ख्रिस्तियानो रोनाल्डोने १२ सेकंदात आणि दोन शब्दात दिला कोकाकोलाला ३० हजार कोटींचा फटका!

आपल्या प्रतिसादाबद्दल धन्यवाद पारंबीचा आत्मा
जास्तीत जास्त लोकांपर्यंत अश्या बातम्या पोहोचणे गरजेचे.
केवळ फॅड म्हणून प्राशन केली जाणारे अशी घातक पेये आहेत हे सर्वांना समजणे गरजेचे.
मग निर्णय ज्याचा त्याचा

@ अमुपरी, सोडणे अवघड नाहीये. मी सुद्धा काही वर्षांपूर्वी रोज प्यायचो. ते ही दोनदा. रोज संध्याकाळी कॉलेज सुटल्यावर एकदा आणि रोज रात्री शेव-फरसाण सोबत मैहफिल जमवत दुसर्‍यांदा. पुढे त्रास होऊ लागला आणि तो त्याच्यामुळे होतोय हे लक्षात आले तेव्हा घाबरूनच सुटले त्यामुळे सोडायला सोपे गेले असावे. अर्थात त्यानंतरही मोह होत राहायचा. त्यामुळे ओकेजनली पार्टी वगैरेंना सर्वांसोबत म्हणून पिणे पुढचे वर्ष दोन वर्षे चालू होते. पण नंतर मनाचा निग्रह ईतका झाला की मोहाचा क्षण यायचा आणि जायचा. मी एक घोटही घ्यायचो नाही. आणि आता तर मुलांनाच हे वाईट आहे सांगत असल्याने स्वतः घ्यायचा प्रश्नच उदभवत नाही. मोह सुद्धा होत नाही.

या एकूण काळात स्वतःच्या अनुभवावरून आणि उदाहरणावरून शक्य तितके जे माझे ऐकू शकतात अश्या लोकांना हे सोडायचे वा प्रमाण कमी करायचे आवाहन सातत्याने केले आहे.
तुमच्या भावाचीही सवय लवकर सुटावी अशी सदिच्छा

असे अजून कुणीतरी बियरबाबत देखील केले आहे ना?
>>>>>
हेच पाहून रोनाल्डोला फॉलो करत का? वरच्या विडिओत आहे ते म्हणत आहात का? की दुसरे प्रकरण आहे?

@ योगी,
मला त्रास म्हणजे किडनीस्टोन सारखे त्या जागी दुखणे, तसेच युरिन पास करताना जळजळ होणे हे फार व्हायचे.
माझ्या माहितीप्रमाणे हि पेये पाण्यासारखी तहान भागवू शकत नाहीत, उलट शरीराची पाण्याची गरज वाढवतात त्यामुळेही एक त्रास होतो.
मला Crohn's Disease म्हणून एक आजार आहे. तो यामुळे झाला असे नाही, पण तो झाल्यावर यामुळे फारच त्रास होऊ लागला आणि वरची लक्षणे खूप दिसू लागली. ईतर निरोगी लोकांना अशी ईन्स्टंट लक्षणे दिसणार नाहीत, मलाही एकेकाळी कुठे दिसलेली, पण तरी हे पेय घातक आहे आणि आतून डॅमेज करत आहे हे तरी यातून नक्की कळाले.

बाकी रोनाल्डोने हे मुद्दामहून केले असे वाटत नाही. सहज म्हणून केले. पण खरोखर मुद्दामहून केले असेल तर या मागे कोकाकोलाच्या स्पर्धकांचा नक्कीच हात असू शकतो.
>>>>>>>

रोनाल्डो शीतपेये आणि मद्य दोघांच्या विरोधात आहे. त्याची याबाबतची मते पाहता हे सहजच घडले असावे हे मी माझ्या स्वतःवरून सांगू शकतो. म्हणजे कधीतरी अश्या आपल्या तत्वात न बसणार्‍या गोष्टी आपल्या समोर मांडलेल्या बघून चीड येऊ शकतेच.
आणि स्पर्धक म्हणाल तर ते कोण हा प्रश्न आहेच. कारण ते स्पर्धक सुद्धा अशीच शीतपेये बनवत असतील तर यात त्यांचेही नुकसानच आहे. फार तर कोकाकोलाची बॉटल असल्याने त्यांना थेट जास्त नुकसान आणि ईतर शीतपेयांना तुलनेत कमी नुकसान ..

कारण कोल्डड्रिंक एकदा घेतले की सारखे घ्यावेसे वाटते >> +७८६ आणि हिच मला याबाबतची धोक्याची पहिली घंटा वाटते, कुठलाही खाद्यपदार्थ जर खाल्यावर जीभेला चटक लावत असेल आणि व्यसनागत पुन्हा पुन्हा खावाप्यावासा वाटत असेल तर सावधान.

राहिला प्रश्न फुकट द्यायचा तर माझ्या माहितीप्रमाणे याची प्रॉडक्शन कॉस्ट जास्त नसते. एखाद्या पार्कमध्ये ते फुकट वाटत असतील, आणि त्या पार्कची एंट्री वा विकतचे पाणी यात ते वसूल करत असतील तर अश्या मार्केटींगमध्येही ओवरऑल फायदाच होत असेल.

मॅगीमध्ये सुद्धा काहीतरी कमी जास्त होते आणि ते अपायकारक होते म्हणून बंदी आलेली ना?
असली शीतपेयांवर सुद्धा काहीतरी कंट्रोल हवा. पण हे फार मोठे मार्केट आहे. याला धक्का देणे परवडणार नाही कोणाला..

एक शंका, मी गूगल करतो, पण कोणाला काही माहीती असेल तर द्या,
कोकाकोला कधीकाळी बॅन होते का आपल्या देशात?

थम्प्स अम, पेप्सी व कोकाकोला यातील फरक कळत नाही Sad
>>>
थम्प्स अप मध्ये ढेकर जास्त येतात. लहानपणी जेव्हा तसे ढेकर येणे आवडायचे तेव्हा मी सुद्धा थम्स अप प्यायचो.

धाग्याचा उद्देश शीतपेयांचे वाईट परिणाम दाखवुन देणे हा बिलकुल नाहीये.
दारू आणि शीतपेये हे घातक आहेत हे दुसरीतल्या मुलांनाही ठाऊक आहे.
धाग्याचा उद्देश फक्त याचा कोणाला विसर पडला असल्यास आठवण करून देणे हा आहे.

रोनाल्डोने कोक बाजूला सारल्यावर ते वाईट असतात हे कोणाला नव्याने कळले नाही, माहीत होतेच, पण डोक्यात नव्याने टॅप झाले.
रोनाल्डोच्या कृतीने ते जगभरात केले. तेच हा धागा मायबोलीवर एक्स्टेंड करत आहे.

काही लोकं दारूचे समर्थन करायला येतात. त्याचे फायदे सांगायचा प्रयत्न करतात. त्यांच्याशी फायदे फसवे आणि तोटेच खरे हा वाद घालत बसण्यात खरे तर अर्थ नाही. कारण ते त्यांनाही माहीत आहे. पण तरीही यावर वेळोवेळी चर्चा व्हावी असे मला वाटते कारण मग आपल्याला उत्तर देताना त्यांना स्वतःलाच जाणवते की आपण दारूचे समर्थन करायला जे म्हणतोय ते प्रामाणिक नाहीये. हा विचार त्यांना वेळोवेळी भानावर ठेवायचे काम करतो. त्याने ते दारू लगेच सोडतील असे नाही, पण हा विचार डोक्यात आल्याने काळजी घेत प्रमाण कमी केले तरी उद्देश साध्य झाला.