तोडून बंध हे आता

Submitted by मनसखी on 15 May, 2020 - 12:26

बंध तोडून सारे हे आता
बेधुंद आता उडायचे आहे
हातात घेऊन स्वप्नांची पालवी
सत्यात आता फुलायचे आहे ....

झाले गेले सोडून सारे
नव्याने आता जगायचे आहे
घेऊन साथ आता स्वतःचीच
माझ्यातच मला खुलायचे आहे ....

चालताना वाटेत आता
माझेच मला सावरायचे आहे
येउदे काटे कितीही पायाशी
सुखाच्या शोधात दुःख पाहायचे आहे ....

विचारांची तोडून साखळी
आता स्वतःसाठी फुलायचे आहे
माझ्यातल्या माझ्यासाठी मला
हे बंध आता तोडायचे आहे .....

विषय: 
अवांतर
Groups audience: 
गुलमोहर - कथा/कादंबरी
Group content visibility: 
Use group defaults
शेअर करा

आवडली
प्रत्येकाच्या आयुष्यात येतोच असा क्षण..

Submitted by तेजो on 16 May, 2020 - 06:42