मालवणी भाजाणे वापरून केलेल्या पाककृती (व्हिडिओ)

कोकणात लोक काय करतात यावर मी काही बाफवर चर्चा वाचल्या तेव्हा...

कोकणात २ प्रकारच्या आमट्या केल्या जातात (हिरव्या आणि भाजाण्याच्या).

१. हिरवी आमटी - खरं तर ही दिसायला पिवळसर असते पण यात ताजं खोबरं न भाजता वापरतात.
त्याबरोबर हळद/तिखट/चिंच घातली जाते. हे सगळं वाटून (गोळी) आमटीला लावली जाते.
(माझी पापलेट रेसिपी या प्रकारची आहे - मायबोली दिवाळी अंक).
शेवग्याचा शेंगा, कच्ची कैरी, भाजलेले सांडगे, टोमॅटो, मासे, आंबाडा, हिरवी मिरची अश्या बर्‍याच गोष्टी
या हिरव्या आमटीत घालून ( एकावेळी एकच) आमटी केली जाते.
जेव्हा एकादा कोकणी 'आज सांडग्याची आमटी खाल्ली' असे म्हणतो तेव्हा ती हिरवी आमटी असते.

२. भाजाण्याची आमटी - ही दिसायला तपकिरी, काळपट असते कारण ताजं खोबरं भाजून घालतात.
एकदा भाजाणे तयार झाले की यात बर्‍याच गोष्टी करता येतात.
मटण, चिकन, कुर्ल्या, कोलंबी इत्यादी.
सगळ्या प्रकारच्या उसळ्या (काळे वाटाणे, कुळिथ, चवळी, वालीचे दाणे, वालाचे दाणे इत्यादी).
मश्रूम, शेवरं असल्या भाज्याही यात करता येतात..)

देवकी.. सांगण्याचे तात्पर्य हेच की 'हिरवी आमटी म्हणजे न भाजलेले खोबरे घातलेली आमटी'...
(हिरव्या मिरच्यांचीही हिरवी आमटी होते)....

शुम्पी: करा करा असेच Follow करा... तुमची आमटी मस्त होवो.

सातू: व्हिडियो Save कशाला? YouTube वर आहे आणि इथे लिंक आहे. पुढेमागे हरवला तर जरा शोधल्यास सहज सापडेल, नाही का?

एक सूचना: या व्हिडियोत केलेले भाजाणे (म्हणजे सुरूवातीचा भाग मिक्सर पर्यंत) हे दोन पदार्थांसाठी आहे.
पुढे काळ्या वाटाण्याबरोबर घालताना निम्मे घातले आहे.
उरलेले शेजारी शिजत असलेल्या कुर्ल्यांचा कालवणात गेले...

(अचानक कमी कसे झाले असे वाटू नये म्हणुन सांगतो).

म्युझिकैवजी बोलायला सांगा बुवा योगिनीतैंना. <<<< त्या व्हिडियोवर बोलायला बघत नाहीत (एरवी नॉनस्टॉप बोलतात म्हणा) आणि मी घरच्या कपड्यात होतो
बॅकग्राऊंडला कन्या माझ्यावर टीपी करत होत्या. तेव्हा सगळ्यांचे आवाज बंद करायला धून वापरली.

विचार होता की जर कुणाल्या आवडल्या तर आपल्याला आवडलेल्या सोप्या पाककृती एक एक करून इकडे टाकायच्या. (पण एकंदरीत प्रतिसाद बघता दुकान बंद करण्याची वेळ लवकरच येईल असं दिसतंय... )

तुमच्या विनंतीस मान - सातू - आणि इतर...

लिहीलेली रेसिपीही टाकलेली आहे...

आवशीचो घोव; ह्याका भाजाणे म्हणतंत?<<< राज ह्याका भाजाणां म्हणतत. भाजाण्याचां कालवाण/आमटी/सांबारां (वालीचे दाणे, चवळी, काळे वाटाणे) ...