गणपती बाप्पा

Submitted by स्मितागद्रे on 16 August, 2009 - 03:45

बाप्पा तुम्ही यंदा प्लीज लवकर याल का जरा ?
का म्हणून विचारताय ? खाली येऊन तर बघा

यंदा तुमच्या येण्याची काहीच तयारी नाही
मांडव नाही, देखावे नाही, कुठेच गर्दी नाही

सगळी कडे सामसुम, सगळी कडे शुकशुकाट
शाळा बंद, क्लास बंद, फक्त स्वाइन फ्ल्यु सुटलाय मोकाट

दही हंडी, झेंडावंदन, यंदा काहीच झालं नाही
फडकी बांधुन तोंडाला, धड श्वासही घेता येत नाही

घरात नुसत बसुन बसुन खुप आलाय कंटाळा
आठवडाभर आधी येऊन घालाल का ह्याला आळा ?

बघा आता तुमच्यावर सोपवते हे मोठ्ठ् अवघड टास्क
घाबरु नका, तुमच्यासाठीही आणलाय चांदीचा एक मास्क

मग बाप्पा प्लीज ,येताय ना आठवडाभर आधी ?
ताटभर उकडीचे मोदक ठेवेन फक्त तुमच्या साठी

गुलमोहर: 
बालकविता
शेअर करा