कुरडूची भाजी (डोंगराळ भाजी)

या भाजीचा (शिजलेल्या नाही) फोटो टाकता येईल का? तरोटा म्हणून अशीच एक भाजी बघितलीय, जी पावसाळ्यात उगवते.

कुरडुची भाजी आताशी पावसातच उगवते. खुप छान लागते. गावात असताना खाल्लीय. उकड्या तांदळाच्या पेजेबरोबर किती छान लागते भाजी. परसात हवी तितकी मिळते.

अरे बापरे .किती दिवसानी या भाजीची आठवण करून दिली. लहानपणी काय आवडायची . आताही आवडते पण मिळत नाही

करडई का कुरडू म्हण्जे? करडईची पण अशीच करतात भाजी. आम्ही लहानपणी दूरच्या मारूती मंदीरात शनिवारी सकाळी किंवा संध्याकाळी चालत जायचो. बरच लांब होतं ते पटरीनं जाव लागे अन वाटेत काही अंतरावर दोन्ही बाजूने लावलेली करडई. कोवळी पाने खुडून आणायची भाजीला. करडई घ्यायला कोणी नाही म्हणत नाही, कारण खुडली की दामदुप्प्टीनं येते.. तसही खुडायचा कंटाळा असेल तर बाजारात पण १० पैसे पाव मिळायचा पाला..

मी पण तेच विचारणार होते अ‍ॅना. करडईची भाजी आम्ही लसुणाचे तुकडे, कांदा,हिरव्या मिरच्या किंवा लाल मिरच्यांची फोडणी घालुन अन दाण्याचं कुट घालुन करतो.. ईकडे नाही बघितली मी, पण आईकडे गेले की अजुनही नेहेमीच खाल्ली जाते.

आणि अल्पना कोवळ्या मेथीचा, कोवळ्या करडईचा घोळाणा? ( कच्ची बारीक चिरून वरून नुस्ती किंवा लसणीची फोडणी) :लाळ टपकणारी बाहुली:

अनघा मी पण तेच विचारणार होते. करडईच्या भाजीत व्यंजन म्हणुन मी चणा डाळ्/मुग डाळ घालते. बाकी कांदा, मिरची, लसुण सेमच पण नंतर भाजी शिजल्यावर वरुन पुन्हा तेल गरम करुन त्यात लसणी तळुन ते तेल लसणीसकट भाजीवर टाकायच खमंग लागते भाजी. हि भाजी मिरची घालुन वाफवुन कुस्करुन ताकात घालुन त्या ताकाची कढी करतो तशी कढी केली तरी छान लागते (करडई किंवा पालक असा ताकातला छान लागतो)

-------------------------------------------------------------------------
जो संपतो तो सहवास, आणि ज्या निरंतर रहातात त्या आठवणी

काय एकेक आठवण करुन देता आहात लोकहो

०-------------------------------------------०
दुनिया मे है जंग क्यो...बेहेता लाल रंग क्यो..
सरहदे है क्यो हर कही ... सोचा है..ये तुमने क्या कभी ?

हो हो, ताकातला पालक व करडई पण छानच लागते.. डाळीचं पीठ पेरून ही बहुतेक सगळ्या भाज्या खमंग होतात.. पालेभाजीला लसण तर मस्ट..

करडई आणि कुरडू वेगळ्या भाज्या आहेत. करडई एरवीही मिळते, कुर्डू मात्र पावसाळ्यातले काहि दिवसच मिळते.

होय होय, या दोन्ही भाज्या वेगळ्या आहेत...

बहुतेक तांदुळजा आहे हा.. असाच दिसतो तांदुळजा.. तांदळाच्या कण्या घालुन सुध्दा भाजी करतेत हेची..

इथे रानभाज्या म्हणून एक बा.फ. आहे तिथे चर्चा होती या भाज्यांची. तादुळजा असा नसतो. त्याची पाने त्रिकोणी असतात व त्याला किरमीजी रंगाचे तूरे येतात. या कुरडूला पांढरे तुरे येतात. केनी कुरडू अशी जोडी असते. ( जशी चुका चाकवत असते तशी )
याच दिवसात फोणशी, मसाल्याची पाने, कंटोळी, वाघाटी, भुईफोडं पण बाजारात असतात. मुंबईला, दादर, बोरिवली भागात या भाज्या मिळतात.

हो का?
फोणशी, मसाल्याची पाने, कंटोळी, वाघाटी, भुईफोडं >> ह्या नाही पाहिल्या मी भाज्या. बहुतेक मराठवाड्यात नसतील मिळत..

हो ग अ‍ॅना..आपल्याकडे नसतात ह्या भाज्या... या मुंबईच्या आसपासच्या भाज्या.

एक तर मी चंदन बटवा नावाची भाजी खाल्लीय- आई करायची मी लहान असताना.

भाग्य, ती भाजी सहज मिळते आता. थोडी जांभळट पाने असतात. ताक घालून करतात.
भारंगी, भारंगीची फुले, शेवळे, कोरल, घोळ, राजघोळ या पण भाज्या मिळतील आता (आपल्याकडे ) या सर्व कृति आहेत इथे.

भाग्या आमच्याकडे पण करतात चंदनबटवा.. खाल्लीये मी.

आमच्या बाजुच्या पारसिक हिलवर ही भाजी भरपुर उगवुन येते हे मला माहितच नव्हते. शेजारचे आजोबा रोज मॉर्निंगवॉकवरुन येताना घरी आणतात. काल कसला पाला भरुन आणताहेत म्हणुन विचारले तर म्हणाले कुर्डु आणलीये....

काल दोन रानभाज्यांचे दर्शन झाले - कुर्डु आणि कवळा.. त्यातला कवळा काल खाल्ला, कुर्डुसाठी मी उद्या उठुन जाते पार्सिक हिलवर.. दिनेशनी टाकलेला तांदुळजा पण कॉलनीत पाहिलाय भरपुर... असेच डोळे जागेवर ठेऊन इकडेतिकडे शोधत बसले तर सगळ्या भाज्या सापडतील..

जागु ताई तुला कुडाचि फुलाचि भाजि माहित आहे का ? असेल तर प्लिज टाक ना फोटो सहित

जागु ताई तुला कुडाचि फुलाचि भाजि माहित आहे का ? असेल तर प्लिज टाक ना फोटो सहित>>> परवाच ई टीव्हीवर खाद्यभ्रमंतीमध्ये ही भाजी करून दाखवली.

(तिन ते चार पाण्यात धुवावीत)>>>> वेळा?

त्या कुठल्याश्या कहाणीत एक बाई केनी-कुर्डुची भाजी करते असा उल्लेख आहे. तीच का ही?

कुड्डुकी म्हणतात कोकणीत याला.. पावसाळा फेवरिट..

चंदन बटवा खरच खूप छान लागते.
जागू
कुर्डूची भाजी ऐकली होती. इथे प्रथम पाहिली.