पाककृती स्पर्धा-१ - तिरंगी पदार्थ - तिरंगी रवा टोस्ट - साक्षी

१) रव्यात हिरवी मिरची, मीठ आणि रवा भिजेल इतकेच ताक घाला. भाज्यांचा ओलावा असतो त्यात रवा अजुन सैल पडतो त्यामुळे जरा घट्टच भिजवा.
२) ३-४ मिनिटांनी तीन निरनिराळ्या भांड्यांमधे हा भिजलेला रवा घ्या. आणि एकात गाजर, एकात ढ. मिरची, एकात कोबी असं एकत्र करून घ्या. चव बघून हवे असल्यास अजुन मीठ घाला.
(हे आजच्या दिवसापुरतं..इतर वेळी सगळ्या भाज्या आणि रवा एकत्र करून टाका. )
३) ब्रेडच्या एका बाजुला हे मिश्रण आणि दुसर्‍या बाजुला बटर लावा.
(आजच्या साठी तीन रंगात लावा, इतर दिवशी कसंही थापलंत तरी चालेल )
हे आजचं

हे नेहमीचं

४) ५ मिनिटं मिश्रण मुरू द्या.
५) आता आधी मिश्रण लावलेली बाजु भाजून घ्या.

६) आता बटर लावलेली बाजु भाजून घ्या.
७) ओरिगानो, चिली फ्लेक्स, हर्ब्ज यापैकी हवे ते, किंवा हे सगळे पेरा. काहीच पेरले नाही तरी चालेल.
८) हवा असेल तर सॉस नाहीतर असंच गरम सर्व्ह करा.

बाइट्स, फिंगर्स किंवा अजुन वेगवेगळ्या आकारात कापता येईल.