चीज फ्रूट जेली --गोड-- सावली

Submitted by सावली on 17 September, 2013 - 08:17
प्रत्यक्षात लागणारा वेळ: 
१० मिनिटे
लागणारे जिन्नस: 

पाणी - २ ते ३ कप
अगर अगर पावडर - २ / ३ टी स्पुन , एका कपाला एक टीस्पुन
फळे - आवडीची. डाळींब, अननस, केळं, सफरचंद
क्युब चीज - १ क्युब
रुहअफझा - १ टे स्पु.
साखर - चवीपुरती साधारण १ ते २ टी स्पुन.
मीठ - कणभर

क्रमवार पाककृती: 

- डाळींब सोडून फळे इतर अगदी बारीक स्लाईस करुन घ्या.
- चीज क्युब चे बारीक स्लाईस करुन घ्या.
- एका सपाट भांड्यात तळाशी फळे पसरवुन टाका. त्यावर चीज चे काप पसरवा.
- आता दुसर्‍या एका भांड्यात २ कप पाणी ( किंवा फळांच्या थराच्या वरपर्यंत येईल इतके) उकळत ठेवा. त्यात साखर , मिठ घाला.
- पाणी उकळले की एका कपाला एक टी स्पुन या प्रमाणात अगर अगर पावडर घालुन लग्गेच ढवळा.
-८ ते दहा मिनीटे मंद आचेवर हळु हळू ढवळत रहा.
- गॅस बंद करुन त्यात रुहअफझा टाका
- आता हे मिश्रण मांडलेल्या फळांवर ओता
- फ्रिजमधे ठेवुन एक तासात जेली सेट होते. ( अगर अगर असल्याने बाहेर ठेवुनही जेली सेट होते पण त्याला वेळ लागेल )
- थंडगार खायला घ्या. उन्हाळ्यात खायला मस्त पदार्थ आहे!

वाढणी/प्रमाण: 
खाऊ तसे
अधिक टिपा: 

- फळात पपई, टरबुज वापरु नका जेली सेट होत नाही ( असे नेटवर वाचलेले आठवते )
- अगर अगर टाकल्यावर लगेचच ढवळा नाहीतर त्या गुठळ्या होतात .
- आधी नुसती फळे घालुन केले होते, स्पर्धेसाठी चीज घालुन करुन पाहिले. चीझ चेरी पायनॅपल स्टीक्स सारखी चव लागते.

माहितीचा स्रोत: 
इंटरनेट - नक्की साईट आठवत नाही. कारण आधीपासुन हे करायचे. मात्र स्पर्धेसाठी चीज घालुन करुन पाहिली
आहार: 
शाकाहारी
पाककृती प्रकार: 
उपाहार
गोड पदार्थ
शब्दखुणा: 
चीज फ्रूट जेली
अगर अगर
पुर्णब्रह्म
Groups audience: 
मायबोली गणेशोत्सव २०१३
Group content visibility: 
Public - accessible to all site users
शेअर करा

आईशप्पथ!! कसली भारी दिसतेय जेली. मस्त मस्त मस्त!

ती अगर अगर पावडर मी घेऊनच येते आता. फळं चिक्कार आहेत घरात.

Submitted by मंजूडी on 17 September, 2013 - 08:29

Chhan Happy

Submitted by Vega on 17 September, 2013 - 08:46

जबरदस्त फोटो! सुंदर!!
हाच प्रकार रेडीमेड जी जेली तयार करण्याची पाकीटं मिळतात ते वापरून सुद्धा करता येईल. त्यात फ्लेवर असतोच त्यामुळे वेगळं म्हणजे फळं घालता येतीलेत.
मी पण करून ठेवीन आता फ्रिजात... जाता येता किंवा जेवणानंतर खायला होईल...

मला एक सांगा, तयार जेली फ्रिज मध्ये किती दिवस राहील?

Submitted by योकु on 17 September, 2013 - 08:53

हाच प्रकार रेडीमेड जी जेली तयार करण्याची पाकीटं मिळतात ते वापरून सुद्धा करता येईल. त्यात फ्लेवर असतोच त्यामुळे वेगळं म्हणजे फळं घालता येतीलेत.>>> +१

लगेच करून बघते. चीज, फळं आणि जेलीमिक्स पाकिटं आहेतच घरात. Happy आयडिया छान आहे.

Submitted by प्राची on 17 September, 2013 - 09:06

थँक्यु Happy
हा पदार्थ घरच्या हाफतिकीटासाठीच केला जातो Wink
अगर अगर स्वीट कॉर्नरमधे मिळेल मंजूडी.
रिया, अगर अगर म्हणजे व्हेजीटेरियन जिलेटीन आहे. करुन बघ तु , खुपच सोप्पं आहे करायला. ( नाहीतर मी कसं केलं असतं ; )
योगेश, विकतच्या पाकीटांमधे फार स्ट्राँग फ्लेवर असतात. शिवाय इतर घटक, प्रिझर्वेटीव वगैरे असु शकतील. आणि त्यात जिलेटीन असते - अगर अगर नाही. त्याची जेली तितकी घट्ट होतही नाही माझी. हे फार सोप्पं आहे वापरायला. चव किती स्ट्राँग करायची ते आपल्या हातात. रसना, फ्रुट ज्युस घालुन फ्लेवर करता येतील सहज. मात्र अगदी अगर अगर मिळत नसेल तर ते जेलीमिक्स वापरता येतील Happy

Submitted by सावली on 17 September, 2013 - 09:26

त्याची जेली तितकी घट्ट होतही नाही माझी >>> जिलेटिन वापरायला हरकत नसल्यास पाकिटावर दिलंय त्याच्या पाऊणपट किंवा कमीच पाणी घातलं तर छान सेट होते त्याची पण जेली.

आता आठवलं माझ्या ऑफिसमध्ये संत्र्याच्या फोडी ग्रिल करून त्या जेलीत सेट करून त्याचं टॉपिंग असलेलं ऑरेंज-व्हनिला parfait मिळतं. अगदी 'जां निछावर' टाइप्स लागतं.

Submitted by तृप्ती आवटी on 17 September, 2013 - 10:47

आता आठवलं माझ्या ऑफिसमध्ये संत्र्याच्या फोडी ग्रिल करून त्या जेलीत सेट करून त्याचं टॉपिंग असलेलं ऑरेंज-व्हनिला parfait मिळतं. अगदी 'जां निछावर' टाइप्स लागतं.
>>> वॉव, वाचूनच तोंपासू! Happy

Submitted by मामी on 17 September, 2013 - 11:02

योगेश, विकतच्या पाकीटांमधे फार स्ट्राँग फ्लेवर असतात. शिवाय इतर घटक, प्रिझर्वेटीव वगैरे असु शकतील. आणि त्यात जिलेटीन असते - अगर अगर नाही. त्याची जेली तितकी घट्ट होतही नाही माझी. हे फार सोप्पं आहे वापरायला. चव किती स्ट्राँग करायची ते आपल्या हातात. रसना, फ्रुट ज्युस घालुन फ्लेवर करता येतील सहज. मात्र अगदी अगर अगर मिळत नसेल तर ते जेलीमिक्स वापरता येतील>>> वक्के!

अगर अगर स्वीट कॉर्नरमधे मिळेल >> हे कुठेशी ठान्यात?

Submitted by योकु on 17 September, 2013 - 11:19

पाऊणपट किंवा कमीच पाणी घातलं >> ओह तरीच.
संत्र्याच्या फोडी ग्रिल करून त्या जेलीत सेट करून त्याचं टॉपिंग असलेलं ऑरेंज-व्हनिला parfait >> भारी लागेल हे.

स्वीट कॉर्नर >> गोखले रोडवरुन राममारुती रोडवर जायला जिथे वळतो तिथेच आहे. स्टेशनकडुन आलात तर डावीकडे लागेल. त्याला व्हेजिटेरियन जिलेटीन सांगितले तर देईल तो.

Submitted by सावली on 17 September, 2013 - 13:09

यम्मी दिसतोय फोटो, जेलीची आयडीया खूप आवडली.

संत्र्याच्या फोडी ग्रिल करून त्या जेलीत सेट करून त्याचं टॉपिंग असलेलं ऑरेंज-व्हनिला parfait >> वाव. सहीच असेल.

Submitted by .. on 19 September, 2013 - 01:02

स्पर्धा म्हणून चीज असू दे. पण एरवी रूहअफ्झाच्या चवीबरोबर खाली शेवइ टाकून फालुदाच होईल की. तुमच हाफ तिकीट 'ये जवानी' मधल्या रणबीरसारख नाठाळ नाय दिसत. अख्ख्या सिनेमात तो रूह अफ्झा पीत नाही Sad त्याला द्यायला पाहिजे हा पदार्थ नक्की :).

Submitted by Barcelona on 19 September, 2013 - 02:14

नाठाळ नाही गं. गुणाचं आहे. जे देईल ते खाते Wink ( तिच्याकडेतरी काय उपाय आहे Wink )
हो हो फालुदाही होईल.
पण चिझ टाकून चव मला जास्त आवडली. शिवाय 'मम्मीभी खुष, बच्चाभी खुष' असाही फायदा झाला.

Submitted by सावली on 19 September, 2013 - 02:20

Pages