घननीळ वाजवी बासरी

Submitted by अनन्त्_यात्री on 6 September, 2017 - 04:05

ये पुन्हा, भेदून ये त्या काल-पटलाला, इथे
ये जरा, ऐकू पुन्हा, तव शब्दविरहित भाषिते

ये जरा स्पर्शून किंचित अद्भुताची ती मिती
जी कधी स्वप्नात दिसते जागृतीच्या शेवटी

ये इथे, ऐकू पुन्हा, घननीळ वाजवी बासरी
मग पुन्हा बरसून येऊ तप्त मरूभूमीवरी

विषय: 
काव्यलेखन
शब्दखुणा: 
बासरी
Groups audience: 
गुलमोहर - कविता
Group content visibility: 
Use group defaults
शेअर करा