नक्को चे गाणे

Submitted by poojadiwan on 8 August, 2009 - 09:12

दूध नक्को आई मला
हवा खूप चहा
फुला फुलांच्या कपबशीतुन
पाजव तूच मला

तूप्-साखर नक्को मला
हवी थोडी चटणी
लोणच्याच्या फोडीत पण दे
माझी माझी वाटणी

मोठ्ठी सायकल नक्को मला
स्कूटीच दे घेउन
पाय पुरत नसले तरी
ऐटीत जाइन बसुन

सारखी शाळा नक्को आई
मधून मारू बुट्टी
माझ्याशी खेळ नाहितर
करिन बघ कट्टी

रात्री बाबा नक्को आई
मिशी त्यांची टोचते
तुझ्या कुशित कश्शी मला
छान झोप लागते

गुलमोहर: 
बालकविता
शेअर करा

छान!

Submitted by गणेश कुलकर्णी on 8 August, 2009 - 09:51

मस्त!

Submitted by अलका_काटदरे on 9 August, 2009 - 05:17