पाकिस्तान : जगा समोरच नविन आव्हान !!

<<<<<< तुम्ही धागा काढण्याशिवाय दुसरे काय करू शकता? >>>>>

साती ताई
हा काय प्रश्न आहे ?
ह्या पुर्वी माझा कोणता धागा तुम्ही वाचलेला आहे ?

आता पर्यंत तर मी एकही धागा काढलेला नाही. पहीलाच काढला तर तुम्ही डायरेक्ट आरोपच करत आहात ?

तुमचा लाडका दिवसा गणिक धागे विणत असतो त्याला मात्र तुम्ही काही बोलत नाही, उलट थोडे दिवस धागा आला नाही तर आस्थेने त्याच्या तब्येतीची विचारपुस करता !! ये ना चॉलबे !! ये नाईंसाफी ह्य !!

<<< अश्या कारवाया सुमडीत करून शांत राहणेच योग्य होते >>>>

काय योग्य होते हे आता सांगुन उपेग नाही.
अश्या कारवाया सुमडीत करायचा टाईम केंव्हाच निघुन गेलाय !!

प्रश्न तेंव्हा मागे अश्या कारवाया का केल्या गेल्या नाहीत हा आहे !! मग भले त्या सुमडीत का होईना !!
आणी त्या कारवाया म्हणजे नुसतेच कारवाया नसुन "कंबरडे मोडुन टाकायच्या" प्रकाराच्या पाहीजे होत्या !!

आता कारवाई केली बरका !! अस म्ह्णुन आता करुन त्याचा गाजावाजा केला गेलाय !

जर अश्या कारवाया जर पुर्वी केल्या असत्या तर भारताला सॉफ्ट स्टेस असा शिक्का बसला नसता !!

रस्त्यावरचा रोड रोमियोसुद्धा प्रतिकार केला नाही तर चेकाळतो,
पुढे होऊन दोन ठेवुन दिल्या ना मग कसा वठणी वर येतो,
त्याच्या कानात जाऊन सांगीतल की तुझ्या वागण्याचा तिव्र निषेध आहे मग तो कसा येणार वठणीवर ?

आजची बातमी...

BSF kills 7 Pakistani Rangers, 1 terrorist in 'retaliatory firing' in Jammu

या वेळेच्या बातमीत मारलेले लोक केवळ "अतिरेकी" नसून आपल्या बीएसएफ च्या प्रमाणे पाकिस्तानातील "पाकिस्तानी रेंजर्स" या अर्धसैनिकदलाचे सैनिक आहेत, हे फार महत्वाचे आहे.

असे करायला उघड परवानगी मिळणे आणि त्यापेक्षा जास्त महत्वाचे म्हणजे त्याची उघड बातमी देण्याची परवानगी मिळणे हे या लेखात अधोरेखीत केलेल्या "राजकीय इच्छाशक्ती असण्याचे व ती वापरण्याची धमक असल्याचे" लक्षण आहे. सर्जिकल ट्राईकचा असा पाठपुरावा (फॉलो अप) करने हे एक अत्युत्तम सामरिक-राजकिय-मुत्सद्दी पाऊल आहे.

पाकिस्तानमध्ये वर वर काहीही देखावा चालला असला तरी पाकिस्तानी सैन्य (आणि त्याचा खास विखारी भाग असलेली आयएसआय ही संस्था) सद्यातरी पाकिस्तानमधले सर्वेसर्वा आहेत हे उघड गुपीत आहे. त्याचबरोबर, पाकिस्तानमधल्या जनमानसात "जिसकी लाठी उसकी भैस" ही सद्य व्यवस्था (अगतिकतेने का होईना) खोलवर रुजली आहे.

पाकिस्तानच्या सैन्याची जनमानसवरची पकड "बाहुबली" प्रकारची आहे. अश्या परिस्थितीत, आपल्या अजेयत्वाचा (भारतापेक्षा व कोणत्याही अंतर्गत शक्तीपेक्षा पाकिस्तानी सैन्य जास्त ताकदवान असल्याचा; व त्याला हात लावण्याचा यापैकी कोणीही प्रयत्न करणार नाही हा) भास कायम ठेवणे, पाकिस्तानवर आपली पकड कायम ठेवण्यासाठी, पाकिस्तानी सैन्याकरिता अत्यावश्यक आहे.

जनमानसातून उतरलेल्या "तथाकथित अजेय" लष्करी सत्तांचे काय होते याची उत्तम उदाहरणे, काही कालापूर्वी झालेल्या अरब स्प्रिंगमध्ये, ट्युनिशिया, इजिप्त व लिबिया या देशांमध्ये पहायला मिळाली आहेतच.

त्यामुळे, उरी हल्ल्याचा बदला घेणे हे सर्जिकल स्ट्राइकचे तात्कालिक महत्वाचे कारण असले तरी, त्यापुढे जाऊन भारत-पाकिस्तान सीमा, ताबारेषा व जम्मू-काश्मीरमध्ये जी कारवाई चालली आहे ती "पाकिस्तानी सैन्य अजेय आहे व ते स्वतःच्या देशात व सीमेपलिकडेही मनात येईल ती उघड-गुप्त कारवाई करू शकते" हा जनमानसातील गैरसमज दूर करण्यासाठीची उत्तम रणनीती आहे.

यापुढच्या काळात "ती प्रतिमा भ्रामक असल्याचे सिद्ध करत राहणे हा भारताचा प्रयत्न राहील" आणि "आपल्या अजेयत्वाची प्रतिमा कायम ठेवण्यासाठी पाकिस्तानी सैन्याची धडपड चालू राहील". ती धडपड, 'शेवटचे आचके' ठरविण्यात, भारतीय रणनीतीज्ञ जेवढे यशस्वी होतील तेवढे भारताच्या भविष्याच्या दृष्टीने, पाकिस्तानी जनतेच्या दृष्टीने, दक्षिण आशियाच्या दृष्टीने आणि एकंदर जगाच्या दृष्टीने चांगले होईल.

१. भारताने सर्जिक स्ट्राईक्स केले असे अधिकृत स्तरावर व माध्यमांत त्या कारवाईचा मुख्य असलेल्या अधिकार्‍याकरवी (डीजीएमओ) उघडपणे व स्पष्टपणे सांगितले.

२. "सर्जिक स्ट्राईक्स झाले नाहीत" (साध्या शब्दांत सागायचे झाले तर : "भारताने आमचे नाक कापले नाही") हे सांगण्याचा आटापिटा सैन्याने केला आणि जगापुढे विनोदी दिसत असला तरीही, तसाच आटापिटा पाकिस्तान सरकारकरवी करून घेतला.

३. चीन वगळता जगातल्या सर्व महत्वाच्या देशांनी भारताच्या शब्दावर विश्वास ठेवला आहे व पाकिस्तानला अतिरेक्यांना मदत न करण्याचा सल्ला दिला आहे.

३. सीमेवरील कारवाया, सद्याची बीएसएफची कारवाई, काश्मीरमधल्या अतिरेकीविरोधी कारवाया, इत्यादी माध्यमांत आकड्यांसकट अधिकृतपणे प्रसिद्ध करणे, ही सुद्धा सर्जिकल स्टाईक्सचा पाठपुरावा आहे.

४. या बातम्या जेवढ्या जास्त प्रमाणात "पाकिस्तानमधील जनमतावर प्रभाव असणार्‍या सुबुद्ध व महत्वाच्या व्यक्ती" आणि "एकंदर सर्वसामान्य जनता" यांच्यापर्यंत पोहोचतील, तितका पाकिस्तानी सैन्याच्या अजेयतेचा पाकिस्तानी जनमानसावरचा प्रभाव कमी होत जाईल.

साभार :
वरचे दोन्हीही लेख डॉ सुहास म्हात्रे यांनी मिसळपाव वर लिहीलेले आहेत.

चौकट राजा मुद्देसुद लिहीले आहेत.