शब्दांचा अचपळ पारा

Submitted by अनन्त्_यात्री on 30 December, 2024 - 00:12

कवितेच्या वाटेवरती
कधी झुलतो मोरपिसारा
मोहवितो पांथस्थांच्या
पाणवल्या, दिपल्या नजरा

कवितेच्या वाटेवरती
कधी विफल, विरागी राख
दडलेले त्यात कधीचे
धुमसते निखारे कैक

कवितेच्या वाटेवरती
अर्थाचा वर्ख निखळतो
शब्दांचा अचपळ पारा
वाटेवर विखरुनी जातो

विषय: 
काव्यलेखन
Groups audience: 
गुलमोहर - कविता
Group content visibility: 
Use group defaults
शेअर करा

छान आहे.
ब-याचदा भावनेला/अनुभवाला तरल शब्दात मांडता येत नाही मला.

Submitted by दत्तात्रय साळुंके on 30 December, 2024 - 08:53