शिमला मिरची चे पंचामृत

सर्वप्रथम एका कढईत 2 चमचे तुप घालुन दालचिनी , मिरी , लवंग ,मेथी क्रमाक्रमाने तळून घ्यावे.

त्यानंतर किसलेले खोबरे सोनेरी होई पर्यंत खरपुस भाजावे.
हिंग ही थोड्या तुपात भाजुन घ्यावा.

मिक्सर मध्ये वरिल सर्व तळलेले जिन्नस घालुन मसाला पुड करावी. निट वाटले जात नसेल तर 2 3 चमचे पाणी घातले तरी चालते.

शेंगदाणे कच्चे असतिल तर भाजुन भरभरीत कुट करावे. जर कुट तयार असेल तर ते वापरावे.

तीळ कोरडे भाजुन घ्यावे तीळ थोडे भाजुन झाले की त्यावरच खसखस घालुन भाजुन घ्यावी. व त्याचे कुट करावे. खसखस नसेल तरिही चालते.

शिमला मिरची बारिक चिरुन घ्यावी.

एका कढईत 3 चमचे तुप घालुन त्यात मेथी ,मोहरी, हिंग, हिरवी मिरची ची फोडणी करावी त्यावर चिरलेली शिमला मिरची घालावी. ती चांगली परतवून घ्यावी.

नंतर त्यावर हळद , तिखट,मिठ घालुन चांगले परतावे.
म 2 वाटी पाणी घालावे.

पाण्याला उकळी आली की तयार केलेली मसाला पुड , शेंगदाणा कुट, तीळाचे कुट घालवे व नीट सर्व एकजीव करुन शिजवून घ्यावे.
ते झाल्यावर गुळ आणी चिंचे चा कोळ घालावा व उकळी काढून 10 मीन शिजवावे.
घट वाटत असेल तर आणी थोडेसे पाणी घालावे.
हे थोडे दाटसर च असते.