२०२० चे दिवाळी अंक

आम्ही यावर्षी 'अक्षरधारा' मधून कुरियरने दिवाळी अंक मागवलेत. मौज, लोकसत्ता, आपले छंद, अक्षरधारा असे चार अंक मागवलेत. महाराष्ट्र मंडळ लायब्ररीतून साप्ताहिक सकाळ आणि महाअनुभव हे दोन दिवाळी अंक आणलेत. अजून फारसे वाचून झाले नाहीत. वाचले की इथे लिहिते.

ह्या वर्षी एकच अंक साधना युवा चा वाचनात आला. तो ही ऑनलाईन असल्यामुळे.
त्यातील 'नांदेड ते हार्वर्ड व्हाया इंग्लंड, स्वित्झर्लंड, द. आफ्रिका' ही सुरज येंगडे यांची प्रेरणादायी मुलाखत आवडली. मुखपृष्ठावर ही सुरज यांचेच प्रचि आहे. तसेच कविता राऊत यांचा सावरपाडा ते रिओ ऑलिम्पिक हा लेखही.

ह्या धाग्यावर वाचनमात्र असणार आहे.

वाह, भरत उत्तम काम केले. मी एकही दिवाळी अंक यावेळी वाचलेला नाही. आता विकत घेउन ठेवेन व बरोबर घेउन येईन परतताना.

आजच नमिता देवी दयाल यांनी लिहिलेली काही पुस्तके वाचण्याच्या यादीत टाकली आणि तुमच्या प्रतिसादात त्यांचा उल्लेख दिसला.

@हर्पेन, सुरज येंगडे यांचे कास्ट मॅटर्स हे पुस्तक 'मस्ट रिड' आहे.

@हर्पेन, सुरज येंगडे यांचे कास्ट मॅटर्स हे पुस्तक 'मस्ट रिड' आहे.
>>>
नोंद घेतली आहे.

दिवाळी अंक कुठे ऑनलाईन विकत मिळत असल्यास कृपया इथे सांगा. यावर्षी एकही दिवाळी अंक वाचलेला नाही.

अंबरीश मिश्र यांचं "शुभ्र काही जीवघेणे" हे पुस्तक आवडलेलं म्हणून विकत घेऊन संग्रही ठेवलेलं. कोणालातरी वाचायला दिलं ते परत आलंच नाही. असो.

चांगला धागा. एकही दिवाळी अंक वाचला नाहीये अजून.

श्रीरंग भागवतांचे या अनुभवांवर दरवर्षी लेख असतात मौजेत. छान असतात.

https://online.flipbuilder.com/odhx/wamj/

लोकमत दिवाळी अंकात आलेला
केकी मूस यांच्यावरचा लेख अतिशय वाचनीय आणि फारच सुंदर

वीणा देव यांचा लेख वाचावासा वाटतो आहे.

भरत, चांगलं झालंत धागा काढलात ते. ऑनलाईन बघतो मौज. (mauj ank असा सर्च केला तर अंक सापडतोय. मौज किंवा दिवाळी इ. सर्च ने येत नाही.) स्टोरीटेल छान आहे की!
बाकी ऑनलाईन कोणाला काही सापडलं तर ते लिहाच. यावर्षी भारतातून पाठवायला सांगणार नाहीये.

मी आमच्या पेपरवाल्याला सांगून हे सर्व अंक विकत घेतले : महाराष्ट्र टाईम्स, लोकसत्ता, कालनिर्णय, सकाळ, नवल , धनंजय , माहेर, मेनका, दीपावली , अक्षर , चंद्रकांत मागवले. पण दिवाळीच्या दिवसात दोन तीन फेर्‍या मारून ठराविक विक्रेत्याकडून स्वतः अंक विकत घेण्याची मजा नाही आली यंदा.

साधना बाबांकडे नियमीतपणे येतं त्यामुळे तो दिवाळी अंकही आला. शिवाय बहिणीनं ग्रंथालीच्या स्कीममधून मौज,अंतर्नाद, पद्मगंधा,ऋतुरंग,शब्द रुची पाठवले. आता आईबाबांना वर्षभर पुरतील हे वाचायला. मी जमेल तसे वाचेन.

भरत, तुमची पहिली पोस्ट कोणत्या अंकाबद्दल आहे?

स्पंदनचा दिवाळी अंक. यात मायबोलीकर कविता नवरेनं एक कथा आणि एक कविताही लिहीलेली आहे. हा ऑनलाईन आणि फ्री अंक आहे.

https://drive.google.com/file/d/1uQ-JAgtehZN4fglqBOGIGO59nHZ7mp7Z/view?f...

ऑनलाईन आणि मोफत असा भयाक्षर दिवाळी अंक : https://drive.google.com/file/d/1JI5lsNJg1Cf02Do-9fFjrQustfZNl77Q/view?u...

तोवर त्यांनी फक्त मौजच वाचला होता म्हणजे त्याविषयीच असणार.

अच्छा. धन्यवाद बिपीन.

केकी मूस यांच्यावरचा लेख अतिशय वाचनीय आणि फारच सुंदर >> हा यंदाचा लेख नाही वाचला पण फार पूर्वी केकी मूस यांच्यावर असाच सुरेख लेख कोणत्यातरी अंकात (दिवाळी अंकातच असं नाही) वाचल्याचं आठवतंय.

https://maharashtratimes.com/special-coverage/mt-digital-diwali-issue/tr...

http://learnmarathiwithkaushik.com/courses/drushti-shruti-diwali-2020/

https://drive.google.com/file/d/1C9DrRVSh-_DidJb9iVcSD7uKzZY_xasZ/view

यांचे अंक छान असतात. मागच्या वर्षीच्या अंकातला हृषिकेश जोशींचा लेख भन्नाट आहे.

नवल चा आला आहे का अंक? घेउ न येइन आता.

मला सांगलीत आवाज व ग्रह संकेत हे दोन मिळाले. बरे आहेत.

चांगला धागा.
जर एखादा अंक पैसे भरून फक्त ऑनलाईनच वाचायचा असेल तर त्याची माहिती कुठे मिळते ?
मला छापील अंक मागवायचे नाहीत

'अनुभव' बऱ्यापैकी वाचून झाला.
निरंजन घाटे यांचा आयझॅक ॲसिमॉव्ह या विज्ञानकथालेखकावरचा लेख फारच मस्त आहे.
डॉ. शंतनू अभ्यंकरांचा 'मन पर-कामरंगी रंगले' हा पोर्नोग्राफीच्या व्यसनावरचा लेखही त्यांच्या नेहमीच्या शैलीतला, खासच.
अनिल खैरे यांचा 'मगरींच्या गोतावळ्यात' हाही लेख छान!
गेल्या वर्षी झालेल्या एका जहाजाच्या आणि त्यावरच्या खलाशांच्या अपहरणावरचा अनिल परांजपे यांचा लेख रोचक आणि थरारक. या अपहृत खलाशांमध्ये पुण्याच्या संग्राम केळकरचा समावेश होता. त्याचं कुटुंब परांजपे यांच्या ओळखीचं आहे, त्यामुळे त्यांनी लिहिलेली माहिती फर्स्ट हँड आहे.
'संघातले दिवस' हा रवींद्र कुलकर्णींंचा लेख विस्कळीत वाटला.
राजेश्वरी देशपांडे यांचा 'ऑर्वेलच्या भयस्वप्नातील लोकशाही' हा लेख आता वाचायला घेतला आहे.

@कुमार सर,
https://weeklysadhana.in/
इथे साधनाचा अंक विनामूल्य वाचता येईल.

वावे, धन्यवाद.
कोणाला अंतर्नादचा सशुल्क दुवा माहिती असेल तर सांगा.

अंतर्नादमध्ये यावेळी बहुतेक जुन्या दिवाळी अंकांमध्ये आलेले निवडक लेखच परत छापणार होते.