आरोग्यवर्धक पेय - कषाय - वृंदा

कषाय

हे पेय म्हणजे अमृतच. चहा ला एक सुंदर पर्याय. भरपूर शक्ती देणारे.तरतरी आणणारे. खूप पूर्वी हा शब्द मी गोंदावलेकर महाराजांच्या एका पुस्तकात वाचलेला. मग एकदा रूचकर मेजवानी म्ध्ये एक व्हिडीओ पाहीलेला.कोकण,गोवा, कारवार ला अनेक घरी करतात. उन्हाळ्यात उष्णता कमी कलणारा तर पावसाळ्या सर्दी खोकल्याला आराम पडण्याकरता बहुगुणी.

साहित्य- 100 ग्लॅम धणे, 50 ग्रॅम.जिरे, 25 ग्रॅम बडिशेप, साखर ,दूध ,पाणी

कृती- धणे जिरे,बडिशेप एक एक करून तव्यावर भाजून घेणे. थंड झाल्यावर मिक्सरवर बारीक पूड तयार करणे. चहासाठी जसे आधण ठेवतो तसे ठेवणे. चवीपुरती साखर घालणे. मग एक- दीड चमचा वरील साहित्याची पूड घालणे.थोड्यावेळाने दूध घालून चांगले उकळवणे.कपात गाळून घेणे आणि गाणी ऐकता ऐकता किंवा पेपर वाचता वाचता गरमगरम वाफाळता ह्या वेगळ्या चहाचा आस्वाद घेणे