तुमचे नाव मतदार यादीत शोधा

आमचे नाव आहे.

माझेपण नाव आहे. उद्या मतदान करणार.

ओरिजिनल आय डीं चीच नावे नाहीयेत की काय?

सरकार आहे का मायबोली?

माझे नाव गायब झाले आहे.
तसेच व्होटीन्ग स्लिपाही केवळ लिम्बी अन आईकरता आल्या आहेत.
ओक्के, काढले शोधुन.
जुने शेषन कार्डचे नम्बर बदलले आहेत. त्यामुळे घोल्ळ झालाय.

यावेळी मतदारयादीत नुसतं नाव असून उपयोग नाही, सोबत छायाचित्रही हवं असं गेले ३-४ महिने सांगितलं जातंय. ते पाहता येतंय का वरच्या लिंकेत? (९९% वेळेला ती लिंक ओपनच होत नाही :खोखो:)

हा काय झोल आहे? <<<

तुम्ही भारताचे ओरिजिनल नागरीक वगैरे असाल! एकदा तपासून घ्या नागरिकत्व!

हा काय झोल आहे? >>>>> लिंबुभाउ हे कटकारस्थान आहे ब्रिगेडी लोकांचे ...

माझेही नाव गायब आहे...जय हो!

माझे नाव गायब झाले आहे.
तसेच व्होटीन्ग स्लिपाही केवळ लिम्बी अन आईकरता आल्या आहेत.
ओक्के, काढले शोधुन.
जुने शेषन कार्डचे नम्बर बदलले आहेत. त्यामुळे घोल्ळ झालाय.

(नावे गायब होणे/करणे आम्हाला नवे नाही, असे प्रकार अनेकवेळा बघितलेत पूर्वीच्या इलेक्शनचा राजकीय पक्षाचा कार्यकर्ता म्हणुन. इथे प्रश्न इतकाच होता की "लिम्ब्याचे नाव गायब करण्याचे धाडस कोण करु शकलय? )

नाव निट तपासुन टाका अन्यथा तुम्ही तुमचे फक्त नाव टाकुन सर्च करा.. नंतर पिडीएफ फाईल आल्यावर त्यात सर्च करा.....

माझे नाव उदयदीपक दीपक इनामदार ......असे करण्यात आले आहे.. उदय इनामदार शोधल्यास सापडत नाही...

इनामदार अथवा उदय लिहिल्यास सर्च मधे दाखवण्यात येते

मी वेगवेगळ्या प्रकारे माझे नाव शोधले...मराठीत, इंग्रजीत, मूळ मतदार संघ आणि आजूबाजूच्या मतदारसंघातही शोध घेतला...पण कुठेच नाव नाहीये...तुमचे नाव मतदार यादीत नाही...६ नंबरचा फॉर्म भरा..हे एकच उत्तर येतंय.
मतदार यादीची एकही पीडीएफ फाईल उघडत नाहीये...

प्रमोद जी............ फक्त नाव लिहा... आणि खाली आलेल्या माहिती मधे बाजुला एक पीडीएफ फाईल आलेली असेल मतदारसंघात असलेल्या सर्व नावांची...ती ओपन करा आणि मग त्या पीडीएफ लिस्ट मधे सर्च करा... नाव असेल

गंमतच आहे...पीडीएफ यादीत तर नाव दिसतंय....पण केवळ नाव शोधलं तर नाहीये असं उत्तर येतंय....म्हणजे संकेतस्थळाच्या आखणीत काही तरी दोष नक्कीच असावा.

पीडीएफ मधे मिळाले ना .. त्याची प्रिंट काढुन ज्यात तुमचे नाव असेल. . ती मतदान केंद्रावर घेउन गेलात तरी चालेल.. पण पहिल्या दोन पानांची प्रिंट देखील काढुन घ्या...

दोनदा आहे.

धन्यवाद नितीनचंद्र आणि उदय!

माझ नावच चुकवलय, दुरुस्तीसाठी अर्ज पण केला होतो खुप वर्षापूर्वी पण अजूनही नावं तसच ठेवलंय

मतदान कराहो ! ते जास्त महत्वाच आहे. >>> ते तर करणारच

माझं व्होटर कार्डच आलं नाहीये. गेल्या निवडणुकीत सगळे फॉर्म सबमीट केले होते.

नितीनचंद्रजी - मनापासून धन्यवाद - लेकींची नावे मिळाली या लिंकमधून ....

पण इतक्या उशीरा कसे लोक जागे होतात? वर्तमानपत्रात आलं होतं की कधीच.
मी फेब्रुवारीच्या दुसर्‍या-तिसर्‍या आठवड्यात पुण्यात असताना मराठी वर्तमानपत्रातली बातमी वाचून माझ्या सगळ्या सासरमाहेरच्या लोकांची नावं मतदारयादीत आहेत की नाहीत खात्री करून घेतली होती आणि संबंधित पीडीएफ डाउनलोड करून ठेवल्या आहेत. नुसत्या आडनावावरून आणि मतदारसंघावरून पुण्यातली नावं शोधता आली. एकदाही कुठल्याही लिंकला प्रॉब्लेम आला नाही. कलकत्त्याच्या लिन्क्सवर तर पीडीएफच टाकल्या आहेत मतदारयादीच्या.

आपलं नाव मतदारयादीत आहे की नाही हे वेळेवर शोधायची जबाबदारी मतदारांचीही नाही का?

नितीनचंद्र. मी आमच्या घरातल्या सगळ्यांची नावे शोधली..माझे आणि वडिलांचे सापडले पण आईचे आणि आजोबांचे सापडलेच नाही.. पीडीएफ परत एकदा नीट बघायला पाहिजे..

>>>>. आपलं नाव मतदारयादीत आहे की नाही हे वेळेवर शोधायची जबाबदारी मतदारांचीही नाही का? <<<<<<
या प्रश्नामागे असाही एक गृहित अर्थ आहे की सार्वभौम भारत सरकारच्या त्याहुन जास्त स्वतंत्र अन सार्वभौम निवडणूक आयोगास वर्षानुवर्षे चालत आलेला डाटाबेस ह्यान्डल करता येत नाहीये. दरवेळेस नव्याने मतदार यादीत नाव का शोधावे लागावे?

दुसरे असे की तुम्ही जी इन्टरनेटची "सुविधा" वापरता ती किती नागरीकान्ना सहज उपलब्ध आहे? त्याव्यतिरिक्त ज्यान्ना इन्टरनेटबद्दल माहितीनाही/वापरता येत नाही अशांकरता सरकार काय सोय उपलब्ध करुन देते नावाच्या खात्री पटविण्याकरता? उपलब्ध करुन दिलेल्या सोयीचि माहिती लोकांपर्यंत पोचविण्याकरता काय प्रयत्न करते? की कुठल्यातरी म्हमईतल्या सचिवालयात काढलेला जीआर सगळ्या महाराष्ट्रीयान्पर्यन्त "अन्तर्ज्ञानाने " पोहोचतो असे सरकार (अन काही सुविद्य नागरिक) समजते काय? असो.

तिसरा मुद्दा असा की;
मी जिथे आत्ता रहातो तिथे १९८४ पासुन रहातो आहे अन शेषन कार्डापासुन माझे नाव मतदार म्हणून नोन्दले आहे.
शेषनकार्ड आयमीन निवडणूक ओळखपत्र मला मिळालेले आहे, मी माझ्या पत्यात गेल्या तिस वर्षात बदल सान्गितलेला नाहीये, अन तरी दरवेळेस मतदारान्नि "यादीत नाव आहे वा नाही" याची खात्री करुन घेणे भाग पडावे हे कसल्या भिकार सिस्टिमचे द्योतक आहे? (ज्यान्ची बदलीची नोकरी वा तत्सम कारणाने वा बीसीसीआयच्या निवडणू़कीत भाग घेण्यास बारामती मतदारसन्घ बदलुन मुम्बै वगैरे करायचा असेल त्यान्नी मतदारयादीत नाव बघुन ठेवणे ठीके, पण वर्षानुवर्षेच नव्हे तर पिढ्यादरपिढ्या जी लोक एकाच जागी रहात आहेत त्यान्ना देखिल यादीत नावे आहेत वा नाहीत हे बघणे आवश्यक का व्हावे?

बर नाव नाही असे कळले तरी सरकारी घोडेछाप व्यवस्था नाव घालण्याची तत्काळ व्यवस्था करते का?

प्यान कार्डची व्यवस्था करता येते (कारण त्यायोगे पैका/महसुल मिळतो) पण निवडणू़ककार्ड/याद्यान्ची व्यवस्था करता येत नाही असा विरोधाभास का?

माझे नाव सापडले, चिठ्ठी आली नाही. (माझ्या अल्पमतीनुसार कारण असे की "काही शेषनकार्डान्चे मूळचे नम्बर बदलुन नविन क्रमांक दिले आहेत त्यामुळे असे झाले असावे, मात्र मतदारांची खात्री करुन घेण्याचे फॉर्म्स मागे भरुन घेतले होते त्यावेळेस आख्खी फ्यामिली वगैरे माहिती घेतली होती, तर मग यादीत एकत्र नाव का येत नाही? लिम्बीचे नाव सापडले, तिथे "फ्यामिली" म्हणून बटनावर क्लिक केले तर मात्र आमचे तिघांची नावे एकत्र दिसली, ती यादी छापुन ठेवली.
विशेष म्हणजे एखाच कुटुंबातील एकाच पत्यावर रहात असलेल्या लिम्बोटल्याचे नाव भिन्न मतदान केन्द्रावर भिन्न यादीत आले आहे.