गुरु-शनि महायुती (द ग्रेट कंजंक्शन)

गुरु आणि शनि, एक भाग्याचा कारक तर दूसरा कर्माचा!
दोघेही गॅस जायण्ट्स. एकमेकांपासून 456 मिलियन माइल्स दूर असलेले. पण, खगोलीय आविष्कारांमुळे पृथ्वीवरून एकमेकांना बिलगल्यासारखे ते काल दिसले. तो देखावा अपूर्व होता.
शनि देवाची मंदिरं आपण पहातो. गुरुची तर एक सुंदर संकल्पना आपल्याकडे आहेच.
पण, काल अवकाशात या दोघांचा मिलाफ पाहताना कधी कुठल्या मंदिरात दाटले नसतील असे लीन भाव मनात दाटले. विश्वाच्या अथांगतेची आणि आपल्या सूक्ष्म अस्तित्वाची पुन्हा जाणीव झाली.
मी फार धार्मिक नाही. पण डोळे मिटले गेले. हात जोडले गेले.
आकाशीच्या मंदिरातली पहाटची केशरात नाहलेली काकड-आरती जशी सुरेख भासते तसाच कालरात्रीचा हा गुरु-शनि भेटीत रंगलेला अभंग जागरही डोळे दीपवणारा होता.

*छायाचित्रे मोबाईल कॅमेर्यातून टिपलेली आहेत.

सांज