जळवातावर माहिती हवी आहे

Submitted by अभि१३ on 23 November, 2023 - 03:38

आमच्या मातोश्रींच्या तळहाताला व तळपायाला जळवाताचा त्रास होत आहे. एलोपथी, आयुर्वेद दोन्ही कडे दाखवून झाले. तळहाताला व तळपायाला भेगा पडतात. आई खूप पथ्यपाणी करते तरीही त्रास होतोच. आईचे वय 50+ आहे. ह्या बद्दल कोणाला काही अनुभव किंवा माहिती आहे का ? उपाय असला तर सुचवावा.

विषय: 
आरोग्य
Groups audience: 
आरोग्यम् धनसंपदा
Group content visibility: 
Public - accessible to all site users
शेअर करा

हातापायाला भेगा पडून रक्त येत असेल तर काही काळ आहारातून हिरव्या मिरचीचा वापर थांबवून पहा. लाल तिखट प्रमाणात वापरले तरी चालेल. मला कुठल्याही प्रकारचे डॉक्टरी ज्ञान नाही. घरात काही जणांना मिरचीचा वापर बंद केला तर रिलीफ मिळतो हा अनुभव आहे.

Submitted by माझेमन on 23 November, 2023 - 03:55

कोकम तेलाचा एक गोळा मिळतो## कोकणात मिळतो, त्याला मुटलं म्हणतात. त्याने आराम पडेल. कांस्य वाटीने मसाज करून पहा, त्यानेही आराम मिळू शकेल.

Submitted by भ्रमर on 23 November, 2023 - 04:09

कांस्यथाळी ची खूप मसाज सेंटर्स पुण्यात आहेत.20 मिनिट तूप मसाज वगैरे,एकदा करून बघा.बराच फरक पडेल.
शिवाय रात्री झोपताना रोज साधे कोकोनट ऑईल तळपायाला चोळून झोपल्यास पण फरक जाणवेल.

Submitted by mi_anu on 23 November, 2023 - 04:27

शरीरातली ऊष्णता कमी करण्यासाठी उपाय करा.
ज्वारी/नाचणीच्या पिठाचं ताकातलं आंबील, (मुळात आहारात ज्वारीचं, इतर भरडधान्यांचं प्रमाण वाढवा. बाजरी नको, ती ऊष्ण असते.)
सुकं अंजीर भिजवून रोज खाणे,
धने-जिरे भिजवून त्याचं पाणी पिणे,

Submitted by ललिता-प्रीति on 23 November, 2023 - 05:22

शरीरातली ऊष्णता कमी करण्यासाठी उपाय करा.
पण डॉक्टरना विचारून बी कॉम्प्लेक्स चालू करा.
>>>>+१०००

शरीरातील उष्णता कमी करण्यासाठी 'सांडू'चे चंदनासव हा एक चांगला उपाय आहे. एखाद वेळेस घ्यायचे असेल तर बाटलीवर प्रमाण लिहिलेले असते त्याप्रमाणे पाण्यात मिसळून घ्या.

नियमित वापरायचे असेल तर डॉक्टरी सल्ला घ्या.

Submitted by माझेमन on 23 November, 2023 - 05:46

अभि१३
कोकम गोळा थोड्या उष्णतेने विरघळतो. ते तेल भेगेवर लावायचे. आमच्याकडे कोकणात सगळ्या घरात आसतो.
अवश्य वापरून पहा.

Submitted by केशवकूल on 23 November, 2023 - 06:35

आम्ही लहान असताना आईला हा त्रास व्हायचा, आम्ही जाळवात म्हणतो. तेव्हा आमच्या फॅमिली डॉक्टरांचं औषध प्लस बाबा गोग्रासवाडीत जाऊन गाईचं तूप आणायचे, हे आठवतंय. आता आई बाबा नाहीत नीट सांगायला पण आईला बरं वाटलेलं काही महिन्यांनी.

कैलास जीवन, कोकम तेल, गाईचं तूप यांनी थोडा आराम पडेल बहुतेक.

Submitted by अन्जू on 23 November, 2023 - 11:13

माइल्ड साबण वापरणे, भांडी घासताना,कपडे धुताना ग्लव्हस घालणे, आंघोळ झाल्या झाल्या पेट्रोलियम जेली लावणे, रात्री झोपताना ( आणि शक्य असल्यास दिवसा देखील ) पायांना सढळपणे पेट्रोलियम जेली लावून मोजे घालणे या सर्वांचा पण फायदा होतो .

Submitted by मेधा on 23 November, 2023 - 12:06

BAKSON'S (किंवा दुसऱ्या कंपनीचे )Graphites homeopathic medicine ointment.
एकमेव सोपा उपाय. लागू पडले तर तीन दिवसांत गुण येतो. photo

Submitted by Srd on 23 November, 2023 - 12:59