Name: पेरूचं पंचामृत
Cook time: १५ मिनिटे
Yield: एका पेरुचे ४ जणांना पुरते.
Cuisine: पारंपारीक मराठी
Ingredients: एक मोठा पेरू; पाव वाटी भाजून सोललेले शेंगदाणे; पाव वाटी खोबऱ्याचे काप / खवलेला नारळ / किसलेलं खोबरं; पाव वाटी चिंचेचा कोळ; एक चमचा गोडा मसाला; दोन हिरव्या मिरच्या; आठ-दहा कडीलींबाची पाने; वरून घालायला कोथिंबीर; फोडणीसाठी मेथ्या; तीळ; जिरे; मोहरी; हळद; हिंग आणि तेल चवीप्रमाणे मिठ; गुळाचा खडा.

Submitted by आरती on 26 August, 2015 - 05:08

प्रत्यक्षात लागणारा वेळ:

१५ मिनिटे

लागणारे जिन्नस:

एक मोठा पेरू,
पाव वाटी भाजून सोललेले शेंगदाणे,
पाव वाटी खोबऱ्याचे काप / खवलेला नारळ / किसलेलं खोबरं,
पाव वाटी चिंचेचा कोळ,
एक चमचा गोडा मसाला,
दोन हिरव्या मिरच्या,
आठ-दहा कडीलींबाची पाने,
वरून घालायला कोथिंबीर,
फोडणीसाठी मेथ्या,तीळ,जिरे,मोहरी,हळद,हिंग आणि तेल
चवीप्रमाणे मिठ, गुळाचा खडा.

क्रमवार पाककृती:

पेरूच्या छोट्या-छोट्या चौकोनी फोडी करून घ्याव्या.
तेल तापवून मेथ्या,तीळ,जिरे,मोहरीची फोडणी करून घ्यावी.
हळद-हिंग-गोडा मसाला, हिरवी मिरची-कडीलींब घालावे.
पेरूच्या फोडी घालून परतून घ्यावे.
मिठ, गुळ, भाजलेले दाणे, खोबऱ्याचे काप घालून एक वाफ आणावी.
चिंचेचा कोळ आणि पाव वाटी पाणी घालून एक उकळी आणावी.
कोथिंबीर घालावी.
.