संगीत समारोह ध्वनिमुद्रित करताना ध्वनिमुद्रणाचा दर्जा कसा सांभाळावा ?

गायकाच्या / कलाकाराच्या परवानगीने होत असेल तर थेट स्टेजवर माईक ठेवून करतात. पण तशी परवानगी नसेल तर करणे योग्य नव्हे.
मी जयमाला शिलेदार यांचे गायन त्यांच्या परवानगीने जून्या काळच्या कॅसेट रेकॉर्डर वर रेकॉर्ड केले होते. मी पहिल्याच रांगेत होतो. ते बरे झाले होते पण प्रेक्षकांच्या खोकल्याचे, कुजबूजीचे आवाज रेकॉर्ड झाले होते.
इव्हन लाईव्ह रेकॉर्डींगच्या सिडीज निघतात त्यातही असे आवाज येतच असतात.

स्टुडीयो मधल्या रेकॉर्डींगची सर त्याला येत नाही. पण आता नव्याने शास्त्रीय गायन वादनाच्या सिडीज बाजारात येतच नाहीत. अगदी र्‍हीदम हाऊसमधेही जून्याच सिडीज दिसत असतात.

मग माईक त्याच्या अगदी जवळ ठेवून व माईकवर एखादा पातळ रुमाल ठेवून बर्‍यापैकी रेकॉर्ड होईल.

षड्जपंचम - कार्यक्रमासाठी मिक्सर वापरत असाल ना? प्रोफेशनल रेकॉर्डिंग मधे अशा वेळी मिक्सरचा एक आउटपुट थेट रेकॉर्डिंग डिव्हाइस ला देतात (गायकालाच ते हवे असल्यास साउंड वर बसणार्‍या माणसाला सांगणे सोपे जाईल). लॅपटॉप वर असे रेकॉर्डिंग करायचे सॉफ्टवेअर मिळते आणि ते वापरायला बरेच सोपे असते. हल्ली बर्याच ठिकाणीतर व्हिडिओ रेकॉर्डिंवर नंतर असा रेकॉर्ड केलेला ऑडिओ ट्रॅक नंतर ओव्हरलॅप करतात.

शंभर हर्टझपेक्षा कमी फ्रिक्वन्सी तुमचा मायक्रोफोन घेतो का ?थोडक्यात रेकॉर्डीँगचा माईक सर्वात कमी किती फ्रि० घेणारा आहे ?

संगीत समारोह आहे म्हणजे तिथे चांगल्या प्रकारची ध्वनीवर्धन (अँप्लिफायर) यंत्रणा नक्कीच असणार...त्यांच्याशी बोलून त्यांच्या यंत्रणेतून तुम्हाला ऑडिओ आउटपुट मिळवता येईल..जे तुम्ही तुमच्या ध्वनीमुद्रण यंत्रणेच्या लाईन इनपुटमध्ये द्या...उत्तम ध्वनीमुद्रण होईल.
थेट ध्वनीमुद्रण करणार असाल तर युनिडायरेक्शनल माईक वापरा...ह्याचा गेनही जास्त असतो....गायक-वादकांच्या समोर अशा अंतरावर ठेवा की गायकाच्या गळ्यातून निघणारा लहानात लहान आवाजही तो टिपू शकेल....माईकचा गेन तुम्ही तुमच्या ध्वनीमुद्रण यंत्रणेमार्फत कमीजास्त करू शकाल.