवुन घ्या की.. सगळ्यांनी चांगलेच लिहिले पाहिजे असा आग्रह का? सगळेच ट्रोल करताहेत तर आपल्यातच काहीतरी आहे समजुन ट्रोलिंग कशामुळे आहे ते बघुन उपाय शोधावा..नाहीतर एकुणच दोन्ही बाजुंनी भरपुर राळ उडुन सगळ्यांना मस्त शोभा वाचायला मिळते.

शी जागा लागते जिथे उजळ माथ्याने, कोर्‍या स्लेटने वावरता येइल. एक जजमेन्ट फ्री वातावरण असेल. पण नाही ना हे ट्रोल्स जिकडे तिकडे गढे मुर्दे उकरत फिरताना दिसतात. छळ मांडतात>>>>>

जजमेंट फ्री असे जगात काहीही नाही. दुसर्‍याने आपल्याल्या चुकीचे जज करु नये असे आपल्याला वाटले तरी आपण मात्र इतरांना सतत जज करत असतो. आपल्या मतास अनुकुल
लिहिणारे आपण नकळत चाम्गल्या ग्रुपमध्ये ढकलतो आणि ज्यांनी आवडले नाही लिहिले त्यांना ट्रोल गटात ढकलतो.

आपल्या प्रत्येक गोष्टीला इतरांची वॅलिडिटी हवी, आपल्याला समाजमान्यता हवी हे डोक्यातुन काढुन टाकले की सगळे सोपे होते.

आणि आपल्याला खरेच जास्त चांगले कळते, आपण आपले मत पुर्ण विचारांती बनवलेय, त्यामुळे आपल्या मताला लोकांनी वाचुन त्याबद्दल चार (चांगलेच) शब्द लिहायला हवेत हा भ्रम डोक्यातुन काढुन टाकला की वॅलिडिटी, समाजमान्यता वगैरेची गरज संपते. आपला मुड आपल्या हातात. तो असा दुसर्‍यांच्या हातात् दिला की झाले आयुष्याचे राम कृष्ण हरी!!!!

साधना दोन्ही पोस्ट ना +७८६

आपल्या प्रत्येक गोष्टीला इतरांची वॅलिडिटी हवी, आपल्याला समाजमान्यता हवी हे डोक्यातुन काढुन टाकले की सगळे सोपे होते.>>>> हे सर्वात महत्वाचे आणि आचरणाला सर्वात कठीण....
अधिक जे आपल्याला व्हॅलिडेट करतात त्यांन आपणही व्हॅलिडेट करायला या वैचारीक/ भावनिक ऑब्लिगेशन मधे असे नेहमी चांगलं-चांगलं बोलणारे कंपू जातात... त्यामुळे दोन्ही कंपू प्रगतीला बाधकच.

याशिवाय, काही लोकांच्या नजरेत कोणत्याही गोष्टीतील फक्त न्यून, वैगुण्य, विसंगती, कृत्रिम पॅटर्नसच प्रकर्षाने सर्वात आधी भरतात.....ते स्वतः स्वतःला परिपूर्ण/ सर्वगुण संपन्न समजतात का?? तर नाही... समोरच्यात फक्त दोषच आहेत असं त्यांचं मत असतं का? नाही.....पण त्यांची घडणंच (निंदक/ टीकाकार) तशी असते.....अशा माणसांना मात्र आपण बरोबर ओळखून नाउमेद न होता आपल्या प्रगतीसाठी त्यांचा नीट वापर करुन घेऊ शकतो...आणि हे सर्व फक्त आणि फक्त आपल्यावरचं अवलंबून असते.....कुण्या शहाण्याने म्हणून ठेवलं आहे....निंदकाचे घर असावे शेजारी. (फक्त आपल्याला एखाद्या परिस्थितीतील निंदक आणि ट्रोल यांच्यातील फरक ओळखता आला की काम फत्ते)

साधना,

ज्या भाषिक आणि वैचारिक स्तरावर जाऊन काहीजण ट्रोलिंग करतात तो स्तर गाठावासा वाटत नाही काहींना! याचा प्रचंड गैरफायदा घेतला जातो समाज माध्यमांवर! बाकी एरवी हे ट्रोल्स इतरत्र मोठ्या प्रासादिक शैलीत लिहीत असतात. मुख्य म्हणजे मूळ स्वरचित आंतरजालीय लेखन यात यांचे स्वतःचे योगदान नगण्य असते. (आता त्या योगदानाचे प्रमाण वाढेल बघा)

समोर भेटले तर त्याच भाषेत उत्तर द्यायला काही फरक पडणार नाही, इथे सगळे documentation होत असते

>>>>ज्या भाषिक
एक इथे भडक डोक्याचे अल्फा-मेलिश होते. त्यांना एक तर चिथवायला काहीही कारण पुरायचं त्यात ट्रोल, बायकोबद्दल वगैरे बोलायचे. आधीच माकड .... अशी गत होती.

>>>>हे सर्वात महत्वाचे आणि आचरणाला सर्वात कठीण....
होय खरे आहे.

>>>>याशिवाय, काही लोकांच्या नजरेत कोणत्याही गोष्टीतील फक्त न्यून, वैगुण्य, विसंगती, कृत्रिम पॅटर्नसच प्रकर्षाने सर्वात आधी भरतात
माबो वरती असे लोक आहेत का? बहुसंख्य 'मम' आहेत. सहमत सहमत सहमत असा क्राऊड मला इथे वाटतो. त्यात मी आले हे वेसांनलगे. मी स्वतः पीपल प्लीझर आहे. आवडले तर लगेच प्रतिसाद देते (पीपल प्लीझर) याउलट आवडले नाही तर काही लिहीतच नाही (कन्फ्रन्टेशन अ‍ॅव्हर्स).

>>>आता त्या योगदानाचे प्रमाण वाढेल बघा)

>>>सगळेच हात धुवुन घेतात.

आणि च्रप्स यांनी बरोबर सांगीतलेले आहे - दु-र्ल-क्ष

मी स्वतः पीपल प्लीझर आहे. आवडले तर लगेच प्रतिसाद देते (पीपल प्लीझर) याउलट आवडले नाही तर काही लिहीतच नाही (कन्फ्रन्टेशन अ‍ॅव्हर्स). +१२३

माबो वरती असे लोक आहेत का?>>> माझ्या मते सदासर्वकाळ कुणीही अनबायस्ड टीकाकाराच्या मानसिकतेत राहून नाही लिहू शकत, कारण इथे सर्वच माणसं आहेत......जेव्हा एखादा टीका करतो न्यून दाखवतो तेव्हा माझ्या अनुभवावरून पहिल्या अभिप्रायात तो बहूतकरुन जेन्यूईन असतो, कदाचीत त्याने वापरलेली भाषा योग्य ( कन्स्ट्रक्टीव्ह फीडबॅक च्या ट्रेट्सना अनुसरुन) नसू शकते, पण अशावेळी जर समोरुन त्याला प्रतिरोध झाला ( जो बहुतेक वेळा होतोच) तर मग तो फार वेगाने ट्रोल च्या भूमिकेत जाण्याची शक्यता असते...आता यावर कुणी म्हणेल की ज्याला कन्स्ट्रक्टीव्ह फीडबॅक देता येत नाही त्याचं म्हणणंच मुळात आपण मनावर का घ्यावं? पण माझ्या मते जरी एखाद्याकडे वैगुण्य/ न्यून/मर्म ओळखण्याचे कसब असेल तरी त्याच्याकडे भाषेचे/सुसंवादाचे कसब असेलच असं नाही... सर्वच कही पीएमपी मधे सर्टिफिकेशन ( बहूतेक वेळा कन्स्ट्रक्टीव्ह फीडबॅक देणं त्यांनाही जमतच नाही) करुन आलेले नाहीत. तेव्हा पायाला चटके बसतात म्हणून अख्या पृथ्वीवर चामडे अंथरायचा ( सर्वांनी कन्स्ट्रक्टीव्ह फीडबॅकच द्यायला हवे असा) आग्रह न धरता, आपण आपल्या पायात वहाणं घालणे शहाणपणाचे.

>>>>>>>>> सर्वच कही पीएमपी मधे सर्टिफिकेशन ( बहूतेक वेळा कन्स्ट्रक्टीव्ह फीडबॅक देणं त्यांनाही जमतच नाही)

>>>> तेव्हा पायाला चटके बसतात म्हणून अख्या पृथ्वीवर चामडे अंथरायचा ( सर्वांनी कन्स्ट्रक्टीव्ह फीडबॅकच द्यायला हवे असा) आग्रह न धरता, आपण आपल्या पायात वहाणं घालणे शहाणपणाचे.
एकदम चपखल उपमा.

फार्स विथ द डिफरन्स , काय (मस्त्/भारी/ नेमकं तरीही सविस्तर, सांगोपांग) लिहिताय तुम्ही!

फार्स विथ द डिफरन्स , काय (मस्त्/भारी/ नेमकं तरीही सविस्तर, सांगोपांग) लिहिताय तुम्ही! >> +11

एकमेकांसाठी त्वरित धावून येणे, याचा उल्लेख मूळ धाग्यात आहे की नाही हेही पुन्हा बघायला हवे. तोही एक सौम्य प्रकार आहे.

एकमेकांसाठी त्वरित धावून येणे
>>>>>
नवीन सभासद आणि जुना सभासद यांच्यातील वादात जेव्हा जुन्या सभासदाचा मित्र परिवार त्वरीत धावून येतो तेव्हा त्याला कंपूगिरीच म्हटले जाते आणि त्याची परिणीती ट्रोलिंग मध्येच होते.

पण ट्रोल्समुळे आधीच त्रासलेला लेखक त्या खऱ्या वाचकाच्या प्रतिक्रियांकडेही टीकेच्या दृष्टीनेच पाहतो.
>>>>>>>

माझा एक धागा होता. आता सापडत नाहीये. मायबोली वर एक पॅटर्न झाला आहे असे काहीसे नाव होते.
त्यात सुद्धा हेच लिहिले होते. ट्रोलर काडी देतात आणि काही धागाकर्ते, लेखक त्यात अडकत जातात. सरसकट सर्वच प्रतिसाद एका नजरेने बघतात. सर्वांशीच भांडत सुटतात. आणि मग सगळ्यांना वाटते अरे यालाच फार गर्मी आहे..

कोणाला इग्नोर करणे अवघड जात असले तरी दोन गोष्टी पाळाव्यात.
१) मुद्दा धरून कितीही हेकटपणा दाखवा पण कोणावर मुद्दा सोडून वैयक्तिक टीका करू नये.
म्हणजे समोरच्या व्यक्तीचा हेतू वाईट नसला तर त्याच्याशी केवळ वाद होतो, वाकडे होत नाही.
आणि जर समोरच्याचा हेतू चांगला नसेल तर ते स्वतःच मग वाकड्यात शिरत राहतात, आणि स्वतःच्याच जाळ्यात अडकत जातात.

२) आपल्याला जो चांगला प्रतिसाद देतो तो व्यक्ती चांगला आणि वाईट देतो ती व्यक्ती वाईट.... असे कधीही समजू नये.
ते त्यांचे वागणे त्या वेळेला आपल्या पुरते असते.
आणि तसेही मुळात जगात पूर्ण चांगली आणि पूर्ण वाईट अशी व्यक्ती अस्तित्वातच नाहीये हे कायम लक्षात ठेवावे.

^^ दोन्ही मुद्दे आवडले.

ऋ,
या दोन मुद्द्यांसाठी तुला १०० वडापाव.

कुठेही कितीही वाद चालू असले तरी मी अभिषेक ला पातळी सोडून भांडताना पाहिलेलं नाही. तो मुद्द्यावर भांडत नसेल पण गुद्द्यावर ही येत नाही. तो कधीच पर्सनल होत नाही अन् डूख ही धरत नाही. हॅट्स ऑफ...

हो, धन्यवाद दोघांना

ऋ +११
Correct आहेत. मुद्दे

म्हणजे एखादी कथा/लेख नाही आवडली, किंवा अजून खुलवायला हवी होती वगैरे फीडबॅक पण ट्रोलींग मधे पकडले जातात का?
एखाद्या लेखकाच्या कथेवर आवडली & त्याच लेखकाच्या दुसर्या कथेवर नीगेटीव कॉमेंट येणं काय गैर आहे?
व्हेयर ईज रीडर लिबर्टी/ओपीनियन?

च्रप्स कित्तेकदा स्वतः टवाळासारखे ट्रोल करताना दिसलेत. आता मारे कैवार आलाट्रोलींग चा.
>>>>कारण मी म्हणालो ना मी तुमच्या कथा वाचल्याच नाहीयत… मी कोणाचेच लिखाण वाचत नाही… न वाचताच कमेंट्स वाचून कमेंट्स करतो>>>