मायबोली गणेशोत्सव २०१४ : आता कशाला शिजायची बात! (पाककृती स्पर्धा) - प्रवेशिका स्वीकारणे बंद करत आहोत

गणपती बाप्पा मोरया!

नमस्कार,

@मंजूडी
सोलणे, चिरणे, कापणे, किसणे या प्रक्रिया केल्या तर चालतील ना?
>>>>>>>>>>>>>>>>> हो चालतील.

@_हर्षा_
एका मुख्य घटकपदार्थाबरोबरच किती घटकपदार्थ चालतील? उदा. मुख्य घटकपदार्थ पाव घेतला तर त्याबरोबर किती घटक अजुन वापरता येतील....>>>>>>>>>>>>>>>>
घटकपदार्थ कितीही असू शकतात. अट एवढीच की कोणताही एक घटकपदार्थ कोरडा/तयार पदार्थ असू शकतो आणि बाकीचे कच्चे असले पाहिजेत. तुम्ही विचारलेल्या प्रश्नाच्या अनुषंगाने मुख्य तयार पदार्थ म्हणून पाव घेतला तर वर दिलेल्या पहिल्या नियमात बसणारे कितीही पदार्थ बाकीचे घटकपदार्थ म्हणून तुम्ही वापरू शकता.

@सुहास्य
<<<मायबोली गणेशोत्सव २०१४' या ग्रुपाचे सदस्यत्व घेणे आवश्यक आहे>>>> ह्या साठी मला लिन्क दिसत नाहिये ... <<< नियम क्रमांक सात मध्ये लिहिल्याप्रमाणे 'हा ग्रुप गणेशचतुर्थीच्या दिवशी (म्हणजेच २९ ऑगस्ट २०१४, भारतीय प्रमाणवेळ) खुला होईल.'

वरील पदर्थात पनीर चालेल ना ?? >>> पनीर हा तयार घटकपदार्थ म्हणून वापरता येईल. अशा वेळेला बाकीचे सगळे घटकपदार्थ नियम १ मध्ये बसणारे असावेत.

@दिनेश.
पनीर बाबत अपवाद केल्यासारखा वाटतोय, कारण पनीर तयार करताना दूध तापवणे गरजेचे असते. <<<

नाही, पनीरबाबत कोणताही अपवाद केलेला नाही. नियम क्रमांक ४ नुसार कोणताही एक तयार कोरडा/तयार पदार्थ घटकपदार्थ म्हणून वापरता येईल. उदा. पाव, बिस्कीटं, पापड्या, शेव, चुरमुरे, फुटाणे, पोहे वगैरे. ह सगळे पदार्थ तयार करताना उष्णता लागतेच. हे पदार्थ 'प्रोसेस्ड' पदार्थ आहेत. त्यामुळे आधीच्या उत्तरात म्हटल्याप्रमाणे पनीर हा पनीर हा तयार (किंवा प्रोसेस्ड) घटकपदार्थ म्हणून वापरता येईल. अशा वेळेला बाकीचे सगळे घटकपदार्थ नियम १ मध्ये बसणारे असावेत.

@स्वस्ति
खवलेलं खोबर नियम क्र. १ मध्ये येते का? <<< होय.

@_हर्षा_
म्हणजे डेसिकेटेड कोकोनट ही चालेल ना नि क्रं १ मध्येच? <<< होय.

@दिनेश.
मला वाटतं, मुख्य घटक आणि पूरक घटक अशी विभागणी मूळ नियमातच करावी. त्यामूळे नियम स्पष्ट होतील. <<<
नियमांनुसार 'मुख्य' घटकपदार्थ आणि 'पूरक' घटकपदार्थ अशी कोणतीही विभागणी सुचवलेली नाही. घटकपदार्थांची अट फक्त एक तयार/कोरडा पदार्थ आणि बाकीचे कच्चे पदार्थ अशी आहे. शिवाय केवळ चवीपुरते किंवा तोंडीलावण्यापुरते म्हणून काय पदार्थ वापरता येतील हे वर दिलेलेच आहे.
नियमांबाबत कोणतीही शंका असल्यास इथे लिहा. आम्ही शक्य तेवढ्या त्वरेने शंकानिरसन करू.

@ऋन्मेऽऽष
पदार्थ गरम करणे पण नाही चालणार का?
<<< नाही चालणार.

@मंजूडी
मायबोलीवर पूर्व प्रकाशित पाककृती येथे देता येणार नाही.>>> म्हणजे स्पर्धकाची मायबोलीवरची पूर्वप्रकाशित पाककृती चालणार नाही असं आहे ना?
की एकूणातच मायबोलीवरची दुसर्‍या कोणीही लिहिलेली पाककृती हातचे बदल करून स्पर्धक लिहिणार असला तरीही चालणार नाहीये?
<<< मायबोलीवरची पूर्वप्रकाशित स्वतःची किंवा दुसर्‍याने टाकलेली आणि त्यात स्वतः बदल केलेली पाककृती चालणार नाही.

@अगो
कुठल्याही प्रकारची भेळ बनवल्यास हिरवी चटणी आणि चिंचेची चटणी मुख्य घटकपदार्थ होतात. ते गार्निशिंगसाठी / तोंडीलावणे म्हणून नसतात. तसेच कुठलीही चटणी / जॅम ब्रेडच्या स्लाईसला लावून विशिष्ट फ्लेवरचे सँडविच बनवतानाही तो मुख्य घटकपदार्थ होतो. मग अशा रेसिपीज चालणार नाहीत का ?
<<< हिरवी चटणी वगैरे न शिजवता, उष्णता न वापरता करता येतात. त्यामुळे ते चालेल. जॅम हा जर एक तयार पदार्थ घेतला तर ब्रेड घेता येणार नाही. भेळीत चुरमुरे तयार (प्रोसेस्ड) पदार्थ असल्याने फरसाण, खारे दाणे चालणार नाहीत.

@_हर्षा_
चीज इथे या लिस्टमध्ये म्हटल्याप्रमाजे गार्निशिंगसाठी चालेल की नि क्रं १ प्रमाणे मुख्य घटक वगळता इतर घटक म्हणुन चालेल? जसं की पनीर मुख्य पदार्थ म्हणुन चालेल तसचं चीजही प्रोसेस्ड आहे ना?
<<< गार्निशिंगसाठीच वापरलं तर चालेल पण पाककृतीतील घटक म्हणून वापरलं तर दुसरा तयार पदार्थ वापरता येणार नाही.

-----------------
एक लक्षात घ्या - एकच तयार पदार्थ वापरण्याची फक्त मुभा आहे, तशी अट नाही. कोणताही तयार (प्रोसेस्ड) पदार्थ न घेताही तुम्ही पाकृ देऊ शकता.