अनोळखी व्यक्तीस ऑनलाईन आर्थिक मदत

मदत एखाद्याने थेट त्याला पाठवली तर पाठवणाऱ्या व्यक्तीस आयकर सवलतीचा लाभ घेता येतो का ? बहुतेक नसावा....... व्यक्तीस मदत पाठविल्यास आयकर सवलतीचा लाभ निश्चितपणे घेता येत नाही.अभिनयक्षेत्रातील एका व्यक्तीस खारीचा वाटा पाठविल्याने हे सांगत आहे.
मात्र एखाद्या संस्थेस थेट मदत पाठविल्यास आपल्यास रिसीट येते.त्यावेळी आयकर सवलतीचा लाभ घेऊ शकतो.

मुद्दा क्र. १
नुकताच कमावता झालो होतो तेव्हां लहान मुलांच्या एका संस्थेला आम्ही मदत करायचो. तेव्हां एक जण आम्हाला म्हणाला कि हे लोक फाईव्ह स्टार हॉटेलमधे जाऊन मजा करतात तुमच्या पैशातून. त्या वेळी वय कमी असल्याने भावनिकतेतून अचानक मदत करणे बंद करून टाकली.

नंतर काही वर्षांनी काही संस्थांची (लहान मुलांशी संबंधित नाही) कामे बघत गेलो. त्या संस्थांच्या कार्यालयात गेलो. तिथे असलेला स्टाफ, पैशाचे हिशेब ठेवणे, धर्मादाय संस्थेला रिपोर्ट्स पाठवणे या कामासाठी असलेला स्टाफ, फिल्ड मधे असलेला स्टाफ, त्यांचा पगार, वीज, भाडं अशा गोष्टी यांचा खर्च कुणी करायचा हे समजत गेलं.

मुद्दा ३ - किंवा मध्यस्थ स्थळामार्फत ऑनलाईन पद्धतीतही तशी गोपनीयता जपता येते का ? >>> होय. इम्पॅक्ट गुरू च्या फॉर्म मधे अ‍ॅनॉनिमस चा पर्याय होता. तसे केल्यावर आपली मदत इम्पॅक्टगुरू डोनर अशा नावाने दिसते. आपले नाव येत नाही.

माझा याबाबत बराच अनुभव आहे.अक्षयपात्र, मिलाप, हेल्पेज इंडिया, इम्पॅक्ट गुरू वरून डोनेशन्स चा.नाव अनामिक ठेवा म्हटल्यावर गुप्तता पाळली जाते.किंवा नाव नंबर देऊन पण कोणताही 'सेन्ड मी अपडेट' चा बॉक्स आठवणीने डिसेबल केल्यास पुढे काहीही फोन्स येत नाहीत.
हेल्पेज इंडिया चा अनुभव वाईट आहे.त्यांनी फोन करून तगादा, आईबाबांच्या घरी येऊन 'तुम्ही अमक्या एरियातले ना, तरीही आदिवासी कम्युनिटी ची दुःखं जाणवत नाहीत, डोनेट करणार नाही म्हणजे' वगैरे पाणउतारा केला होता(त्यांचाही झालाच माझ्याकडून)
मुळात अनोळखी माणसाला मदत करताना 'त्या अमक्याला फोन करून डिटेल विचारा आणि मग त्याला मदत करा' इतका पेशन्स आणि इच्छाशक्ती कोणाकडेही नसते.त्या मानाने या साईट त्यातल्या त्यात माहितीतल्या वापरल्या तर बरं पडतं.
इम्पॅक्ट गुरू चा 'इतके इतके मिळाले' वाला मीटर ते इतके इतके पूर्ण झाल्यावर रिसेट होऊन परत भरणी चालूच असल्याचं एकदोन वेळा दिसलं.त्यामुळे ते कधी घेण्याचं थांबवतात याबद्द्ल शंका आहे.
अतिशय प्रसिद्ध, मान्यताप्राप्त संस्थाना त्यांच्या पानावर जाऊन किंवा त्यांना फोन कायुन विचारूनच देणगी देणे बरे पडते.प्रसिद्ध नसल्यास किमान आपल्या अगदी जवळच्या माणसाने चालवलेले किंवा त्यांना विश्वासू म्हणून माहीत असलेले असणे बरे.

घेण्यासाठी देणगीच्या रकमेसाठी काही किमान / कमाल मर्यादा असते का?

तुमच्या ग्रॉस इन्कम च्या 10% च रक्कम च तुम्ही दान देवून टॅक्स benefit मिळवू शकता .
त्या पेक्षा जास्त नाही.
असे वाचनात आले होते

80जी ची कमाल लिमिट 1.50 लाख आहे.

80जी ची कमाल लिमिट 1.50 लाख आहे. >>> असं नाही.
https://www.bankbazaar.com/tax/deduction-under-section-80g.html#:~:text=...(Without,tax%20deduction%20on%20donated%20amount.

मला तो दिलेल्या लिंकवरचा 4था मुद्दा नीट कळला नाही.म्हणजे काय म्हणायचंय, 1.5०लाख डोनेट केल्यास फक्त 75000 80जी साठी वैध आहेत?

लेखातला ४ था कि लिंक मधला ? लिंक मधे खूप सोपे करून सांगितलेले आहे. अजूनही सर्च देता येईल.

करु नये.

अतिशय प्रसिद्ध, मान्यताप्राप्त संस्थाना त्यांच्या पानावर जाऊन किंवा त्यांना फोन कायुन विचारूनच देणगी देणे बरे पडते.प्रसिद्ध नसल्यास किमान आपल्या अगदी जवळच्या माणसाने चालवलेले किंवा त्यांना विश्वासू म्हणून माहीत असलेले असणे-> +१

असे दान करताना जास्त विचार करायचा नसतो.
गेले ते गंगेला मिळाले.
बस.
नंतर विसरून जायचे असते.

असे दान करताना जास्त विचार करायचा नसतो.
गेले ते गंगेला मिळाले.
बस.
नंतर विसरून जायचे असते.

१. समजा, ज्या व्यक्तीला ऑनलाईन मदत पाठवायची आहे तिच्या बँक खात्याची माहिती वृत्तपत्रातून आलेली आहे. समजा, अशी मदत एखाद्याने थेट त्याला पाठवली तर पाठवणाऱ्या व्यक्तीस आयकर सवलतीचा लाभ घेता येतो का ? बहुतेक नसावा.>>>
पाठवणाऱ्या व्यक्तीस तर आयकर सवलत लाभ घेता येत नाहीच, पण मला वाटते रक्कम अशी खात्यात जमा करून मग त्यांनी रुग्णालयाचे बिल भरले तर ₹५०,००० पेक्षा जास्त रक्कम देणगी म्हणुन आल्याने ती सगळी रक्कम जिच्या खात्यावर ती रक्कम आली त्या व्यक्तीच्या आयकर स्लॅब नुसार करपात्र ठरते.
जर हॉस्पिटलला परस्पर देणगी दिली तर हे टाळता येते.
त्या साठी हॉस्पिटलतर्फे अशा देणग्या एखाद्या रुग्णाच्या नावाने जमा करून हिशेब ठेवण्याची सोय असावी.

किंवा मध्यस्थ संस्था. एखाद्या रुग्णाच्या नावे आलेली रक्कम ते सरळ रुग्णालयाला देतात.

आयकरातील सवलत हे देणग्या देण्यासाठी प्रोत्साहन असते. ही सवलत नसती तर किती लोकांनी देणग्या/मदत केली असती?

यात हेराफेरी नसेल (एक रक्कम देऊन फार मोठ्या रकमेची पावती घेणे) तर शेवटी आपल्या खिशातूनच देणगी जाते ना, कर सवलती मुळे थोडी कमी जाते एवढेच.
तेव्हा कर सवलत नसली तरी तेवढीच मदत केली असती लोकांनी.
आयकरातील सवलती मुळे थोडी जास्त (जेवढी सवलत मिळते तेवढी ज्यादा रक्कम) मदत करण्यास प्रोत्साहन मिळते.

मोठी मोठी म्हणजे एकदम लाखात सामान्य लोक मदत करत नाहीत .
जे मदत मनापासून करतात आणि ते पैसे विसरून जातात.
त्यांच्या कूवती प्रमाणे च जमेल तितकी मदत करतात

हा एक गट आहे.
आणि दुसरा जो आहे तो मोठ्या रकमा दान करतात पण ही लोक कधीच गरजू च्या खात्यात सरळ पैसे पाठवत नाहीत.
ते संस्थे मार्फत च करतात.
त्या मुळे नाव पण होते आणि टॅक्स पण वाचतो.
ब्लॅक चे white money मध्ये रुपांतर पण होते.
खास ह्याच हेतू नी संस्था पण अस्तित्वात असतील .

सर,
मला वाटत 80G ची सवलत अनोळखी व्यक्तीस ऑनलाईन आर्थिक मदत केल्यास नाही भेट्णार (?) अस मला वाटत.

जुन्या देणगीदारांच्या मागे ससेमिरा - हे होत

नेकी कर गंगा मे डाल.... हे सुत्र बर वाटत .

अमेरिकेत यासाठी gofundme साईट आहे.
मला याबद्दल जरा मेंटल ब्लॉकच आहे. म्हणजे ज्यांना मदत करायची ती व्यक्ती गरीब असेल तर प्रश्न पडत नाहीत.उदा- कामवाली बाई किंवा भाजीवाला वगैरे. ते नेटवर मदत मागत नाहीत पण त्यांची परिस्थिती दिसत असतेच आपल्याला त्यामुळे मदत केली जाते.
पण कधीकधी चांगले जॉब असणारे, स्वतःचं घर/फ्लॅट असणारे लोकही जरा आर्थिक संकट आलं की gofundme आणि तत्सम ठिकाणी धाव घेतात तेव्हा मात्र प्रश्न पडतात. महिन्याचा पगार मिळत असून हे लोक सेव्हिंग न करता उडवून टाकतात की काय. का स्वतःच्या सेव्हिंगला हात लावायचा नाही, परस्पर लोकांकडूनच पैसे काढून आर्थिक गरज भागवायची असा विचार असतो? आमच्यावर झालेले संस्कार म्हणजे स्वतःचे सर्व ऑप्शन exhaust झाल्याशिवाय कोणाकडे काही मागायचं नाही आणि त्यातही तशी वेळ आल्यास लक्षात ठेवून ते जमेल तसे परत करणे.

काही वैयक्तिक ओळखीच्या अशा सुखवस्तू लोकांनाही मदत केली आहे. पण जास्ती करून हातावरचं पोट असलेल्या, अनेक समस्यांशी झगडणाऱ्या, किंवा सुखवस्तू असूनही मोठं संकट समोर असलेल्या लोकांना प्राधान्याने मदत करायची असं माझं धोरण आहे. (उदा- एक अमेरिकेत चांगले जॉब्स असलेलं परिचित जोडपं. त्यातल्या पत्नीने अचानक सुसाईड केली. ३-४ वर्ष वयाचा मुलगा- तोही पाश तिला थांबवू शकला नाही. त्याच्या मित्रांनी तिचं पार्थिव भारतात नेण्यासाठी gofundme वर आवाहन केलं तेव्हा तातडीने मदत केली होती आणि सर्वच कम्युनिटी एकत्र येऊन चोवीस तासात सर्व व्यवस्था झाली होती.)

हम्म
Nri गो फंडमी बद्दल कधीकधी असे प्रश्न मलाही पडतात.पण मला माहीत नाही.जितकं पॉश घर, गाडी आपल्याला फोटोत दिसत असेल त्याच्या मागे कर्ज, उधारी, इतर खर्च असूही शकतील.
मुळात दिलेली मदत योग्य प्रकारे वापरणं हा स्वभावाचा भाग आहे.कदाचित हातावर पोट असलेलेही मदत चुकीच्या हाती पडली तर चुकीचा उपयोग करतील ही शक्यता आहे.
त्यामुळे ते नशिबावर सोडून आपल्याला वाईट वाटलं तर मदत करावी असं करावं लागतं.

उत्तम धागा.

मदत करताना आपण त्या वेळची इमर्जन्सी बघतो. माणुसकी म्हणून मदत करतो. अशा केसेस मधे श्रेयवाद नसावा. पण अनेकदा अशा अनेक मदत करणार्‍यांचे आभार सुद्धा न मानता जे पुढाकार घेतात त्यांना श्रेय मिळते.

काही वेळा तर सोशल मीडीयात आवाहन करणारे आपल्या आवाहनाला प्रतिसाद देणार्‍यांना त्रास द्यायला सुरूवात करतात.
इंपॅक्टगुरू, स्माईल अशा संस्थेबद्दल चर्चा होतेय त्याच प्रमाणे आवाहन करणार्‍यांनी सुद्धा संकेत पाळायला हवेत. जेणे करून पुढच्या वेळी त्यांच्या आवाहनाला पुन्हा भरघोस प्रतिसाद मिळावा. एका गरजूला मदत मिळावी.

<< असे दान करताना जास्त विचार करायचा नसतो.
गेले ते गंगेला मिळाले.
बस.
नंतर विसरून जायचे असते. >>

------ हा विचार आवडला....

स्माईल वाले मागे लागतात.

उदय सर,
माझाही तोच विचार आहे. पण सगळेच असा विचार करतील असे नाही.
सामाजिक कामात आवाहन करणार्‍या व्यक्तीने जर नंतर उनाडक्या केल्या तर पुढे त्यांच्या आवाहनाकडे अपवाद वगळता अन्य लोक गांभिर्याने लक्ष देणार नाहीत. नुकसान गरजूंचे आहे.

<< उदय सर,
माझाही तोच विचार आहे. पण सगळेच असा विचार करतील असे नाही.
सामाजिक कामात आवाहन करणार्‍या व्यक्तीने जर नंतर उनाडक्या केल्या तर पुढे त्यांच्या आवाहनाकडे अपवाद वगळता अन्य लोक गांभिर्याने लक्ष देणार नाहीत. नुकसान गरजूंचे आहे.
नवीन Submitted by रघू आचार्य on 9 August, 2023 - 23:46 >>

------ मला उदय म्हटलेले आवडते ...

नुकसान खर्‍या गरजूंचे होते हे मान्य.