प्रकाशचित्रांचा झब्बू क्रमांक ६ - भांडीकुंडी

यावरचे माझे सगळे झब्बू इथे वाचा हा लेख कधीचा इथे द्यायचा आज छान निमित्त मिळाले.
"भांडीकुंडी : विशाला म्युझियम" - https://www.maayboli.com/node/82239

हा आमचा तवा , माहित नाही कधी घेतलाय . घावन डोसे वगैरे फार सुंदर होतात. पीठ कसलंही आणि किती ही पातळ असलं तरी जाळी ही पडते . मी पोळ्या मात्र कधीही करत नाही ह्यावर.
वापरावा मात्र खूप संभाळून कारण खूपच जड असल्याने खाली पडला तर लादी किंवा फुटण्याची गॅरेंटी. पायावर पडला तर काय होईल विचार ही करवत नाही.

सही सर्वच फोटो.

मस्त फोटो आर्च आणि मी नताशा.

माझी रोज वापरातली पितळी चाळणी. पूर्वी गहू चाळायला वगैरे हीच वापरत होतो आता ते काही करावं लागतं नाही भाज्या फळं धुवायला वैगरे वापरात आहे.

स्वरूप यांना (गड्डा) झब्बू :

मला तो होडीच्या आकाराचा खल भारी आवडतो - आईकडे पूर्वी होता तसला. बराच काळ शोधत होते, पण हल्ली सगळीकडे हे गोल खलच दिसतात.
शेवटी एकदा चक्क वॉलमार्ट (फक्त वेबसाइट)वर मिळाला!

अजुन एक झब्बू.. हा खलबत्ता इथेच एका दुकानात मिळाला. सगळ्या मैत्रिणीच्या आई/सासू लोकांना आवडलाय हा

अरे व्वा!
मस्त व्हरायटी आहे की सगळ्यांकडे.... हा वरचा फोटो मी 'ढेपेवाड्यात' काढलाय

ओह मस्त आहे शेप, खल आणि बत्ता दोन्हीचा!

ताट आणलयं, फुलांची आरासही केली आहे, आता वाढा झटपट:-)

जुनं नाही हे, चालेल का ?

हे घ्या जाते

अनिंद्य, चालेल की! मस्त आहे सेट.

ही परवा जवळच्या देशी दुकानात मातीची वॉटरबॉटल मिळाली - लहानपणी नव्या माठातलं लागायचं तसं कोऱ्या वासाचं थंड (गार नाही!) पाणी पिऊन जीव निवला!!

स्वाती, तुझ्या मातीच्या वॉटरबॉटलला हा मातीच्या हंडीचा झब्बू :))

मागच्या भारतवारीत घेतली होती ही कढई. भाज्या मस्त होतात ह्यामध्ये.

अरे वा! मस्तच!
फोडणी वगैरे केलेली चालते का यात? आधी भिजवून घेतेस कढई?

मी हे भांडं आणि करवंटीची डाव केरळ ट्रीपमध्ये घेतलं होतं, पण दुकानदाराने त्यात द्रवपदार्थच शिजवा अशी सूचना केली होती. त्यामुळे वरून फोडणी देऊन डाळी किंवा पाणी उकळून त्यात तांदूळ वैरून भात अशाचसाठी वापरते.

फोडणी वगैरे केलेली चालते का यात? आधी भिजवून घेता कढई?

>>> नविन होती तेंव्हा १-२ दा भिजवून घेतली पण आता डायरेक्ट फोडणी करते त्यात. गॅसवर ठेवल्यावर त्यात आधी तेल टाकून मगच गॅस पेटवायचा अस त्या दुकानदाराने सांगितलं ते फक्त पाळते.

आणि आहो-जाहो नको

ओके, धन्यवाद गं. आता तसं करून बघेन.

छान सर्व pics! स्वाती ताई आणि माधुरी ताई, ही भांडी तुम्ही आणली कशी भारतातून?

>>> ही भांडी तुम्ही आणली कशी भारतातून?
जीव मुठीत धरून!

बबल रॅप आणि बऱ्याच जाडसर कपड्यांत चकडबंद गुंडाळून. पण धडपणे आलं हे तरीही नवलच!

Lol, मी ही धाडस करेन आता!

हल्ली इथल्या (न्यू जर्सीतल्या) देशी दुकानांत मिळतात बऱ्याच व्हरायटीज - तुम्ही कुठे राहाता तिथे चेक करा हा खटाटोप करण्याआधी.

जीव मुठीत धरून! Proud >>>> exactly
बबल रॅप आणि बऱ्याच जाडसर कपड्यांत चकडबंद गुंडाळून. पण धडपणे आलं हे तरीही नवलच! Happy >>> +१११ :))

ते भांडं आणि करवंटीची डाव किती क्युट आहे

मातीची भांडी मस्तच. माझ्याकडे मातीचा तवा आहे पण फार वेळ लागतो तापायला.

मेलबर्नच्या नॅशनल गॅलरी ऑफ व्हिक्टोरियामध्ये एका प्रदर्शनात एक दालन एका भारतीय कलाकाराच्या नावाचं दिसलं. तिथे काय कलाकृती मांडली आहे हे बघायला कौतुकाने गेले तेव्हा हे दिसलं. फोटो २०१६चा आहे.