खजिना

Submitted by अनन्त्_यात्री on 7 January, 2023 - 00:33

होतात निरुत्तर प्रश्न
त्या तिथे अचानक जावे
शब्दाचा मांडुनी खेळ
तर्कास जरा डिवचावे

तर्काचे पडतील मोडून
मग सुघड नेटके इमले
पडझडीत येईल हाती
शब्दांच्याही पलिकडले

तो अनवट खजिना येता
हातात क्षणार्धापुरता
मागणे अधिक मग नुरते
चांदण्यात सचैल भिजता

विषय: 
काव्यलेखन
Groups audience: 
गुलमोहर - कविता
Group content visibility: 
Use group defaults
शेअर करा

सुंदर!
फक्त लवकर संपल्यासारखी वाटली.

Submitted by अज्ञातवासी on 8 January, 2023 - 10:25

पडझडीत येईल हाती
शब्दांच्याही पलिकडले

खूप सुंदर..

Submitted by दत्तात्रय साळुंके on 12 January, 2023 - 06:08