चटण्या - कांद्याची चटणी - ऋतुराज.

कांद्याची चटणी

बरेचदा एखादी बोअरिंग भाजी असेल तर किंवा भाजी करायचा कंटाळा आला तर अगदी घरातल्याच साहित्यात होणारी ही झणझणीत कांद्याची चटणी.

साहित्य:
चार मध्यम आकाराचे कांदे बारीक चिरून, दोन मोठे चमचे तेल, चिमूटभर हिंग, एक लहान चमचा जिरे, एक लहान चमचा मोहरी, अर्धा चमचा हळद, पाच सहा पाकळ्या लसूण ठेचून, लाल तिखट किंवा घाटी काळा मसाला दीड मोठे चमचे, शेंगदाण्याचा जाडसर कूट दोन मोठे चमचे आणि चवीनुसार मीठ.

कृती:
कढईत तेल तापवून घ्या. त्यात हिंग, जिरे आणि मोहरी घाला. मोहरी तडतडली की त्यात ठेचलेला लसूण घाला. आता यात चिरलेले कांदे घाला व चांगले परतून घ्या. कांदा मऊसर परतला की त्यात हळद घाला. आता यात लाल तिखट किंवा घाटी काळा मसाला टाका व चवीनुसार मीठ टाका. शेवटी शेंगदाण्याचा कूट टाकून चांगले तेल सुटेपर्यंत परतून घ्या.
झाली कांद्याची चटणी तयार.

टिपा:
ही चटणी जरा कोरडी असते.
लाल तिखट किंवा घाटी काळा मसाल्या ऐवजी हिरवी मिरची वाटून टाकू शकता.
ही चटणी भाकरीबरोबर जास्त चांगली लागते.