"रुचकर मेजवानी"-पाककृती स्पर्धा-२ (मुदत १५ सप्टेंबरपर्यंत वाढवली आहे.)

******
पाककृती क्रमांक २ : हॅव अ सिप्प: टेस्टी मॉकटेल्स.
रॉकिंग रोल्स खाऊन पोटोबा तृप्त झाला, आता 'तृष्णा' जागृत होणार! नाही का ? तर या तृष्णेला तृप्त करण्यासाठी पेय सुद्धा लागणार.यासाठी 'हॅव अ सिप्प' हा प्रकार आहे. यामध्ये तुम्ही टेस्टी मॉकटेल्स बनवायचे आहे.
नियम- कोल्डड्रिंक्स चालेल. फळे हा मुख्य घटक वापरून तयार केलेल्या गोड रेसिपी.

स्पर्धेचे नियम :
१) एक आयडी एका विषयाची कितीही प्रवेशिका देऊ शकेल.
२) प्रवेशिका पाठवण्याकरता 'मायबोली गणेशोत्सव २०१९' या ग्रूपचे सदस्य असणे आवश्यक आहे. हा ग्रूप
सदस्य-नोंदणीकरता २ सप्टेंबर ला खुला करण्यात येईल, याची कृपया नोंद घ्यावी.
३) 'मायबोली गणेशोत्सव २०१९' ह्या ग्रूपचे सदस्यत्व घेण्यासाठी या पानाच्या उजवीकडे दिसणाऱ्या 'मायबोली गणेशोत्सव २०१९' या निळ्या शब्दांवर टिचकी मारा. नंतर 'सामील व्हा' या शब्दांवर टिचकी मारा.
४) याच ग्रूपमध्ये उजवीकडे 'नवीन लेखनाचा धागा' या शब्दांवर टिचकी मारा. (गणेशोत्सव २०१९ ग्रूप मधले गप्पांचे पान, नवीन कार्यक्रम हे पर्याय वापरायचे नाहीत).
५) प्रवेशिकेचे शीर्षक पुढील प्रकारे द्यावे -
"रुचकर मेजवानी - {हॅव अ सिप्प} - {तुम्ही केलेल्या पदार्थाचे नाव} - {तुमचा आयडी}"
६) प्रवेशिकेबरोबर किमान एक प्रकाशचित्र देणे अनिवार्य आहे.
७) प्रकाशचित्रे कशी द्यायची याची माहिती येथे मिळेल. - https://www.maayboli.com/node/1556
८) पाककृती शाकाहारी असावी आणि अल्कोहोलचा वापर नसावा. मुळ घटक अनिवार्य आहे. बाकीचे घटक तुमच्या सोयीनुसार घेऊ शकता.
९) पाककृती स्व:त तयार केलेली असावी. आणि पूर्वप्रकाशित नसावी.
१०)'स्पर्धेसाठी नसलेली' पण ह्या नियमांवर आधारित पाककृती गणेशोत्सव झाल्यावर प्रकाशित करावी ही प्रेमळ विनंती.
११) प्रवेशिका ०२ सप्टेंबर ते १५ सप्टेंबर २०१९ या वेळेत पाठवता येतील.
१२) या स्पर्धेचे परीक्षण संयोजक मंडळ करणार असून परीक्षकांचा निर्णय अंतिम राहील.

तुमच्या काहीही शंका, प्रश्न, सूचना असल्यास येथे जरूर विचारा.
! गणपती बाप्पा मोरया!