जीर्णोद्धार

Submitted by दत्तात्रय साळुंके on 5 April, 2023 - 01:16

जीर्णोद्धार
प्राण फुंकीता वा-यात
वारा वाहे सळसळ
प्राण फुंकीता मेघात
नदीमध्ये खळखळ

जीव इथे तिथे आला
अवघा जागला चराचर
प्राण फुंकता पाषाणी
देव सगुण साकार

देव असा कलीयुगी
मानमरातब भोगी
देवपण गेले लया
जेव्हा ठिकरली काया

झाला नव्याचा गजर
देवळाचा जीर्णोद्धार
कुठे, कशी जुनी मुर्ती
का कशास कोण खंती ?

जुने खांब भक्कम
सोईचे, तेच तरले
बाकी सारे आता
आठवातही न उरले

अशी रित जगताची
होतो देवही रिप्लेस
भोळाभाबडा तू जीव
तुझी काय पत्रास
© दत्तात्रय साळुंके

विषय: 
काव्यलेखन
शब्दखुणा: 
जीर्णोद्धार
Groups audience: 
गुलमोहर - कविता
Group content visibility: 
Public - accessible to all site users
शेअर करा