शब्दाली - ज्युनिअर मास्टरशेफ - पुरणपोळी - रेवती - वय ६.५ वर्षे

Submitted by शब्दाली on 30 August, 2017 - 08:18

रेवतीची गेल्या वर्षीच्या गणपतीपासुनच वेगवेगळ्या आकाराचे उकडीचे मोदक करायाला सुरुवात झाली होती. यावर्षी बाप्पाला चिरणे वापरुन केलेले स्टार फिश, सर्कल, आयत असे नवीन आकारातले मोदक खायला मिळाले.

आज तर सकाळपासुन "मी तुला मदत करणार" असा घोशा सुरु होता, इतके कि आन्घोळ झाल्याशिवाय मदतीला घेणार नाही सांगितल्यावर रोजची अर्ध्या तासाची आंघोळ आज १० मिनिटात आवरली. Happy

तोपर्यंत कणिक सारखी करुन पुरण वाटाण्यापर्यंत गाडी आली होती, मग आईच्या हाताला थोडा हात लावला Wink पोळ्या करायला सुरुवात केल्यापासुन मी उंडा करते, मी पोळी लाटते सुरु होते. शेवटची पोळी तिला करायला द्यायची - या प्रॉमिसवर मांडवली झाली आणि त्यातुन हे झाले -

revatee pupo1.jpg

कशी झाली आहे मी केलेली पुरणपोळी ?

revatee pupo2.jpg

टीप - यात पुरणयन्त्रातुन पुरण वाटणे आणि प्रत्यक्ष पोळी लाटणे हे रेवतीने केले आहे, बाकी उंडा भरुन देणे आणि पोळी भाजणे हे मी केले.

विषय: 
उपक्रम
शब्दखुणा: 
मायबोली गणेशोत्सव २०१७
Groups audience: 
मायबोली गणेशोत्सव २०१७
Group content visibility: 
Use group defaults
शेअर करा

६.५ वर्षे आणि पोळी वाचून मी हादरलेच होते .. आता हि कशी पोळी करणार ते ..
छान रेवती अशीच मदत करत रहा आणि नवनविन प्रकार बनवायला शिक.. Happy

Submitted by मेघा. on 30 August, 2017 - 08:26

वा वयाच्या मनाने किती छान केली आहे. आणि पुरणपोळी लाटणे किती कठीण असतं.
पोळी हातात धरलेला फोटो किती गोड आलाय.
रेवती शाब्बास !

Submitted by मनीमोहोर on 30 August, 2017 - 08:45

छान ...

मोठ्यांच्या गोड स्पर्धेत प्रवेशिका घाला.

जुनिअर शेफमध्ये फक्त सॅलड अलाउड आहे.

Submitted by बाबू on 30 August, 2017 - 10:23

वा! झक्कास दिसतेय की पोळी! न फुटता लाटली आहे. शाब्बास!!

नक्की बाबांनी खाल्ली असणार. लाडक्या लेकीच्या हातच्या पोळ्यांचे पैले गिर्‍हाईक, अन कौतुककर्ते बाबाच असतात. हो ना? भरपूर शाबासकी मिळाली असणारे.

रच्याकने, रेवतीच्या चेहर्‍यावरचे "फिलींग प्राऊड, आव्वाज है क्या?" भाव तर बघा Lol जबरी. छानच.

Submitted by आ.रा.रा. on 30 August, 2017 - 12:49

क्युट( रेवती आणि पोळी सुद्धा)!

>>>>>>नक्की बाबांनी खाल्ली असणार. लाडक्या लेकीच्या हातच्या पोळ्यांचे पैले गिर्‍हाईक, अन कौतुककर्ते बाबाच असतात. हो ना? भरपूर शाबासकी मिळाली असणारे.
रच्याकने, रेवतीच्या चेहर्‍यावरचे "फिलींग प्राऊड, आव्वाज है क्या?" भाव तर बघा Lol जबरी. छानच.<<<<

अगदी अगदी. हो हो बाबाच खातात. माझी पहिली -वहीली चपाती जी धारदार ( पापडापेक्षाही) होती कडेने ती बाबांनी पटकन पाण्यात बुडवून ( माझे लक्ष नाही बघून) , खूप कौतुक करून खाल्ली ते आठवले. पण माझा वेळ घेतला आणि पसारा केला तो वेगळाच, असा अगदी माझ्या आईच्या चेहर्‍यावर भाव होता तेव्हा.

Submitted by झंपी on 30 August, 2017 - 13:40

झंपाक्का,
तुम्ही केली तशी नाही दिसतै हां! 10.gif

मस्त दिसतेय पोळी.

Submitted by आ.रा.रा. on 30 August, 2017 - 13:50

Pages