तवशाचे लोणचे

फेसलेल्या मोहोरीमुळे डोळे कपाळात चढलेत असं वाटलं नाही तर तो फाऊल समजावा खुश्शाल!

आई मस्त करते हे लोणचं. ते खाऊन माझी मैत्रीण पहिल्या घासातच आऊट झाली होती. नाक झिणझिणतंय म्हणून कुरबुरत बसली होती.

तवशाला आमच्याकडे मेणी काकडी म्हणतात , मोठ्या अन लाम्ब बिया असतात यात.

करुन बघतो. अजुन एक दोन काकड्या आहेत शिल्लक.
आधी लाल मोहरी शोधतो.

मस्त रेसिपी.

तवशाचं लोणचं करतात माहीत नव्हतं. धोंडस माहीत आहे, खाल्लं आहे आणि केलंही आहे. हल्लीच तवसोळे हा प्रकार फेसबुक रील मध्ये पाहिला. अंजू म्हणतात , ती पानगी हीच असावीत.

रेसिपी आवडली. टीपा अधिक आवडल्या.

फायनल प्रॉडक्ट चे फोटो डकवले असते तर थोडी डोळयांना पण आयडिया आली असती

आमच्याकडे ह्याला वाळकं म्हणतात

भरत, मी पानगी नाही, पातोळे लिहिलंय, तवसोळे रील बघितलं नाहीये मी (पानगी म्हणत असतील पण माहीती नाहीये मला, पानगी केळीच्या पानात भाकरी थापून भाजतात त्याला म्हणतात आमच्याकडे). आमच्याकडे पातोळे स्टफड करत नाहीत. काकडी किस, तांदूळ पीठ,गुळ, ओलं खोबरे एकत्र शिजवून हळदीच्या पानात थापतात, माहेरी ओलं खोबरं ऑप्शनल, सासरी मस्ट पण मला ते घालावं असं वाटतं, छान लागते.

बाबा गणपतीत कोकणात जायचे तेव्हा मोठं तवस आणि हळदीची पाने घेऊन यायचे. दोन तीन वर्षांपूर्वी भावाने आणलेले हे तेव्हा केलेले पातोळे, फोटो आहेत, पोस्ट करते इथे सवडीने.

लोणचे बाफ वर पातोळे, सॉरी. तवस कारणीभूत. फोटो खास नाहीत पण समजेल साधारण. तवस खूप मोठं असतं, त्याचा फोटो नाहीये.

अंजू, बरोबर पानगी वेगळी. आता पानगी आणि पातोळे एकच का वेगळी ते आठवत नाही.
तवसोळे म्हणजे काकडीचा कीस घालून केलेले घावण
https://fb.watch/vgmedTwOEH/

हा प्रकार कधी खाल्ला नाही अजून. पण तवस कुठे मिळणार इथे? वरच्या फोटोत काकड्या आहेत त्या मिळतात. त्याचं करून बघते.
पातोळे हळदीच्या पानात करतात ना? पानगी केळीच्या पानात.
(आम्ही 'पातोळे...आम्ही हो पातोळे ' असं गाणंही म्हणायचो )

ही तवशी.. ही जेव्हा लागतात तेव्हा पांढरट असतात. मोठी होतात तेव्हाही पांढरट असतात, पिकत आली की शेण्दरी पिवळी होतात. ही शिजवुन खावी लागतात, कच्ची खाल्ली तर फारशी चव लागत नाही. काकडीच्या कुटूंबातलीच पण जरा वेगळी.

साधना आमच्याकडचे तवस अजून लांबलचक आणि जाड टाईप असायचं. हिरवट रंग नुकताच पिवळट केशरीपणाकडे गेलेला असायचा त्यावेळी बाबा आणायचे म्हणजे गणपती करुन यायचे तेव्हा तवस असं झालेलं आणायचे.

पातोळे झाल्यावर, आई रायतं करायची आणि त्यातून उरलेली काकडी आम्ही खायचो तिखट मीठ लाऊन. चांगली लागायची.

ती वेगळी जात असेल. माह्ह्याकडे २ वर्षापुर्वी लागलेले ते हिरवे होते, माधवच्या फोटोतल्यासारखे. ते आलेय याचा आम्हाला पत्ता लागला नाही. बाग साफ करायला बाया आल्या त्यांनी दिले. त्याचा हिरवा रंग कायम होता पण पिवळट बनत चाललेला. ते ४ महिने मी तसेच ठेऊन दिले. त्या वर्षी ३ भोपळे पण लागलेले. तेही खुप महिने तसेच राहिले.

हेच अगदी
पळसाच्या पानात आई बनवायची उकडीच्या मोदकांसारखी
यालाच आम्ही पाणगे म्हणत असू
अन ह्या काकडीला वाळकं

हो… टांगुन ठेवलेली बरी पण अशीही राहते.

माझ्याकडे अजुन ५ आहेत बाहेर बागेत. टांगुन ठेवेन अजुन काय करणार…. गावात खुप जणांकडे आहेत वेल, त्यामुळे देणार तरी कोणाला असे होते.

वा काय मस्त रेसिपी आहे.. तवशी आवडतत पण खुप आसली कि कोशिंबीर शिवाय काय करायचे हा प्रश्नच असतो..
मस्त..

https://www.youtube.com/watch?v=yZLQhADKJSM

केवळ आमच्याकडचे तवस कसं असतं दाखवण्यासाठी स्वानंदीचा हा vlog शेअर करतेय. सेम मोठी अशी काकडी असते, ही हिरवी जास्त आहे, बाबा आणायचे तेव्हा केशरी होत चाललेली असायची.

मी पूर्ण vlog आत्ता बघितला. फक्त तवस् बघून वरची पोस्ट लिहिलेली. इथे तिने तवस लोणचे आणि पातोळे दाखवले आहेत. माझ्या माहेरी करतात तसे आहेत पातोळे, ओलं खोबरे न घालता केलेत. मी सगळं आधी शिजवून घेते मग हळदीच्या पानात परत थापते आणि शिजवते.