कवठाचे आंबील - उपवासाला चालणारे आणि पित्तनाशक

वॉव, तोंपासु दिस्तंय रे, प्रेझेंटेशन सुरेख..
कवठाचं सरबत असतं इतकंच माहित होतं..
ते मातीचं भांडं कसलं गोड आहे.. कुठून घेतलंयस?? भारतातून आणलं असशील तर सांग प्लीज कुठे मिळेल असं..
भार्रीच आवडलंय मला ते

वॉव सुंदर. कृती, फोटो सर्वच.

कवठ फार क्वचित खाल्लेय तेपण चटणी. जास्त बघायला पण मिळत नाही इथे.

आमच्याकडे चालते कोथिंबीर उपासाला. बरेच जण महाशिवरात्रीला कवठाची चटणी करतात.

मस्त पाकृ!
कवठ फार आवडते. इथे अजिबात मिळत नाही.

कवठ फार आवडीचे रे, पण भारताच्या बाहेर फक्त पुर्वेकडच्या देशातच मिळेल ( वूड अ‍ॅपल ) आमच्याकडे नाहीच मिळणार. पण आमच्याकडे गोरखचिंचा भरपूर, त्याचेच करेन.

आणि शेवटच्या फोटोत, मद्रासी कांद्याचा काय प्रकार केला आहेस ?

# उपवासाला करणार नसाल तर कोंथींबीर
>>
आमच्याकडे चालते कोथिंबिर उपवासाला
काहींकडे जिरे नाही चालत उपवासाला.

हे अंबील कशासोबत खातात?

मक्याचे दाणे छान टप्पोरे आहेत.. कवठ तर कोकणातही माहीत नसते लोकांना. झाडेही नाहीत तिथे.

हो दिनेशदा, कवठ या नावाचं फळ पण असतं हे आजच कळलं. नाहीतर अंड्याचं आंबिल उपवासाला कसं चालू शकतं हा मोठाचं प्रश्न पडलेला मला.

पाकृ सोपी दिसतेय. आणि प्रेझेंटेशन पण सुरेख.

ओह! सूप सारखं होय! करून बघायला हवं.
आम्ही फक्त कवठात गुळ घालूनच खाल्लंय जेंव्हा केंव्हा खाल्लंय तेंव्हा

कवठाच्या आतलं मांस थोडं अ‍ॅनिमिक दिसतंय. कच्चं होतं का कवठ? चांगलं पिकलं की गर आपोआप सुटा होतो कवटीपासून.

गूळ, कवठाचा गर, वगैरे मसाला मिक्सरमधून काढला, की न शिजवता डायरेक्ट चटणी म्हणूनही खाता येतो की.

वाह, खूपच मस्तं प्रकार दिसतोय.
कवठाची चटणी माहिती आहे पण हे आंबील फारच छान वाटतंय.

Nidhii ला +१

आमच्याकडे देखील अंडयाला कवठ म्हणतात.

अंड्याला कवट/कविट म्हणतात. कवठ वेगळं, कवटं वेगळी.

छान आहे पाककृती. मला खूप आवडते कवठ पण आमच्या येथे मिळत नाही आणि कवठाच्या सीझनमध्ये भारतात येणे होतेच असेही नाही.

श्रीखंड पाणी घालून पियुष करतात.

तसे कवठाची चटणी पाणी घालून शिजवून आंबील केले आहे.

असो. हे आंबिलीपेक्षा सूप या वर्गात बसु शकेल का ?

कोकणात अंड्यालाच कवठ म्हणतात.

हो .

कोकणात अंड्यालाच कवठ म्हणतात.>>> उंहू, कवट म्हणताना ऐकले आहे.

बरं असू द्या हो!
पुढे चला

कोकणात अंड्यालाच कवठ म्हणतात.>>> उंहू, कवट म्हणताना ऐकले आहे.>> तुम्ही फक्त ऐकलेय, आम्ही कवठच म्हणतो.

कवठाच्या गराची पावडर वगैरे करतात का ? तसे असेल तर टिकाऊ असणार ती. इथे ती चव फार मिस करतोय.
नरसोबाच्या वाडीची बर्फी मात्र अति भडक रंगाची आणि मिट्ट गोड असते, खाववत नाही अगदीच.

पुण्यात, कोल्हापूर भागातही झाडे आहेत पण सर्वात चवदार मिळाली ती नेवाश्याला !

कवठाचे झाड श्रीरामपूरला बघितलं. आमच्या मालकांच्या दारात होतं. ते पहिल्यांदा महाशिवरात्रीला कवठ चटणी करायचे.

कवठ म्हणजेच बेलफळ. याची झाडे कोकणात / घाटावर सर्वत्र आढळतात, पण वापर माहित नसल्याने फळे तशीच पडून वाया गेलेली बघितली आहेत.

कवठ वेगळं .. बेलफळ वेगळं

कवठ आणि बेलफळ वेगळे. नृसिंहवाडीची कवठाची बर्फी प्रसिद्ध आहे. पुण्याला शनिपाराजवळ चितळे या नावाचं लहानसं दुकान आहे. या दुकानात उत्तम कवठाची बर्फी मिळते.
कवट / कवठ हा अंड्यासाठीचा कोडवर्ड होता. अंडं खाल्लं हे घरातल्या ज्येष्ठांना कळू नये म्हणून कवट / कवठ म्हणत. हा शब्द या फळावरूनच आला आहे.

ओह्ह।।। चिनूक्स मला नेमके उलटे वाटलेले. आमच्याकडे अंड्यांना कवटे म्हणतात, अंड्यासारखे गोल म्हणून हे कवठ असे वाटलेले. आंबीलहि करता येते हे आज कळले.

पिकलेले कवठ दांन्नदिशी न आपटता थोडे हळू आपटले कि त्याला नुसती भेग पडते, त्या भेगेतुन तिखट मीठ आत ढकलून गॅसवर थेट ठेवायचे. गरम झाले कि मग दणण दिशी आपटून फोडायचे आणि आतला गर खायचा. इति मुलीच्या शाळेतील शिक्षिका.