कथाशंभरी - २ - घर नंबर १२ - अमितव

Submitted by अमितव on 5 September, 2022 - 09:46

अंगणात येऊन रघूने गेले सहा महिने बंद असलेल्या शेजारच्या घराकडे सवयीने पाहिले आणि क्षणभर थबकलाच. आज एकटा असतानाही तो ते घर 'बघू' शकत होता! इकडे बाबाबरोबर कितीतरी वेळा तो आलेला. फ्रेम केलेले असंख्य फोटो, लांबसडक जिने आणि एकाच फ्रेमवर घातलेली चादर! ती चादर घातल्याने त्या फोटोतल्या आज्जीला बाहेरचं जग खरंच दिसत नसेल? आणि बाजूच्या अंधार्‍या खोलीत काढलेला तो वंशवृक्ष. ते बाबाचं घर असुनही वंशवृक्षात बाबाचं नाव नाही हा पडलेला प्रश्न! शेजारी राहुनही ते अदृष्य घर फक्त बाबा असतानाच कसं दिसतं हे कोडं! बाबा गेल्यावर आता आईला आधार द्यायला हवा विचार करतोय तोवर आईची हाक ऐकू आली अल्बस-सेव्हरस! त्याच्या पाळण्यातल्या नावाने!

विषय:

उपक्रम

शब्दखुणा:

कथाशंभरी

Groups audience:

मायबोली गणेशोत्सव २०२२

Group content visibility:

Public - accessible to all site users

शेअर करा

अमितव

अमितव
थोडी थोडी समजली. पूर्ण समजली की पुन्हा लिहीन.

Submitted by केशवकूल on 5 September, 2022 - 09:49

मीही गोंधळले आहे. घर

मीही गोंधळले आहे. घर वर्णनावरून सीरियसचं वाटतंय, पण अल्बस सेवरस हॅरीचा मुलगा ना?

Submitted by स्वाती_आंबोळे on 5 September, 2022 - 09:53

सिरियस नंतर ते घर हॅरीचं झालं

सिरियस नंतर ते घर हॅरीचं झालं. तिकडे अल्बस-सेव्हरस बाबाबरोबर अनेकदा गेलेला आहे. आता ते बाजूच्या मगल घरात राहतात. पण Fidelius चार्म त्याला माहीत नसल्याने त्याला ते घर दिसत नाही. हॅरी नंतर आता वारश्यात ते त्याला मिळालं/ हॅरी ने निरोप घेण्यापूर्वी त्याला त्या घराची अचूक जागा सांगितली आणि आता ते घर त्याला दिसू लागलं. असं म्हणायचं होतं.

Submitted by अमितव on 5 September, 2022 - 10:03