शशक पूर्ण करा - मंगलमूर्ती - नानबा

काहीच सुचत नाहीय. सगळीकडे फक्त अंधारच अंधार. कानावर फक्त पाण्याचा आवाज पडतोय. मनाला एक अनामिक हुरहूर लागून राहिलीय. तेवढ्यात दरवाजा उघडला जातो.

गधडे! झोपून काय राहिलीस - तो यायची वेळ झालीये ना आता ? तिचा आवाज!
भराभरा तोंडावर मारलेले पाण्याचे हाबके , बदललेले कपडे ...

लाईट लाव ना ... अजून पेंगतेच आहेस वाटतं!
झांजा घे जा कपाटातल्या... मन्या तू घंटा घे. अरेच्च्या ताट आणि वस्त्र इथेच तर ठेवलेलं..

धांदल नुसती! हे घेतलं का, ते काढून ठेवलं का...

सजावट भन्नाट झालीये ह्या वर्षी (ही :)) !
आता तो आला की सगळ कसं मंगलमय होईल!
सगळी मरगळ, हुरहुर पळून गेलीये!

सगळीकडे आता दहा दिवस एकच घोष - "गणपती बाप्पा - मोरया!"