'हे' आणि 'ते'

'त्यां'नी मशिदीशेजारी घरं बांधली
आणि मंदिराशेजारी यांनी
आपापल्या परमेश्वराच्या रक्षणाची
जबाबदारी, पेलू लागले दोघेही
मग एके दिवशी
मंदिर नव्हतं...
मशिद नव्हती...
नव्हते दोघांचेही काही भाईबांधव
पण..
दुसर्‍या दिवशी पुन्हा,
लाल रंगाने नक्षीकाम केलेल्या गालिचावर,
'ते' नमाज पढताना दिसले...
कुणासमोर.....?
'हे' प्रार्थना करताना दिसले...
कुणाची.....?

***************************

'त्यां'नी जबाबदारी घेतली होती
'ती'च्या रक्षणाची,
मग अर्थात 'यां'नीही....
मग एके दिवशी
'त्यां'नी 'ती'ची अब्रू लूटली...
म्हणून 'यां'नीही 'ती'चीच...
कर्तव्यपूर्ती...!?

****************************