मुगडाळीची इडली

ही डायबेटीक रेसिपी आहे. अत्यल्प तांदुळाचा वापर करून व सोडाही न वापरता हलकी व जाळीदार इडली करण्याचा हा प्रयत्न आहे.

क्र. 1. मधील सर्व घटक आज दुपारी भिजवणे. सहा तासांनी रवाळ वाटणे व वाटून झाल्यानंतर त्यात ( शक्यतो घरचं) इडलीचं ( ऑलरेडी फूग आलेलं) पिठ एकत्र करून, मिठ घालून भरपूर घोटून आंबवण्यास ठेवणे.

दुस-या दिवशी सकाळी पिठ फुगून वर आलं असेल. ते डावानं भरपूर घोटणे. मग क्र. 4 मधील घटक. वापरून एक खमंग फोडणी बनवणे व ती जरा गार झाली की पिठात मिसळणे. घोटणे

इडलीपात्रात पाणी घालून ते उकळलं की मग इडल्या उकडायला ठेवणे.

तळ टीप - हा प्रयोग होता. मला सोड्याचा वापर न करता इडली बनवायची होती. नुसत्या डाळींची इडली जरा दडस होते. ( डाळींच्या बरोबरीनं तांदूळ घातले तर इडली हलकी होते पण तांदूळ तर घालायचे नव्हते ) म्हणून मग त्यात फूग आलेलं इडलीचं पिठ थोड्या प्रमाणात मिक्स केलं तर त्यानं ती छान हलकी झाली. इतर डाळी घातल्या/ नाही घातल्या तरी चालतील.

इडली हलकी होण्यासाठी इतरही काही गोष्टींची काळजी घेतली.
-पिठाला चांगली फूग आणली.
-पीठ सरसरीत नको. वरून डावातून पिठ खाली ताटलीत सोडल्यास स्लो मोशनमधे बद्दकन पडायला हवं
-एका दिशेनं भरपूर घोटलं
-मेथ्या घातल्या
-वाफ आल्यावरच इडल्या स्टीमरमधे ठेवल्या

पिठात फोडणी घातल्यामुळे मस्त चव आली होती. काजुचे व नारळाचे दाताखाली येणारे लहान तुकडे पण छान लागतात.

चटणी - चारपाच हि. मिरच्या, बचकाभर कोथिंबीर, कढीपत्ता एक टाळं, चमचाभर जिरं, पंढरपुरी डाळं मूठभर, वाटीभर दही, साखर, मिठ

सर्व साहित्य मिक्सरवर वाटलं.