सोळा आण्याच्या गोष्टी-ती-अवधुत

ती हो म्हणाली. शेवटी त्याच्या दबाबाला व प्रभावाला नमली. "आताच भेट" नंबर वेगळाच होता पण आवाज तिचाच होता.
"घाट प्रारंभ" .. पाटीकडे र्दुलक्ष करत त्याने कारचा वेग वाढवला. गाडी काढतांना घाराजवळ उभा नीळा शर्ट तिच्या भावासारखा का वाटला?
तो विचार झटकुन तो बाहेर पाहु लागला. "धोक्याचे वळण" .. उतरता रस्ता पुढे एकदम वळतो. दरीपासुन रोखायला फ़क्त एक मोडका कठडा.
वेग कमी करण्यास त्याने ब्रेकवर दवाब टाकला. खरररर.. आवाज. लागण्याचा प्रयत्न करुन ब्रेकचे पेडल सरळ तळाला लागले.
तो फ़ार वेगात वळला. कारने स्वत: भोवती गिरकी घेतली व लाकडी कठडा तोडुन ती दरीत लुप्त झाली.
नीळ्या शर्टने र्दुबीण खाली ठेवली. ताईच्या लग्नाला आता अडथाळा नाही.