रवा आणि खोबर्‍याचे लाडू

दिनेशदा आणि म्रु लाडु झक्कास!
रैना! रवा जाड असेल किंवा पाक एकतारिच्या पुढे झाला असेल..(हा माझा अंदाज हं..बाकी एक्स्पर्ट लोक अजुन सांगतिल)

रैना,
पाक कमी झाला असेल किंवा पक्का पाक झाला आसेल.......
मागील दिवाळीला माझ्याकडून असेच झाले होते सासरी खुप घाबरले होते...कोणी रागवेल ....नंतर पुन्हा पाक करुन टाकला.........लाडु खुप छान् झाले ....सगळे स्तुती करत होते.!

दिनेशदा आणि म्रु लाडु छान झाले ................टेस्ट घेऊ का ?!!!!!!!!!!

मूळात म्हणजे पाकातले लाडूसाठी रवा बारीक असेल तर उत्तम.
१) पाक कच्चा राहिला(साखर नुकतीच वितळून २ मिनीट म्हणजे कच्चा पाक.) व आधीच मिश्रण टाकले तर सैल रहाते.
२) पाक २ तारी होइपर्यन्त वाट पाहिली मग मिश्रण टाकले तर रवा भिजून फुलतो त्या पाकात मग मिश्रण थोड्या वेळाने कोरडे होते.
मग बेस्ट हेच की खूप बुडबुडे यायला सुरुवात झाली की, हाताने बघायचे की तार किती आहेत ते. दोन तार जस्ट यायला लागली की टाकायचे मिश्रण जरा पटपट मिक्स करायचे व गॅस हा आधी बंद करायचा व खाली काढायचे भांडे.
झाकून ठेवायचे. ह्यात गॅस का नेहमी मंदाग्नीवर पाहिजे जशी साखर वितळली की.
अ‍ॅक्चुयली, पाकाची एवढी भिती बाळगायचे खरेच कारण नाही. उगाच पाकाला हाईप्ड केलेय.
साखर वितळली की जरा लक्ष द्यावे लागते. बस इतकेच. साखर वितळली की अगदी ३-५ मिनीटाचा खेळ असतो मग. त्यातच काय ते आवरायचे. ती मिनीटे गेली की खेळ खराब.
(लहानपणी आईकडे बघुन शिकलेली मी, खरे तर पहिला लाडू देवाला दाखवायच्या आधी मलाच खायला मिळेल ह्या आशेत आईच्या आजूबाजूला वावरणारी मी आठवले.)

दिनेशदा, मृ, लाडुचे फोटो झकास आलेत. हे माझे अतिशय आवडिचे लाडु

मनुस्विनी बरोबर सांगत्ये. पाकाला अजिबात घाबरायच नाही. (एकतारी पाका विषयी आमची भावंड काहितरीच जोक्स करायची. ) हात भाजेल अशी भिती असेल तर कालथ्याला पाकात बुडवुन वर काढायच मग पाकाचे थेंब खाली पडतात आणि पाक तयार झाला असेल तर कालथ्यातुन थेंब पडुन मग एक तार खाली येते किंवा बारिक दोरे दिसतात.. बस मग गॅस बंद रवा घाला आणि मग चांगल ढवळुन झाकुन ठेउन एक छोटी डुलकि काढुन या. वळा आणि स्वतःची पाठ थोपटा.

मी दरवर्षी हे लाडु करते आणि अजुन तरी कधी बिघडले नाहियेत

पाकातले पदार्थ सोपे म्हणणार्‍या मुलींनो माझी दिवाळीची लाडूंची ऑर्डर घेणार का, खर तर घ्याच :). माझे तर यावर्षी नेहमीचे बेसनाचे लाडू बिघडवून झालेत. त्यामुळे माझ्याच्याने पाक कामाला सोपे म्ह्णवत नाही.

मी काल दुपारी लाडु केले पण अजुनपर्यत पाक खुप ओलसर आहे,,,, काय करु?

सांगा ना सगळेजण :-))

थोडासा बारीक रवा वेगळा असा नीट खरपूस भाजून मग तूपात परतून घे नी कर मिक्स.
साखर कमी पडेल बहुधा अश्याने. मग जराशीच बुरा साखर टाक नी वळ लाडू. पाक खूप कच्चा असेल तर टिकणार नाहीत लाडू आता.
वड्या करु शकतेस तसेच ते मिश्रण वापरून. तूपाच्या थालीत थाप. ओवन मध्ये ठेव एक २० मिनीटे १४५ वर.
मग नारळाच्या रवा घालून वड्या म्हणून खपतील.

लाडु होतात का ते पहाते आधि ,नाहितर वड्या करते
धन्स मनु

दिनेश, मी काढला ना फोटो काल. एकटीच होते बेसन कणीकेचे चुर्मा लाडू करताना. .. तारांबळ उडाली होती पण केले मॅनेज. पण सगळे फोटो नाही जमणार. शेवटी शेवटी तर दोन मिनीटात आवरायचे असते एकदा का एक तार झाली की.

कसले tempting आहेत फोटो! मी अजूनही पाक वापरून लाडू केलेले नाहीत. पण मी दिनेशदा आणि माबोवरच्या सर्व सुगरणींची पा.कृ. वाचत असते. जरा हिंमत आली की करीन पाक घालून लाडू!

मनस्विनि मि लाडु केले आणि रात्रिपर्यत घट्ट झाले आणि ओवेन मधे वड्या करायच्या म्हनुन ठेव्लेले मिष्रन आपोआप घट्ट झाले होते, त्यामुळे ओवेन वापरला नाही. म्हणजे आता लाडु टिकतील का ?

म्हणूनच "पाक"कला
माझे रवा-बेसन झाले नीट...वळताना जरा ओलसर होते पण आता झाले कोरडे पण ना बसलेत खाली. गोल गरगरीत नाही राहिले. असं का बरं होतं.

हा मिती माझे पण असेच झाले

पुर्वी लग्नाच्या जेवणात, जिलेबीचा उरलेला पाक अळूच्या पातळ भाजीत ओतत असत !!! >> हो आणि त्यामुळे त्या आळुच्या फदफद्याची चव म्हणजे खीर बरी इतकी गोड असायची अजुनही काही लोक भाजी करताना तेवढीच साखर आणि गुळ घालुन भाजीचे वाटोळे करतात.

जबरी !! माझी आज्जी पण भारी करते एकदम नारळी पाकाचे लाडू... दरवेळी मी इथे येताना घेऊन येतो... पहिल्या २/३ दिवसातच संपतात ते..

मस्तच...शाही रवा खोब-याचे लाडू बघुन तोंडाला पाणी सुटलं.
मी ही आत्ताच रव्याच्या लाडवांचं मिश्रण मुरत ठेवलयं.. आधी पाक जास्त झाल्यामुळे तुम्ही सांगितल्याप्रमाणे थोडा रवा भाजून मिश्रणात मिसळला आहे. आता चांगले वळता येतील असं वाटतयं.

वर दिलेल्या प्रमाणात मी चमचाभराचाही फरक केला नाही. (फक्त तूप कमी टाकलं कारण लोणी कढवायचं राहिलं होतं.) कृती देखिल तंतोतंत पाळली. (वाटीभर पाक तेवढा काढून ठेवायला विसरले.) अगदी एक उकळी आल्यावर पाकाला आचेवरून काढून रवा-खोबरं मिश्रण घातलं आणि दोन तास मुरू दिलं. जन्मात कधीही पाकाचं काही जमणार नाही असं वाटत असताना लाडू चांगले जमले. फ्रिजमधे ठेवलेत. वरून कोरडे आणि आतून ओलसर, मऊ झाले आहेत. (असेच असायला हवेत की नाही ते माहिती नाही.)

मायबोली आणि आर्च, दिनेशदा, मनु वगैरे सारखे माबोकर जिंदाबाद!!!

दिनेश, मृ , लाडू खूप छान दिसत आहेत.
सुरवातीला मला पण त्या पाकाचं टेंशन यायचं मग कंडेंस्ड मील्क +रवा +ओल खोबर वापरुन करायचे.

हुश्श.. लाडू छान जमले

मस्त आहे दिनेशदा, मी पण करणारे,
माझे मादच्या वर्षी खुपच घट्ट झालेले, पाकाचा अंदाज चुकल्या मुळे (हातोडीने फोडुन खायची वेळ होती,)

धनयवाद मृ.

मला पहिल्याच वेळेस एकदम ५०-६० लाडू करायचे नाही आहेत. चुकले तर काय करा?
सगळ्या प्रमाणाना ४ ने भागून (१ कप रवा, पाव कप खोबरे, पाव कप तूप, पाऊण कप साखर) असेच १२-१५ लाडू होतील का?
तसच पाऊण कप साखरेचा पाक करायचा असेल तर पाणी किती घ्यायचे?

सांगा हो कुणीतरी, आज लाडू करीन म्हणते.

माझे लाडू यशस्वी!! दिनेश, मनू, अमृता अन अधिक टिपा देणारे सगळेच.. मनापासून धन्यवाद!!

झेलम, मी बरोब्बर १/२ प्रमाण घेतलं. २५ लाडू झालेत. वर दिलेल्या कृतीत रवा+खोबर्‍याच्या अर्ध्या प्रमाणात साखर घेतलीये, अन साखरेच्या निम्मं पाणी घातलय. तुझ्याकडे मोजमापाचा कप असेल तर त्यात मोजून घे.

जियो पन्ना. धन्यवाद!

या पद्धतीने केलेत लाडू आणि मस्त झालेत!!! फक्त थोडा पाक काढून ठेवायचं विसरली बाकी तंतोतंत रेसिपी फॉलो केली. पहिल्यांदाच लाडू केलेत आणि ते छान झालेत. दिनेशदा धन्यवाद! सर्वांच्या टीप्स पण छान आहेत.
सर्वांना दिवाळीच्या शुभेच्छा!