उकडगरे (कच्च्या फणसाची भाजी)

मस्त,करायला नक्कि आवडेल.

फोटो अजुन दिसत नाहिये, बराच उटारेटा आहे कि
दिसले! ... काय मस्त ताट आहे, उचलुन घ्यावस वाटतय.

मस्त वर्णन. हो, असाच असतो फणस कापणे सोहोळा कोकणात.

भाजी कसली सुंदर दिसतेय.

आमच्या इथे कापलेला फणस मिळतो ... सो नक्की करु
पाहणार

शेवटून दुसरा फोटो जहबहरीही!!!!!! तोंडाला पाणी सुटले.
पण फणसाबरोबर कांदा बिग नो नो...

पण अस्सल हौशी लोक कांदेपोह्यांसारखी डिशमधे घालून खातात. म्हणजे मीही खाते! स्मित>>> +१००.

आमच्याकडे पण कांदा-लसूण नाही घालत फणसाच्या भाजीत.

मला ही भाजी अतिशय आवडते. आमच्या गावी फणस होत नाही त्यामुळॅ गावी गेले की दुसरीकडे जाऊन फणस शोधायचे काम करावे लागते मला.

पण आमच्यात ही भाजी ताटात वाढलेली दिसतेय तितकुशी खात नै कै, ताट भरुन फक्त भाजीच असते. बाकी सोबत काही असण्याची गरज पडत नाही

आमच्यात पण कांदा अजिबात घालत नाही. सोललेले गरे उभे कापलेले असतात, मिरचीही उभी कापुन भाजी केली जाते, वरुन थोडे खोबरे. भाजी साधारण उकडलेल्या बटाट्याच्या भाजीसारखी दिसते. पण खायला यम्म्म्म्मी....

मस्त

असल्या रेस्प्या टाकून चिडचिडाट करायला लावू नये.. टाकल्यास बरोबर लाळेर्‍यांचेही फोटो टाकावा..

माझी आवडती भाजी. चवीच्या मानाने खटाटोप कमीच वाटतो ( मला तरी. ) मुंबईत जवळजवळ ६ महिने असा गर्‍याचा फणस मिळतो. त्याचे तूकडेच विकायला असतात. त्यातले गरे काढणे सोपे जाते.

दिसतेय खूप मस्त पण शेवटून तिसरा फोटो पाहून एक आठवण झाली.

मला फणसाची भाजी प्रचंड आवडते. आमच्याकडे दाणे घालून करायचे आणि त्यातला फणस थोडा चिकन-मटणासारखा लागायचा. एकदा माझ्या एका मैत्रिणीकडे गेले असता तिच्या आईने आज फणसाची भाजी आहे, दाणे घालून करतात पण आमच्याकडे कशी मुलींना आवडत नाही असं सांगितलं. मी मला आवडते म्हटल्यावर त्यांनी लगेच वाटीतून खायला दिली. पण त्यांच्याकडची भाजी चक्क दाणे घातलेल्या दुधीच्या भाजीसारखी लागत होती थोडीच दिली होती म्हणून मी संपवू शकले नाहीतर कठीण होते सगळी खाणे. मुलींना आवडत नाही त्याचे नंतर आश्चर्य वाटले नाही.

त्यांच्याकडेही बहुतेक गावातूनच फणस यायचे. कदाचित बाजारात मिळणार्‍या / कॅनमध्ये मिळणार्‍या आणि घरुन आलेल्या फणसाच्या जातीत फरक असेल किंवा कोवळेपणात फरक असेल. पण ती भाजी ह्या वरच्या भाजीसारखी दिसत नाही. अशी दिसते.

हायला मस्त रेसीपी अन वर्णन.
आई नेहेमी फणसाची भाजी करतांना कांदा घालते पण फोडणीत. इथे फणस नाहीच मिळत फारसा

हां, तरीच ! धन्यवाद प्रज्ञा

मस्तं पाककृती आहे. तयार भाजीचा आणि वाढलेल्या ताटाचा फोटो भारी!

ही भाजी खायला मिळण्याची, करण्याची शक्यता शून्य असल्यामुळे फोटोवरच समाधान मानावं लागेल.

आमच्याकडेही अंगणात एकत्र जमून फणस चिरण्याचा सोहळा असाच असायचा. बाकी दिलेले डिटेल्स माहित नव्हते.
फणस नुसता खायला आवडत नाही. फक्त भाजी आणि चुलीतल्या आठळ्या खायला आवडतात.

आहाहा! जीवघेणे फोटो आहेत! गरे आवडत नाहीत पण फणसाची भाजी वीक पॉईंट एकदम!

हो प्रज्ञा, लसणीचा उल्लेख नाहीये तुझ्या रेसिपीत पण काही ठिकाणी वापरतात म्हणून एकत्र लिहिलं.

अहाहा.. मस्त. फणसप्रेमी असल्याने वर्णन, फोटो फारच आवडलेले आहे. फणसाची भाजी या आठवड्यात करायचा विचार होताच. आता उत्साह दुणावला. आमच्याकडे वसईवाला भाजीच्या फणसाची गरे, आठळ्या काढून देऊन मस्त सोय करतो. कुयरीची भाजीही ओले काजू किंवा हरभरे, शेंगदाणे घालून आवडते.

दादरच्या जिस्पीमधे फणसाची बिर्याणी मिळते तिचीही या निमित्ताने आठवण झाली.

सुरेख वर्णन.

आमच्याघरी अकोल्याला फणसाची भाजी नेहमी मसाल्याच्या वाटणात करतात. अशी सुकी भाजी नाही करत कुणी.

घारगे अप्रतिम दिसत आहेत. त्याचीची कृती लिही प्लीज.

>>दादरच्या जिस्पीमधे फणसाची बिर्याणी मिळते
सही!

ह्यावरून कुठल्यातरी थाई रॅस्टॉरंटमध्ये खाल्लेल्या, फणस घालून केलेल्या नूडल्स आठवल्या. म्हणून गुगल केल्यावर ही एक पाककृती सापडली:

http://www.laweekly.com/restaurants/spork-foods-peanut-ginger-jackfruit-...

मस्त!

मी पिकलेल्या (पूर्णपणे नाही पण गरे तयार झालेल्या फणसाची फार खाल्ली नाहीये ..)

पण व्हेज चिकन उर्फ पार्‍याची मात्र अनेक वेळेला खाल्ली आहे आणि अतिशय आवडती आहे .. मलाही अशी नुसती खायला आवडते .. (इतकी की एकदा प्रमाणाबाहेर खाऊन अपचन ओढवून घेतलं होतं .. :खोखो:)

आमच्यात ही कांदा नाही ..

प्र९ तू म्हणतेस फोडणीत कांदा नाही पण शेवटून तिसर्‍या फोटोतल्या कढल्यात काय दिसतंय ते? की तो भाजीवर फोडणी घालून झाल्यानंतरचा फोटो आहे?

(प्र९ तुझी नवरत्न भेंडी ही माझी खुपच आवडती ..)

प्र९, अजून एक .. मी "सांदण" असा शब्द ऐकला होता ह्याआधी .. काकडी ची एक जात असते किंवा मग फणसाचंही करतात ते ..

तुझा "सांजण" ही बरोबर वाटतंय कारण त्यात (तांदळाचा असला तरी रवा घातला जातोच म्हणजे तो सांजाच झाला एक प्रकारचा ..)

आणि आमंत्रणाकरता धन्यवाद .. मला रत्नागिरीतल्या (आणि तरवळ) च्या कायदेशीर आजोळी जाऊन आता खूप वर्षं झाली .. पुढच्या ट्रिप मध्ये जावंच आता ..

मस्त भाजी.
फणस कापण्याचे, गरे आठ्ळ्या सोलण्याचे वर्णन वाचुन थेट गावाला गेल्याचा फील आला.
आमच्याकडे गावाला जवळ जवळ एक आड एक दिवशी ही भाजी असते. नाचणीच्या आंबीली बरोबर ही भाजी मस्त लागते.
पण मला अख्या गर्‍यांपेक्षा गर्‍या गोट्यांची भाजी जास्त आवडते. म्हणजे गरे तयार झालेले असतात पण ते चिरता येतील विळीवर एवढे कोवळे असतात. त्या भाजीला आम्ही गर्‍या गोट्याची भाजी म्हणतो.

आम्ही पण कांदा लसूण कध्धी नाही घालत फणसाच्या भाजीत.

त्या भाजीला आम्ही गर्‍या गोट्याची भाजी म्हणतो.>>>> +१
फणसाची कुयरी असते (कोव़ळा फणस) त्याला राईलसणाची फोडणी, थोडुसा कांदा+१-१ १/२ चमचा खोबरे यांचे कच्चे वाटण ,घालून भाजी झकास होते.

मस्त वर्णन आणि फोटो प्रज्ञा.
फणसाचे कुठलेच पदार्थ खाल्ले नाहीत फारसे. त्यामुळे पाहून अप्रुप वाटले. एन्जॉय करा.

बाकी कोकणात पर्यटक म्हणून न फिरल्यामुळे असे पदार्थ न मिळणं वगैरे विचारही कधी केला नव्हता.<<<< व्हय व्हय!! मला पण नाव पत्ता सांगून ठेव.

आमच्याकडे स्वयंपाकाला येणारी योगितामावशी हे सर्व कोकणी पदार्थ मस्तच करते. मला आवडते म्हणून कुयरीच्या फणसाची, गर्‍यांची भाजी केली होती. मला मेलीला तेव्हा फोटो काढायचं सुचलंच नाही. चुलीत भाजलेल्या आठळ्या भन्नाट लागतात.