Submitted by मी अभिजीत on 7 January, 2021 - 13:30
घराकडे पोचवतो आहे का
बघ रस्ता आठवतो आहे का
दु:खी आहे बहुधा हा जोकर
थोडा जास्त हसवतो आहे का
तास मिनिट सेकंदाचा चाबुक
काळ मला राबवतो आहे का
भेटीवेळी आला हा पाउस
भेट बघू लांबवतो आहे का
भूक तिला गाते अंगाई अन्
नाईलाज निजवतो आहे का
वाट पाहते एक रात्र हल्ली
एक दिवा मालवतो आहे का
मनात जळते आहे एक शहर
मीच फिडल वाजवतो आहे का
-- अभिजीत दाते
विषय:
शब्दखुणा:
Groups audience:
Group content visibility:
Use group defaults
शेअर करा
Nice
Nice
हं. लिहिते राहा.
हं. लिहिते राहा.
दिलीप बिरुटे