निसर्गाच्या गप्पा (भाग - १५)

गोगलगाय ला मारले तर गो हत्येचे पाप नाही ना लागणार? कारण कशीही असली तरीही ती "गाय" आहे ना?

हॉय्लॉ...काय गोड दिसतेय वेणी!
कुठलीही असतील त्या फुलांची वेणी बनवायचं प्रात्यक्षिक टाक गं.

हे कसले झाड आहे. पाने चिंचेसारखी बारीक. पाठी काटेरी. आणि ही फुले येतात. आमच्या ऑफिसच्या समोर आहे. >>>>>>
जागू, ते बाभळी सारखे दिसणारे झाड - या खालील पैकी कुठलेतरी आहे -

Acacia leucophloea - हिंवर

Acacia torta - चिल्लरी

Acacia pennata - शेंबी, शेंबरटी

इतका की फुलं चुकवून चालताच येत नाही. आणि त्या स्वर्गीय सुगंधाबद्दल काय बोलावं?? आहाहा...ह्या अगदी गगनचुंबी वृक्षाची फुलं मात्र एकदम डाऊन टू अर्थ असतात नाही? उमलतात पण धरतीकडे बघत आणि नंतर झेपावतात पण तिच्याच कडे. फक्त इतर फुलांसारखं कोमेजून नाही तर अगदी टवटवीत असतानाच!>>>>>>>>+१ झाडाच्या जवळपास जाताच सुगंध दरवळतो. सध्या दररोज मला ह्याचा लाभ होतोय. पहाटे ह्याची झाडावरची फुले पाहिलीत कोणी? संपूर्ण झाड पाढर्‍या झुंबरांनी भरलेले दिसते. कधी कधी चांदण्याच झाडावर झोके घेतायत असं वाटतं.

<<संपूर्ण झाड पाढर्‍या झुंबरांनी भरलेले दिसते. कधी कधी चांदण्याच झाडावर झोके घेतायत असं वाटतं.<<
व्वा. शोभे! अगदी डोळ्यासमोर चित्र उभं राहिलं.

जागू,
अश्या प्रकारची कमळाची वेणी मी महालक्ष्मीला पाहिली होती. बहुतेक लांब देठाच्या (बुच, मधुमालती इ.) फुलांची अशी वेणी करता येईल.

कोणाला शेवंतीची वेणी करता येते का? आणि मोगर्‍याचे गजरे?
जमल्यास स्टेप बाय स्टेप कृती देऊ शकेल का?

मला शिकायचे आहे वेणी आणि गजरे करायला. पण अजिबातच येत नसल्याने सुई धाग्याने ओवूनच गजरा करावा लागतो.

जागू,
या सर्व कृती सचित्र दाखव, म्हणजे नीट कळेल. पूर्वी आम्ही जिथे राहयचो तिथे खुप तगर, जास्वंद, कोरांटी अशी खुप फुले सहज मिळायची. फावल्या वेळात मग आम्ही त्यांचे हार करुन देवांना घालायचो.

आता गेले ते दिवस! पण अजुनही सणासुदीला दादरच्या फुलबाजारातून सुटी फुले आणून घरीच हार, तोरणे करतो. स्वःत बनवलेला हार देवाला वाहताना मनात जे भाव येतात ना त्याचे वर्णन करु शकत नाही.

जागू,
वेण्या विणायचे कौशल्य गोव्यातल्या बायकांचे बघावे.
शंकासूर, तगर, गुलबक्षी, मुचकुंदाची बाह्यदले, सोनचाफा.. अशा सगळ्याच फुलांना त्या छानच गुंफतात.

जागुले किती गोड लिहिलंस हार गजर्‍यांवर !
स्वःत बनवलेला हार देवाला वाहताना मनात जे भाव येतात ना त्याचे वर्णन करु शकत नाही.
+१०० गमभन!
सध्या बागेत दोन प्रकारचे गुलाब, जास्वंदी, कर्दळ, तगर, जाई अशी फुलं आहेत त्याचा मिक्स हार करते देवीला. मस्त वाटतं!...बाकी अमांडा, एक्झोरा इ.इ. नुस्तीच शोभेचीही आहेतच.

अग मुलींनो, कदंबा म्हणजे काय ते सांगा ना.

मीपण कदंबा म्हणजे काय? हेच विचारायला आले.

वा! जागू, किती सुंदर वर्णन केलंस! आणि तो मधुमालतीच्या फुलांचा गजरा काय सह्ही दिसतोय!

शोभे तू अगदी अ‍ॅप्ट वर्णन केलंस हं... झुंबरं किंवा चांदण्याच वाटतात ही फुलं.

येस्स मानुषी, हा वास नवरात्राशी निगडीत आहे.

>इतका की फुलं चुकवून चालताच येत नाही. आणि त्या स्वर्गीय सुगंधाबद्दल काय बोलावं?? आहाहा...ह्या अगदी गगनचुंबी वृक्षाची फुलं मात्र एकदम डाऊन टू अर्थ असतात नाही? उमलतात पण धरतीकडे बघत आणि नंतर झेपावतात पण तिच्याच कडे. फक्त इतर फुलांसारखं कोमेजून नाही तर अगदी टवटवीत असतानाच!>>+१
हे अप्रतिम वर्णन वाचुन माझ्या शाळेतलं ते ऊंच झाड आणि त्याच्या फुलांचा सडा डोळ्यासमोर आला..

जागु,
वाह ! मोगरा,आकाशमोगरा यांच्या फुलोर्‍याबद्दलच्या (आणि गजराबद्दल) या एक से एक गप्पा वाचुन त्यां सगळ्यांचा सुगंध या पानावर दरवळतोय अस वाटतयं

हो शशांकजी बाभळीचाच प्रकार आहे तो. धन्स.
अशाच बाभळीच्या दुसर्‍या एका प्रकारात पिवळी फुलेही दिसली.

या त्याच्या शेंगा..

या भवर्‍यांची गर्दी फुलांवर दिसली..

ही विलायती चिंच आणि या बाभळीमध्ये काही दुरचं नातं आहे का ?

कदंबा म्हणजे काय?

नमसकार नि ग कर्स.
येथे फारसे यायला जमात नाही आणि मग सगळे वाचता वाचता धाप लागते. वाटते किती काही सुटुन जाते हातातु़न.
जागू, येथे लिहिले नाहि तरी जमेल तसे वाचायचा प्रयत्न करते मी.
खुप आठवण येते बालपणाची.
नोव्हेंबरात भारतात येत आहे आणि जानेवारीत परतणार.
ह्यावेळी, जमले तर नक्की भेटायचे आहे.

कदंबा म्हणजे काय??????????
कदंबा म्हणजे काय??????????
कदंबा म्हणजे काय??????????
कदंबा म्हणजे काय??????????
कदंबा म्हणजे काय??????????
कदंबा म्हणजे काय??????????
कदंबा म्हणजे काय??????????
कदंबा म्हणजे काय??????????
कदंबा म्हणजे काय??????????
कदंबा म्हणजे काय??????????

जागु, मस्त आठवणी सांगितल्यास. माझ्या बालपणीच्या आठवणीत मी हरवून गेले. आम्ही पण लहानपणी, गुलबक्षीच्या देठ गुंफुन, कोर्‍हांटीच्या कळ्यांच्या वेण्या, आणि घरी शेत केलेल्या झेंडूच्या वेण्या आई करायची आणि बाजाराला निघालेल्या बायकांना वाटायची. आमचीही डोकी भरलेली असायची. (फक्त वेण्या-फुलांनी. :फिदी:)

धन्यवाद जागू, कदंबा दाखवल्याबद्दल.

जागु, धन्यवाद! हा आम्ही पण करायचो.
शोभे तुला ना धिरच नसतो. नुसती ओरडत सुटतेस जिथे तिथे.>>>>>>>>>>>>>काय करणार ओरडल्याशिवाय तु दखलच घेत नाहीस ना?

मी हा कदंबा करायचे खुप प्रयत्न केले होते .. कधीच जमला नाही.

बघ. आता कसे पटापट फोटो दाखवलेस.

कदंबा किती सुंदर नाव जागू, आम्ही याला साधा गजरा म्हणतो ( आता लाज वाटली स्वतःची कि इतके सुंदर नाव माहिती नाही आपल्याला ).

जागू, आफ्रिकेतली मधुमालती आणायला पाहिजे तुझ्यासाठी. इथे अंगोलात असते ती फारच सुगंधी असते आणि फुले मोठी व रंगाने अगदी मरुन कलरची असतात.
नायजेरियात असतात त्यांचे देठ खुप भक्कम असतात. त्यामूळे तो गुच्छ वरच्या दिशेने गोलाकार आणि भरगच्च दिसतो. सिंगापूरात मी डबल मधुमालती पण बघितली आहे. मुंबईला बाबूलनाथाच्या देवळात आहे तशी.