असुर-सिझन एक आणि दोन(स्पॉयलर्स सहित चर्चा)

असुर 1 च्या सगळ्या गोष्टी पटकन आठवत नाहीयेत आता.
पण त्याचा impact जबरदस्त होता. हे असं काहीतरी त्या आधी पाहिलेलं आठवत नव्हतं.
चर्चा होत जाईल तसे तसे मजा येईल.

असुर 1 मध्ये पहिल्याच एपिसोड मध्ये एक खून होत.
त्यात किलर ने समजा एका बाजूला मोबाईल अथवा कॅमेरा ठेवलाय आणि खून करतोय तर तसे दिसायला हवे फुटेज.
दिसताना मात्र खुन्या सोबत कॅमेरा मागे पुढे वेगळे angle घेताना दिसतोय की. हे अतर्क्य होतं.
शिवाय शुभ कुठेही कसेही खूप सहज हॅक करतो, मग त्याला त्या स्क्रीनमधून सगळं दिसतं हे ही जरा पटलं नाही.
हे असुर 2 मध्ये जास्त जाणवलं.

बाकी असुर मध्ये टिपिकल हिरो व्हिलन आणि पकडापकडी पेक्षा वेगळं जे आहे ते म्हणजे त्याला तुमच्या आतला असुर जागवायचा आहे. त्यासाठी तो provoke करतोय, सिटयूएशन तयार करतोय. तुम्हालाच option देतोय.
बुद्धिबळ जास्त आहे ह्यात.
ही कन्सेप्ट आवडली होती.

अनु, रेड जॉन कन्सेप्ट का वाटली त्याविषयी वाचायला आवडेल मला.

असुर 1 मध्ये पहिल्याच एपिसोड मध्ये एक खून होत.
त्यात किलर ने समजा एका बाजूला मोबाईल अथवा कॅमेरा ठेवलाय आणि खून करतोय तर तसे दिसायला हवे फुटेज.
दिसताना मात्र खुन्या सोबत कॅमेरा मागे पुढे वेगळे angle घेताना दिसतोय की. हे अतर्क्य होतं.
शिवाय शुभ कुठेही कसेही खूप सहज हॅक करतो, मग त्याला त्या स्क्रीनमधून सगळं दिसतं हे ही जरा पटलं नाही.
हे असुर 2 मध्ये जास्त जाणवलं.
>>> 100% agree. बरेच प्रसंग डोके बाजूला ठेऊन पाहण्यासारखे आहेत.

त्या निखिल चं बोलणं बऱ्याच वेळा समजत नाही.
रिवाइंड करून करून ऐकावं लागलं.

१-२ दा तरीही नाही समजलं

पोस्टरच इतके भंगार आहे तर सिरीज किती असेल.

असुर दुसरा सिझन परवा पाहायला चालू केला , काल रात्री संपवला , रात्री 2 ते सकाळी 6 .

एकदा स्टोरीत इंटरेस्ट आला की पाहणं थांबवणं कठीण जातं .

छान होता तसा , पण पहिल्या सिझनच्या मानाने किंचित कमी वाटला . पहिल्या सिझन मध्ये जास्त भावनिक धक्के होते प्रेक्षकाला , जास्त सस्पेन्स होता . ते काही विशेष वाटलं नाही दुसऱ्या सिझन मध्ये , अर्शद वारसीची आणि नैनाची ऍक्टिंग सरस वाटली , म्हणजे दुःखाचे जे बारकावे तिने दाखवले आहेत ते .. एकदम संयत अभिनयाने .. तशी सगळ्यांचीच ऍक्टिंग छानच आहे पण त्यांच्यातही हे दोघे किंचित अधिक सरस .

टेक्नॉलॉजीचा वापर अति दाखवला आहे , म्हणजे कॉम्प्युटर वर डेटा , कोड वगैरे ऍनॅलिसिस करून व्हिलन पर्यंत पोहोचायचा प्रयत्न करतात ते .... ते कथानकाला धरूनच आहे पण जरा ओव्हर झाल्यासारखं वाटलं .

शेवटी खरं तर व्हिलन जवळजवळ जिंकत आलेला दाखवला आहे आणि लास्ट मोमेंटला हे पोलीस वगैरे कसेबसे जिंकतात , तेही ठीक आहे ... पण त्यात त्यांच्या बुद्धीचातुर्यापेक्षा दिग्दर्शकाने यांना जिंकवायला हवं शेवटी म्हणून जिंकल्यासारखे वाटतात .. तेही जरा खटकलं . ते शेवटी भरभर क्लू मिळणं जरा ओढूनताणून केल्यासारखं वाटलं .

शुभ वेळोवेळी यांना आपल्यापर्यंत पोहोचायचे क्लू नक्की का पुरवतो हे नीट समजलं नाही .

तरी बहुतांश स्टोरी चांगली लिहिली आहे कुणी ती ..

कामिनी हा रोल करणारी अभिनेत्री ओळखीची वाटली , आधी वाटलं मराठी अभिनेत्री आहे की काय पण नंतर चेक केल्यावर आश्रम मध्ये पाहिली होती ते समजलं , साडीत अगदीच वेगळी दिसली होती आणि इकडचं पात्र अगदीच वेगळं आहे , अजिबात ओळखता आली नाही .

मला तर दोन्ही सिझन आवडले. फक्त एक चिंतेची बाब वाटली कि त्यात ते डेटा चोरताना दाखवलाय, कॅमेरा बंद असताना पण रेकॉर्ड होतंय आपल सर्व पर्सनल.

हे अस शक्य आहे का?

अनु,
रेड जॉन vs शुभ
पटले सगळेच पॉईंट.
फक्त त्या रेड जॉन च्या मैत्रिणीच्या एपिसोड ला मी पोहचलो नाही.

कॅमेरा, स्टोरेज परमिशन असेल तर रेकॉर्ड होत राहील हे बरोबर आहे.
आबा, निखिल ह्यावेळी प्रयत्न करतोय पण आपल्या पर्यंत पोहचत नाहीये त्याला जे एक्सप्रेस करायचं आहे ते असे वाटले मला.
नयना बेस्ट एकदम ह्याबाबत.
जेमतेम जिंकतात मध्ये काही योगायोग देखील वाटले मला.

असुर १ खुप आवडलेली. २ पण मस्त आहे... डार्क आहे खुप. अनु म्हणते त्या प्रमाणे रेड जॉन आणि मला Dexter मधल्या केसेस ची आठवण आली. ही बहुधा पहिलीच सिरिझ असेल एकदम तोडिस तोड आहे बाहेरच्या सिरिझ ला.

मी असुर १ पण काही दिवसापूर्वीच बघितली, इथल्या चर्चे मुळे. मला नाही आवडली. खूपच लूप होल्स वाटले. लॉजिक चे झोल.
१. सीबिआयला एन आय सी चा डेटबेस बघण्यासाठी हॅकिंग कशाला पाहिजे? ( निखिल च्या बायकोला काम हवे म्हणून?) इतक्या महत्त्वाच्या केस साठी ते सरळ सरकारी परवानगीने डेटाबेस अ‍ॅक्सेस का नाही करणार?
२. त्या अमूक नक्षत्रावरचे लक्षावधी लोक असतील देशात, इन्क्लुडिंग इन्फ्लुएन्शियल लोक. मग इतक्या सहज त्या आदित्य ला " हाच नेक्स्ट टार्गेट असेल" असे कसे आयडेन्टिफाय करतो अर्शन वारसी?
३. त्याचा पार्टीतला खून तर महा येडपटपणा आहे सगळा. आधी आदित्य ने थ्रेट सिरिस्यसली न घेणे, मग तो टॉय ट्रक मधला बाँब फ्रीझर मधे फुटल्यावर नॉर्मल केस मधे काय होईल? पार्टीत पांगापांग होईल? थ्रेट पोकळ नव्हती हे कळून पोलिस, सीबिआय सर्व लोकांना, आदित्य ला सुरक्षित ठिकाणी हलवतील? पार्टी आधी बंद करतील? आदित्य पण आता धमकी सिरियसली घेऊन को ऑपरेट करेल? की चला झाला फुटला बाँब आता काही चिंता नाही म्हणत पार्टी मागच्या मानावरून पुढे चालू राहिल? का ही ही!
यामुळे दुसरा सीझन तर मी पाहिलाच नाही.