होल व्हिट बन्स - कणकेचे पाव/ब्रेड/बन

मामी, रेसीपी वाचत्ताना खुप सोपी वाट्तेय करताना कळेल. नक्की करुन बघेन...

मावेमध्ये कन्वेक्शन मोडवर करायचा ब्रेड.

त्याचं टेंपरेचरचं बटणही तुटलंय. >>> हे भगवान!!!

मामी, बन भारी दिसतायेत. करायला जमणार नाही. पण बघूनच मिटक्या मारून घेते.

मामे, काल केला एकदाचा हा ब्रेड. तुझ्या घरी खाल्ल्यापासुन ऐशू मागे लागलेली कर कर म्हणुन पण जळ्ळं ते यिस्टच दुकानांतुन गायब झालेलं (त्यांना कळलं काय मी करणारे ते.. ) हायपरमध्ये एकदाचं सापडलं आणि मग काल केला ब्रेड, करताना लसुण आणि रोजमेरी, थाइम व्.व. जिन्नस घातलेले त्यामुळॅ छान गार्लिक ब्रेडसारखा झाला. अंडी सध्या नाहीयेत घरात त्यामुळॅ घातली नाहीत. पुढच्या वेळेस घालेन.

मामी, त्या सगळ्या मिश्रणामध्ये जर कोको पावडर आणि थोडी जास्त साखर घातली तर चालते का गं?

मी काल केले हे बन्स. मस्त झाले
फक्त ही रेसिपी सार्वजनिक करणार का? शोधायला गेलं तर सापडत नाही.

मामी, धन्स गं!
करून बघेन आणि सांगेन तुला!

आणि अहो टकाटक, तुम्हि जरा हे रिक्षा स्पॅमिंग बंद करावत अशी नम्र विनंती!

मामी,कालच करून बघितले.मस्त जमले.याआधी बन्स कधीच केले नव्हते त्यामुळे अर्धे प्रमाण वापरुन घाबरतच केले.पण काल केले व कालच संपले
रेसिपीबद्दल धन्स!

बिग बझार मधे मेजरिंग कप घ्यायला गेले तर २ वेगवेगळ्या रंगामधे वेगळे मेजर होते. १ मधे २५० मिली. तर दुस-यामधे २४० मिली. मग मैत्रिणीला फोन करुन विचारल तर तिच्या कडच्या कप मधे २०० मिली. तर मी असे कप न घेताच परत आली. कोणी सांगाल का कप वरच माप काय असते?

हे बन करायला आज मुहुर्त लागला. कणिक मिसळल्यानंतर लगेच माझ्याकडे इमर्जंसी सिच्युएशन झाली. कणिक बर्‍यापैकी सैल वाटत होती. मग मंजूडीला समस करून कणकेची नक्की कंसिस्टंसी विचारुन घेतली. तिच्या सल्ल्याप्रमाणे नंतर कणिक भरपूर मळूनही घेतली. गोळे करायला घेतले तेंव्हा कणकेला थोडीशीच जाळी पडली होती, पण तरीही ते गोळे बेक करायला ठेवले...... आणि हाय राम, १० चे २० मिनीट झाले तरी तांबूस रंग काही येता येईना. मग टेम्परेचर १९० वरून २०० वर आणून परत ४-५ मिनीट भाजले ते गोळे. किंचीतसा तांबूस रंग आला होता, पण आतमध्ये थोडेसे कच्चेच होते.

नवर्‍याचं मत यिस्ट जुनं असेल / हिवाळ्यामध्ये पीठ जास्तवेळ भिजवून ठेवावं लागणार. त्याच्यामते आटा खमीरा नही था.

त्या गोळ्यांची चव थोडीफार खरपूस भाजलेल्या बाट्यांसारखी वाटतेय.

मामी मी पण यिस्ट जुने वापरले त्यामुळे मग ते सगळे प्रकरण फोडणीच्या पोळीच्या रॉ मटेरिअल मधे मिक्स केले. चांगले लागले.

हो हो. आज आमच्याकडे दाल बाटीचा बेत आहे. माझी राजस्थानी कामवाली पोरगी पुढचे सोपस्कार करुन रात्री दाल-बाट्या खाऊ घालेल

मामी, एकदाचे मी हे बन्स करुन पाहिले. चवीला छान लागले, पण माझे अगोच्या फोटोत आहेत तसे वरून गुळगुळीत नाही झाले, एकदम ओबड्धोबड झालेत. आतून ओके आहेत, फार जाळी नाही पडलेली. एक प्रकारचा वास येतोय अंड्+यीस्ट्चा. त्या वासाचे काही करता येईल? की तो येतोच?

30 डिसे 20१३ - काल बनवले होते मी. पण आतून शिजले नाहीत. मग जास्त वेळ ठेवले तर वरून दगड झाले. आतून नीट स्पॉन्जी झाले नाहीत. यीस्टची मॅन्यु तारीख नोव्हे २०१३ होती. मी अंड घातले नव्हते, तेलाऐवजी बटर घातले होते. काय चुकले माझे? पीठ थंडीमुळे जास्त वेळ फुगायला हवे होते का? अंड नसल्याने बटर जास्त वापरायला हवे होते का?

माझ्या पिल्लाने मदत केली होती. बिचार्‍याने तसाच बाहेरून दगड झालेला बन दूधात भिजवून खाल्ला.

०४ जाने २०१४ - आज परत बनवून पाहिले. पीठ थोडेसे सुके वाटले. कोणीतरी सांगितल्याप्रमाणे हलक्या हाताने मळले होते, त्यामुळे ते तुकतुकीत असे स्मूथ दिसत नव्हते. बेक करायला अर्धा तास लागला तरी आतून थोडेसे दगड झाले होते. . काय चुकले असेल?

मामी, वर दिलेल्या प्रमाणाच्या निम्मे प्रमाण घेउन बन्स बनवणार आहे. वर १ अंड वापरले आहे तर ते पण मोजून अर्ध फेटलेले अंडे घातले पाहिजे का? अक्ख अंडे घातले तर बन्सना अंड्याचा वास येइल का?

धन्यवाद मामी

मामी. इथे तुम्ही लिवलय त्यावरून , ह्या काय सोप्पय , जमेल की सहज. वगैरे वल्गना करून मी केल. जे काय झाल त्याला बन्स म्हणायची काही सोय नव्हती. इटालियन हर्ब्स, (डोमिनो पिझ्झा बरोबर आलेली पाकिटे) आणि लसुण यामुळे वास लै भारी येत होता. पण हलकेपणा जाळी शुन्य. शेवटी स्पाइसी दाल बाटी आहे म्हणून खपवल मी.
यिस्ट मुळे लोचा झाला अस वाटतय. अती शहाण्पणा आणि नसलेल्या बेकिंग क्षमतेवर विसंबणे हेपण चुकलच.

नाहीतर मला जमलं म्हणजे सगळ्यांना जमलंच पाहिजे.>> डोम्बल , हम आपसे सवाइ हय
करेन परत प्रयत्न.

मी आज केले हे बन्स. अंड्याऐवजी १ टेस्पून दही आणि १ टे स्पून तूप घातलं. (बटरच्या ऐवजी)
कणिक मळल्यावर वाचत बसले तर झोप लागली. २ तासांनी जाग आल्याबरोबर कणकेला सॉरी म्हणायला झाकण उघडले तर मस्स्स्त जाळी पडली होती. मग हलक्या हाताने मळून घेऊन वेण्या केल्या आणि मावेत मावे+कन्वि मोडवर २२० से ला २० मिन बेक केले.
मस्त खुसखुशीत हलक्या ब्रेडवेण्या तयार झालेल्या आहेत.
थान्कू मामी.

इन्ना मग तसे खाल्याने पोटात प्रॉब्लेम वगैरे झाला का? दुखले वगैरे का? शिजले होते बन्स?
मितान.

मामी, मी काल बन्स केले. थोडीच जाळी पडली आणि अर्थातच फारसे हलके नाही झाले. ईटालियन हर्ब्स घातल्यामुळे चव चांगली आहे आणि अर्धे बन्स संपले.
मला दोन प्रश्न आहेत. पिठाची कन्सिस्टंसी कशी हवी? पिठ मिसळल्यावर १५ मिनिटा नंतर बघितल तर ते फार घट्ट वाटलं म्हणून त्यात अगदी थोडे कोमट पाणी घालून झाकून ठेवले.
दुसरा प्रश्न हा की पिठ किती वेळ मळायचं?
मी दोन बॅचेस मधे बन्स बेक केले. पहिल्या वेळी नीट जाळी पडली नाही म्हणून पिठ थोडा वेळ झाकून ठेउन दुसरी बॅच केली तरी ये रे माझ्या मागल्या.