नाम नामेति नामेति

ट्रोल करणाऱ्यांना ट्रोल्स असंच म्हणतात. >> हो खरंच की!

आणि अश्या ट्रोल्सना अलगद आपल्या जाळ्यात पकडणाऱ्यांना ट्रॉलर म्हणतात

निलिमा सुद्धा पुल्लिंगी (च) आहे >> ???
निळू (फुले) कि मां ?

साऊथ मध्ये अगदी मुलीची वाटणारी नावं (सतिशा, कीर्ती, राधा) मुलांची असतात.त्यामुळे नीलिमा नावाचा मुलगा सापडला तर आश्चर्य वाटणार नाही.संदीप और पिंकी फरार मध्ये संदीप परिणीती चे आणि पिंकी अर्जुन कपूर चे नाव आहे.

निलिमा सुद्धा पुल्लिंगी (च) आहे ? त्याचा अर्थ काय ?

निलिमा सुद्धा पुल्लिंगी (च) आहे ? त्याचा अर्थ काय ? >>> लालीमा सारखा नीलिमा असावा

चंद्रमा कसा पुल्लिंगी आहे, तसाच नीलिमा

अनया, खरं आहे. पण मुलीच्या जन्माच्या वेळची चाकोरी ती १८ वर्षे होईपर्यंत सारखीच नसेल ना. हे उर्दू, मुस्लिम साऊंडिंग नावाला ट्रोल करणे आपण लहान असताना न्हवतं.
उद्या अनिता, करीना, नीना, नताशा, इरा, सोनिया अशा रशिअन साऊंडिंग नावांना ट्रोल करायची फॅशन आली की १८ वर्षे आधी ठेवलेल्या नावांचं काय करायचं? मूर्खपणाला काही अंत नसतो. तू व्हिक्टिम ब्लेमिंग करत नाहीयेस कल्पना आहे, पण हे वरचे धागाकर्ते गाडी त्या रुळावर कधी नेतील पता लागायचा नाही.

खर आहे. म्हणून लिहावं की नाही, अशा द्विधा मनस्थितीत होते. ज्याला त्याला आपल्या मुलांची नावं ठरवायचा अधिकार आहे. त्याबद्द्ल दुमत नाही.

आईवडिलांनी स्वत:चं नाव बदललं तर त्यावरून मुलांना ट्रोल केलं जाणार नाही?
लहानग्या सई परांजपेंला पुण्यातल्या काकवा तिच्या फॉरेनर बापावरून आणि एकल पालक आईवरून प्रश्न विचारीत.

नाव ठेवताना आडनावा सोबत कसे वाटेल ह्याचा ही विचार व्हावा मिलॉर्ड..
केया वाणी
कियारा पाटील
रायन वाघमारे

माया स्टाईल...टू मिडलक्लास म्हणुन सुनेचेच बारसे मनिशा वरून मॉनिशा करते

सविता हे नाव पुल्लींगी >> हो, मूळ सवितृ शब्द आहे (सूर्य हा अर्थ). पितृ चे पिता, भ्रातृ चे भ्राता त्याप्रमाणे. सविता भाभी ऐवजी सविता भावजी किंवा सविता जीजू पाहिजे होते.

नीलिमा पुल्लिंगी आहे हे माहीत नव्हतं..मग काळीमा पण पुल्लिंगी आहे काय?

सविता, नीलिमा ही नाव पुल्लींगी >> ही माहिती नवीनच आहे.

शर्मिला पुल्लिंगी पाहिजे. शर्मिली स्त्री लिंगी

इथे समान विषय चालू आहे म्हणून:
मास्टरशेफ स्पर्धक स्त्री चे नाव सुमित सहगल आहे(तो बुगी वुगी चा तिसरा जज नव्हे.)

इथल्या चर्चेनंतर सुंदरा नाजुके नावाचा कुणी आडदांड मनुष समोर आला तरी धक्का बसणार नाही.

श्री गुलाब पोळ माजी पोलीस आयुक्त होते.

'तो ' गुलाब म्हणजे गुलाब पुल्लिंगी शब्द. पुरुषाचेच नाव असायला पाहिजे खरंतर. पण असते बायकांचे.

ती गुलाब केसात घाल

आमचा एक पोळ आडनावाचा मित्र होता.
त्याला काही मित्र फुर्र करून बोलावत आणि काही ये रे जाळपोळ म्हणत.

पुरुष - गुलाब आणि स्त्री- गुलाबो

मी तरी गुलाब, गुलाबराव अशी पुरुषांचीच नावे ऐकली आहेत, स्त्रीचे नाही. माझ्या बालमित्राच्या वडिलांचे नाव गुलाबराव होते.

आमच्या इथे आहे की एक आडदांड सुंदरा माणिकम एकदा एका मिटिंग मध्ये बोलल्यावर कळले.फोटोही लावत नाहीत कधीकधी लोक्स.आपला चेहरा राणी पद्मिनी प्रमाणे पडद्यातच राहावा अशी इच्छा असेल.

मराठी चित्रपट अभिनेत्री गुलाब कोरगावकर

स्त्रीचे नाही. >>> मी आजपर्यंत ३ गुलाब स्त्रिया पहिल्या आहेत. एक खूप आडदांड, एक छोटीशी लाजाळू व एक नेहमी डोक्यात शेवंतीची वेणी घालून असे.

आडदांड सुंदरा माणिकम >> हा पुरुष आहे हे लक्षात येत आहे. तिथली नावं आपल्यासाठी विचित्र वाटतात. सुंदरमाणिकम असा एक सामासिक शब्द लिहिण्याऐवजी ते लोक शब्दांची फोड करतात नावांत. ते माणिकम त्याचं आडनाव नक्कीच नसणार, त्याच्याच नावाचा भाग असणार. पण पासपोर्ट किंवा इतर अधिकृत ठिकाणी लास्ट नेम लिहायला लागतं म्हणून असे काही लोक त्या नावाचाच एक भाग लास्ट नेम म्हणून वापरतात. शिवाय हाक मारायला सोपे म्हणून सुंदर आणि दाक्षिणात्य प्रथेप्रमाणे अकारान्त शब्द हे आकारान्त होत असल्याने सुंदरा असणार.

आमच्या हपिसात एक आडदांड उमा महेश्वर होता. सगळे त्याला उमा सर म्हणायचे - कसलं विचित्र वाटलं होतं पहिल्यांदा ऐकताना. तसंच कॉलेजात गणित शिकवायला एक 'महेश कुमारी' नावाची उत्तर भारतीय बाई होती. हपिसात एक दुर्गेश नावाची उ.भा. मुलगी होती.

गुलाब कोरगावकर> अरे हो. हे विसरलोच.

तुंबाडचे खोत कादंबरीत एक गुलाब नावाची स्त्री आहे.
आमच्या गावात एक गुलाब होती.
(एखादं नाव किंवा एखादा शब्द परत परत लिहिला/वाचला की काही वेळाने तो नीरस, निरर्थक वाटायला लागतो मला. एकदा 'गुलाब' वाचलं किंवा लिहिलं की तो सुंदर, सुगंधीदेखील वाटतो. पण परत परत लिहिला की त्यातला अर्थ निघून जातो. सगळ्यांचंच असं होतं का?)

चर्चा गुलाबावर आलीच का! "नावात काय आहे ... गुलाब या फुलाचं नाव दुसरं काहीही असतं तरी सुगंध तेवढाच दरवळला असता..." असं शेक्स्पियर म्हणून गेला. एवढी नाम नामेति नामेति झाल्यावर चर्चा पुन्हा गुलाबावर आली आणि एक वर्तुळ पूर्ण झालं.

(इथे 'गुलाबाचं नाव जुलाब असतं तर दरवळला असता का सुगंध?' - हे शिरीश कणेकरांचं वाक्य वरच्या वर्तुळाला टँजंट मारून जातं.)

मराठी चित्रपटात गुलाब मोकाशी होते

माझ्या मावस बहिणीचे आणि एका आत्याचेही नाव गुलाब आहे