ओटमिल थालिपिठ

Submitted by प्राजक्ता on 24 February, 2016 - 10:58
प्रत्यक्षात लागणारा वेळ: 
२५ मिनिटे
लागणारे जिन्नस: 

क्वेकर ओटमिलः- दीड वाटी
तान्दूळ पिठः- पाउण वाटी
थालिपिठ भाजणी:- २-३ टेबलस्पुन( माझ्याकडे केप्र होती म्हणून ती वापरली.)
काकडी:-- एक साल काढुन किसुन
कोथिबिरः- मुठभर धुवुन बारिक चिरुन
दही:- एक चमचा पिठ भिजवायला, बाकी आवडेल तस थालिपिठाबरोबर
हळद्,मिठ,तिखट,तिळ्,धना-जिरा पावडर.

क्रमवार पाककृती: 

ओटमिलला चविश्ट करुन खायला अजुन एक पाकक्रुती, ओटमिल मधे तान्दुळ पिठ ,भाजणी ,किसलेली काकडी कोथिबिर, एक चमचा दही आणी हळद्,मिठ,तिखट,तिळ्,धना-जिरा पावडर. कालवावे, (केप्रच्या भाजणित काही वेळेस हे सगळ आधिच असत त्याप्रमाणे जिन्नस अ‍ॅडजेस्ट करावे.) १०-१५ मिनिट मुरु द्यावे, यावेळेत पिठ जरा कोरडे वाटले तर काकडिचे किसुन काढलेले पाणि घालावे, अनवधानाने फेकुन दिले असेल तर साध्या पाण्यचा हात लावुन सारखे करुन घ्यावे, नेहमीसारखी थालिपिठ लावावी... असल्यास घरचे लोणी, नसेल तर दही,लोणच, चटणी आवडेल त्यासोबत खावी.
अगो कि मन्जुडीची काकडीच्या थालिपिठाची क्रुती होती त्यात बदल करुन पौष्टीक करायचा प्र्यत्न!
thalipith.png

वाढणी/प्रमाण: 
वरिल प्रमाणात २ मध्यम थालिपिठ होतात.
अधिक टिपा: 

१) काकडीने जरा गोडसर चव येते ती नको असेल तर कान्दा किसुन्/बार्रिक चिरुन घालता येइल
२) काकडी घातल्याने अगदी कोरडी होत नाहीत थालिपिठ
३) यासोबत व्हेजी क्रिम चिझ छान लागते.

माहितीचा स्रोत: 
जिभेचे चोचले! दुसर काय!
आहार: 
शाकाहारी
पाककृती प्रकार: 
उपाहार
शब्दखुणा: 
कोथिंबीर
पौष्टिक
थालिपिठ
काकडी
ओटमिल
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

वा काय सुंदर बनवलस थालिपिठ अगदी व्यवस्थि गोल, मधोमध एक खळ आणि त्याबाजूला पाच खळ!! चवीला अगदी खंग्री झालं असेल नक्की.

Submitted by हर्ट on 25 February, 2016 - 01:13

मस्त दिसतंय थालिपीठ.
काकडीऐवजी/ किंवा बरोबर कांदा, कोबी, मेथी, कांदापात, पालक, गाजर असं बरंच काही बाही घालता येईल यात.
तांदुळाच्या पीठासाठी गिल्ट फ्री पर्याय काय असू शकेल?

अगोने लिहिलंय गं सफरचंदाचं थालिपीठ.

Submitted by मंजूडी on 25 February, 2016 - 01:11

धन्यावाद सगळ्याना! भाजणी ,तान्दूल पिठाने कुरकुरित आणि खमन्ग दोन्ही चवी साधल्या जातात. मन्जु म्हणतेय तस बाकिचे ऑप्शन घालुन पण करता येतिल.
तान्दुळ पीठाला पर्याय मला सुचत नाहीये, ज्वारिच पिठ वैगरे ट्राय करता येइल(भाजणित असेल पण भाजणि अगदी चविपुरतिच वापरलिय)... पण ते नो कार्ब्ज होइल का याची काही आयडिया नाही.

Submitted by प्राजक्ता on 25 February, 2016 - 07:07

Thalipith made with oatmeal only do taste good. The batter should be little loose.

Submitted by राजसी on 25 February, 2016 - 07:09

आता इतक्यातच करून खाल्ल. छान झालं. मी नेहमीच्या भाजणीतच रोल्ड ओट्स घातले. तांदळाचं पीठ अजिबात नाही घातलं.

Submitted by सिंडरेला on 25 February, 2016 - 14:26