अंत: अस्ति प्रारंभ: - ३ - {व्यथा..} - {अतरंगी}"

आजचा दिवसच सुंदर होता, सगळं अगदी त्याच्या मनाप्रमाणे होत होतं. सुंदर रिमझिम पाऊस, सकाळी केलेल्या पातळ भाकर्‍या, त्यासोबत पिठलं, सोबत मस्त फोडलेला कांदा, दिवसभर बागकाम, संध्याकाळी छान मऊ लुसलुशीत पोळ्या आणि कढी.... आहा स्वर्गसुख!

नेहमीप्रमाणे तो अगदी मन लावून जेवला, ताट बेसिन मधे ठेवतानाच त्याची तंद्री भंग झाली....

हात धुवायला घेतलेलं पाणी तिच्या तोंडावर फेकून तो वस्स्कन ओरडला...

" अग बंद कर की टकळी तुझी... किती कटकट करते. होईल कि सगळं नीट.
माझं डोकं खाण्यासाठी जन्म आहे का बयो? संयम असावा जरा!"