Submitted by deepak_pawar on 6 November, 2022 - 00:18
लाखाच्या या मता आला शंभराचा भाव
भूलथापा... हव्यासानं लुटला हा गाव.
कुणी म्हणे देतो वोट
द्यावी एक नोट
कुणी इथं दारूसाठी
फिरे पाठी पाठी
इमान हे होई थिटे जिथे वसे हाव
भूलथापा हव्यासानं लुटला हा गाव.
आपलीच भरी झोळी
खुंटला विकास
अंधाराचं राज आलं
लोपला प्रकाश
हपापल्या वादळाने गिळली हि नाव.
भूलथापा हव्यासानं लुटला हा गाव.
सत्तेची ही चढे नशा
उफाळला माज
गावच्या या डोईवर
विनाशाचा ताज
विकासाच्या मुळावर घालुनिया घाव
भूलथापा हव्यासानं लुटला हा गाव.
विषय:
Groups audience:
Group content visibility:
Public - accessible to all site users
शेअर करा
सुंदर कविता. हिला एक गेयता
सुंदर कविता. हिला एक गेयता आहे. त्यामुळे ह्याचं गाणं व्हावं.
छान कविता.
छान कविता.
पण काय आहेना महागाई एवढी वाढली आहे. मी पण विचार करतो आहे.
मी पण विचार करतो आहे >> गाव
मी पण विचार करतो आहे >> गाव लुटण्याचा?
नाही नाही. मला आठवण आली.
नाही नाही. मला आठवण आली.
हा रस्ता अटळ आहे !
अटळ आहे घाण सारी
अटळ आहे ही शिसारी
एक वेळ अशी येईल
घाणीचेच खत होईल
अन्यायाची सारी शिते
उठतील पुन्हा, होतील भुते
या सोन्याचे बनतील सूळ...
हरचंद पालव, केशवकूल मनःपूर्वक
हरचंद पालव, केशवकूल मनःपूर्वक धन्यवाद.