बदामाचे मफिन्स

Submitted by अदिति on 14 April, 2014 - 14:39
प्रत्यक्षात लागणारा वेळ: 
३० मिनिटे
लागणारे जिन्नस: 

३ कप बदामाचे पिठ
३ अंडी (फक्त पांढरा भाग )
३/४ कप मध
वॅनिला ईसेन्स
बेकिंग पावडर चिमुट भर
२ चमचे ऑलीव्ह ऑईल
मिठ चिमुट भर

क्रमवार पाककृती: 

१. ओवन ३५० डि, फे. ला प्री-हिट करा.
२. अंडी, मध, वॅनिला ईसेन्स आणि तेल एका बाउल मधे फेटुन घ्या
३. बदाम पिठ, मिठ, बेकिंग पावडर निट मिक्स करुन त्यात वरील मिश्रण टाकुन एकजीव होईपर्यंत मिक्स करा
४. हे बॅटर मफ्फिन कप मधे टाकुन २०/२५ मिन बेक करा
५. गरम गरम मफिन्स तयार Happy

cake.jpgcake2.jpg

वाढणी/प्रमाण: 
१२ छोटे मफ्फिन्स होतात
माहितीचा स्रोत: 
मैत्रीण
आहार: 
शाकाहारी
पाककृती प्रकार: 
बेकरी पदार्थ
शब्दखुणा: 
केक. मफिन्स
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

भारी! Happy

Submitted by स्वाती_आंबोळे on 14 April, 2014 - 15:07

>> त्या एवढ्या मोठ्या पिशवीचं करायचं काय?
एवेएठिला वाटून घेऊ.
(करून आण म्हणायला जीभ धजावली नाही. :P)

सायो, ३ एगव्हाइट्स म्हटलंय. म्हणजे पूर्ण दोन (दीडच) अंडी पुरावीत. मोठं असेल तर एकही पुरावं.

Submitted by स्वाती_आंबोळे on 14 April, 2014 - 16:01

तुझ्या बेकिंग कौशल्यावर मी शंका घेणार? मला मब अजून जमलेली नाही. Proud
आयजीच्या जिवावर टाइप वाटलं. पण तुझा आग्रहच असेल तर आण, खाईन बापडी! Proud

Submitted by स्वाती_आंबोळे on 14 April, 2014 - 16:04

कॉस्ट्को मधे मिळणारे पिठ साल काढुन केलेले असते. पण ट्रेडर जो'स मधे कमी प्रमाणात आणि विथ साल मिळते. मला वाटत ते स्वस्तः ही पडते.

Submitted by अदिति on 14 April, 2014 - 16:58

नावावरून वाटले बदाम इसेन्स आणि वर बदामाचे काप लावलेले आपले साधेच मफिन्स. बदामाचे पीठ कसे किलो मिळते?

Submitted by अश्विनीमामी on 15 April, 2014 - 00:05

अमा, आपल्याइथे मिळत नाही हे पिठ.. आणि तसेही बदाम ९००-२००० रुपये किलो च्या रेण्जमध्ये आहेत. त्यावरुन आल्मंड मिलचा अंदाज मारा. Happy

बाकी रेसिपी मस्तच.

Submitted by साधना on 15 April, 2014 - 00:17

जबरी रेसिपी आहे, मैदा आणि साखर नसल्याने खूप आवडली आहे. नक्कीच करणार. थँक्स. Happy
ट्रेजो मधलं जरा खरबरीत असतं तेच वापरायचं का ? की एकदम पीठी टाईप हवंय ?

Submitted by .. on 15 April, 2014 - 00:24

निजामाच्या घरात वगैरे करत असतील का हा पदार्थ? मैदा मिळत नसेल तर बदामाचे पिठ वापरावे का? Happy
का थटटा करून राहिलेत गरिबाची?

Submitted by मेधावि on 15 April, 2014 - 07:18

मस्तच पाककृती Happy

सानीने मागे एक चॉकलेट केक लिहिला होता बदाम पावडर + चॉकलेट वापरुन. त्यात साखर होती. अर्थात तो चॉकलेट केक फक्त खास प्रसंगासाठीच राखून ठेवायला हवा. कॅलरीजचा बॉम्ब आहे तो. हे मफिन्स एरवीही ( प्रमाणात ) खायला मस्त वाटतायंत.

Submitted by अगो on 15 April, 2014 - 11:49

ट्रेजो मधलं जरा खरबरीत असतं तेच वापरायचं का ? की एकदम पीठी टाईप हवंय ?<< हो खरखरीतच असतं.

घरी मिक्सर मधे ही बनवता येईल. चांगला हेल्दी टु-गो नास्ता होतो.

कोस्टको मधे १७ ला मिळणार्‍या बॅगमधे ४ बॅचेस होतात. ४८ मफिन्स. साधारण ४० सेन्टला १. आपाआपल्या हिशोबाने करावेत आणि खावेत Happy अगो म्हणते तसं खास प्रसंगासाठी राखुन ठेवायलाही हरकत नाही.

Submitted by अदिति on 15 April, 2014 - 12:40

परवा ट्राय केले, ट्रे जो चं पीठ वापरलं, चांगले झाले होते. फोटो काढून ठेवलाय, नंतर टाकेन.
मला जरा गोडीला कमी वाटले, तसंच २० मिनीटातंच झाले होते, नंतर २ मिनीट ठेवले तर खरपूस झाले किंचीत.
पुढ्च्या वेळी नेहेमीच्या केक मधे मैद्याऐवजी अर्धं बदाम पीठ व साखरेऐवजी मध असं सबस्टिट्यूट करुन बघेन.

Submitted by .. on 30 April, 2014 - 15:41