मायबोली गणेशोत्सव २०१३ : पूर्णब्रह्म - पाककला स्पर्धा - प्रवेशिका स्विकारणे बंद करत आहोत

ही स्पर्धा लवकर जाहिर केली ते छान झालं. ऐन गणपतीत पदार्थ करून फोटो काढून प्रवेशिका पाठवणं यामधे गडबडच होते.

आता नियम वाचते

वा! मस्त.. नियमांमधे कसलीही संदिग्धता नाही.

फक्त एऽऽकच शंका:
चीज/ पनीर + फळ असा समूह असेल तर फळांचा रस घेऊ शकतो ना? की ताजी फळेच वापरणे अपेक्षित आहे?
मका म्हणजे मक्याचं पीठ वापरलं तर चालेल का? की मक्याचे दाणेच अपेक्षित आहेत?

मी गोड प्रवेशिका पाठवली तर तिचे नाव होईल - XXXX गोड मंजूडी

मग मीही होऊ का गोड पौर्णिमा?

मुख्य पदार्थ चांगले आहेत. कला आणि पाककौशल्याला बराच वाव आहे. प्रयत्न करेन भाग घ्यायचा.

माझी गेल्यावर्षीची पाककृती (सफररिंग) यंदाच्या नियमांतही बसतेय.

धन्यवाद संयोजक

हे चीज/पनीर चा मतलब चीज किंवा पनीर असे आहे ना?

छान कल्पना.
परदेशात मिळणारी काही प्रकारची चीज, शाकाहारी नसतात. ( काफ रेने वापरलेली ) भारतात मात्र बहुतेक शाकाहारीच मिळतात. (इन्झाईम्स वापरलेली ) शक्यतो लेबल वाचलेलं बरं.

<सुगरण माबोकरांच्या चविष्ट प्रवेशिकांची प्रतिक्षा आहे.>

संयोजक, सुगरणबद्दल मोल्सवर्थ बघा काय म्हणताहेत : सुगरण (p. 857) [ sugaraṇa ] a (सुगर) Skilful, expert, apt. Note. This word is more commonly applied to females, and with the implication of expertness in cookery and other points of housewifery. It is but a form of the word सुगरीण, although, through ignorance or inattention, it is sometimes used of male persons.

वर दिलेल्या अर्थात बसणार्‍या माबोकरांच्याच प्रवेशिकांची प्रतीक्षा आहे का?

>>परदेशात मिळणारी काही प्रकारची चीज, शाकाहारी नसतात. ( काफ रेने वापरलेली )<< +१
इथे शाकाहरी चीज मिळते. पन भारतात असणारे अमूल असते शाकाहारी असा दावा करतात.
तसेही दूधाचे पदार्थ व फळ विरोधी आहार.. ज्यास्त करून बाहेरच्या देशाकडून आलेली पद्धत आहे.

धन्यवाद

आह्हा... आता अजून नवनवीन रेसिपीज मिळतील बघायला,शिकायला.... !!!

४) पदार्थ शाकाहारीच असावा >>> असा नियम का? (उत्सुकता आहे)

छान.
तिखट लोला..

>>ऐन गणपतीच्या दिवसांमध्ये घरात नॉन-व्हेज बनवलं जाण्याची शक्यता बर्‍याच अंशी कमी असते
कोणाच्या घरात?
अंडं घालू का नको?

मजकुरात प्रकाशचित्र टाकायचे असल्यास >>> मजकुरात प्रकाशचित्र 'टाकण्यासाठी' - अशी शब्दरचना हवी संयोजक

.

एका समूहाचा सगळं मिळून एकच पदार्थ तयार करायचा आहे ना? म्हणजे मक्याचे सूप आणि पनीरचे स्टार्टर असे वेगवेगळे करून एकाच डिशमध्ये सर्व्ह केले तर चालणार नाही ना?

म्हणजे मक्के की रोटी आणि सरसोंका पनीरवाला साग चालणार नाही

ओके संयोजक, धन्यवाद. उचित वाटलं तर-

३) वरील जिन्नस वापरून गोड किंवा तिखट पदार्थ बनवू शकता.>> इथे 'एकच' शब्द टाका.

>>बहुतेक घरांमध्ये
मग त्या बहुतेक लोकांनी टाकल्या असत्या की शाकाहारी आणि थोड्या मांसाहारी आल्या असत्या तर काय बिघडलं असतं? त्यांच्या घरचा बाप्पा रागवतो की काय! आमची गौर रागवली तर?
ही अल्पसंख्यांकांची गळचेपी आहे!

"३)" मध्ये तो 'एकच' शब्द घातल्यानं आता खालच्या पोस्ट्स न वाचता नुसते नियम वाचले तर ३ आणि ७ वाचून गोंधळ होतोय. 'तिखट' च्या आधीही 'एकच' लावायला पाहिजे. किंवा "दिलेल्या एका समूहातील सर्व घटक हे एकाच पदार्थात असले पाहिजेत" असं काहीतरी.
धन्यवाद.

पनीर आणि चीज हे पदार्थ खूप वेगळे आहेत. त्यापैकी एक आणि मग फळ/मका/फळ + मका असे चालेल ना?

इतर उपपदार्थांचे काय? जसे फोडणीचे पदार्थ, सजावटीचे सामान (खोबरे, कोथिंबीर, लिंबू इ.), गोडाचे मसाले जसे वेलची, जायफळ इ. चालेल ना??

मस्त आहे स्पर्धा. संयोजक असा अर्थ आहे ना वरच्या नियमांचा

१.पनीर +फळ
२.पनीर्+मका
३.पनीर्+मका+फळ
४.चीज+फळ
५.चीज+मका
६.चीज+मका+फळ

वरील सहा ऑप्शन मधला कोणतेही काँबीनेशन घेवून पदार्थ करावयाचा आहे. पदार्थ करताना ऑप्शन मधले पदार्थ घेतलेच पाहिजेत. त्या व्यतिरिक्त कोणतेही इतर घटक अ‍ॅड करता येतील.

>>ऐन गणपतीच्या दिवसांमध्ये घरात नॉन-व्हेज बनवलं जाण्याची शक्यता बर्‍याच अंशी कमी असते<<

अहो पण इथे(मायबोलीवर) देवाला नैवेद्य कशाचाही( शाकाहारी/मांसाहारी) दाखवला तर काय फरक पडतो..(आठवा आईसक्रीम नैवेद्य किंवा बकर्‍याचे बळी देणारी चर्चा).. असे अश्या बीबीवर आपले मौलिक विचार प्रकट करणारे बरेच आहेत, त्यांना उगीचच 'पुन्हा रुढीत' खेचल्यासारखे वाटेल व जाचक वाटेल.. व सर्व जे पुढारलेल्या विचारांचे आहेत(त्यांच्या मते पुढारलेले कारण त्यांना पिढ्यान पिढ्या देवाला फक्त 'शाकाहरी' का 'च' घालायचे मान्य नाही ते) त्यांना बरे नाही वाटणार.
आणि इथे मायबोलीवर पुढारलेले(?) लोकं ज्यास्त असल्यास ह्या स्पर्धेला कमी प्रतिसाद मिळेल असा वाव आहे. असा एक अंदाज आहे.
काही खूपच हुशार आहेत जे फक्त अंडे व तत्सम मांस घालूनच बनवू शकतात त्यांच्या पाककलेला वाव नाही मिळणार.
मनाने दाखवले तर काहीही चालायला पाहिजे, शेवटी आपणच नैवेद्य खाणार असे त्यांचे(पुढारलेल्यांचे) मत आहे.